नेपाल कता जादै छ ?

केही नेपालीहरुको मन भित्रका अनुत्तरितप्रश्न हरुलाई शेखर ढुंगेल ले यो लेख मार्फत व्यक्त गर्नु भएको छ । चित्त नबुझेमा कमेन्ट मार्फत आफ्नो विचार व्यक्त गर्नु होला ।

नेपाल अहिले इतिहास कै गम्भीर अवस्था बाट पिल्सी रहेको छ। बिगत का सबै क्रान्ति अनि जनताको बलिदान अबमुल्यन र उपहास भयो भनि आम नागरिक चिन्ता व्यक्त गर्न थालेका छन्। संक्रमण काल को बहाना मा नेतृत्व बर्गले रास्ट्र लाइ गलत दिशातर्फ धकेल्दै राज्य र कानुन बिहिन अबस्थामा पुर्याएको बिडम्बनापूर्ण नियति को शिकार बाट जनता त्रसित आक्रोशित अनि निरास भएका छन्।

राजनीतिशास्त्र किताब को पाना मा नेतृत्व कर्ता भनेको निष्पक्ष, उच्चआत्मबल, नैतिकता, चरित्रता, इमान्दार, पारदर्शी, निडर, निर्णायक क्षमता भएको, सिदान्तनिष्ठ, बिबेकशील आदि गुण ले युक्त भै उदाहरणीय हुनु पर्छ भन्ने लेखिएको पाइन्छ। नेपाल को राजनीतिको प्रसंग मा यस्ता गुण हरु मिथ्या, औचित्यहीन भएको देखिन्छ। कांडै काण्ड मा मुछिएका सम्बन्धित नेतृत्व हरु राजनीति बाट अलग हुनु पर्ने सभ्य राजनीतिको एउटा निर्देशित सिदान्त नै हो तर नेपाल मा भने उल्टो झन प्रभाबसाली देखिनु ले जनता मा निरासा अनि विरक्तता बढ्दै गएको छ जुन सम्बन्धित राजनैतिक दल र देश कै लागि प्रत्युपादक हुने मा शंका छैन। आत्मबल गिराउदै गएका नेतृत्व बाट समाज ले हानि बाहेक सकारात्मक पक्ष केहि पाउने छैन।

नेपालमा केहि बिगत र केहि बर्तमान का चर्चित अनियमितता का घटना लाइ हेर्ने हो भने “नेपाल भनेको राज्य र कानुन बिहिन देश हो” भन्न हिच्किचाउनु पर्ने देखिन्न। राजनीतक प्रभाब मा आफ्नो अधिकार प्रयोग गर्न सकिएन भन्ने लाचार, अनुत्तरदायीपन भएका सम्बन्धित अधिकारी वा अभियुक्त लाइ सहयोग, संरक्षण गर्ने अनैतिक राजनैतिक नेतृत्व लाइ कठघरामा उभ्याउन सक्ने “संयन्त्र “आज को अनिबार्य आबस्यकता हो तर दुखद बिडम्बना के छ भने त्यस्तो संयन्त्र को निर्माण वा गठन गर्नु पर्ने जिम्मेवार पक्ष नै अभियुक्त हुन्छ भने त्यो देश को निती नियम कानुन को हबिगत कस्तो होला? राज्य ले जनता ले तिरेको कर (तलब) दिएर जनता को लागि काम गर्न भनि तोकेर पठाएका पदाधिकारी वा नेतृत्व अफ्नो कर्तब्य र उत्तरदायित्व बाट उदास अनि बिमुख हुन्छ भने सजाय को भागीदार हुनु पर्छ अन्यथा देश मा बिद्रोह को ज्वालामुखी फुट्नेछ र देश नेतृत्व बिहिन भएर अकल्पनीय सामाजिक द्वन्द मा फस्ने छ। जसरि आज हैटी, सुडान सोमालिया आदि देश पिडित भएका छन्।  Continue reading

गाईलाइ पक्षपात

cow_dont_discriminate व्यवस्थापिका संसदमा पेश भएको फौजदारी कसुर सम्बन्धी प्रचलित कानुनलाई संशोधन गर्न बनेको विधेयकको परिच्छेद २७ को ‘चौपाया सम्बन्धी कसूर’ शीर्षकमा गाई र गोरुलाइ दुख दिन नहुने प्राबधान राखिएको छ |

सो विधेयक अनुसार गाई गोरु काट्नेलाई ३ वर्ष जेल सजाय हुन्छ भने कुटेर अंगभंग पारेमा ६ महिना कैद अनि अन्य कुनै पनि चोट पुर्‍याएमा पचास हजारसम्म जरिवाना गराउने प्राबधान छ | यो बिधयक संसद बाट पारित भयो भने (राष्ट्रपतिबाट प्रमाणिकरणको औपचारिकता पुरा गरे पछि) कानुन बन्छ र सबै ले यसको पालना गर्नु पर्छ |

यो बिधायकले जन्माएका केही प्रश्न:

  • १. गाई र गोरुलाइ मात्र किन पक्षपात गरिएको हो? अन्य जनावरमा प्राण हुदैन र ? राज्यले नै पक्षपात गर्यो भने अन्य जनाबरको संरक्षण कसले गर्ने ? रास्ट्रीय जनाबर भन्ने हो भने पनि रास्ट्रीय पन्छी को हक मा चाहिँ तेस्तो व्यवस्था किन नगर्ने त ?
  • २. के लोपउन्मुख जनाबार (जस्तै, एक सिंगे गैडा, बाघ, कस्तुरी मृग आदि)को भण्दा पनि गाइ गोरु को संरक्षण बढी महत्वपूर्ण छ र ?
  • ३. भगवानको नाममा गरिने जनावारको हत्यालाइ गैर कानूनी बनाउने काम अहिले नगर्ने हो भने कहिले गर्ने? गढीमाइ र दसैंमा अन्धादुन्ध रुपमा भगवानको अगाडी जनावार काट्दा मानिसको स्वास्थको हानीका साथ साथै बिश्वमा नेपालीको इमेज क्रुर प्राणीको रुपमा रहने निश्चित छ |

हुन त अन्य जनाबरको हकमा पनि निर्दयी ब्यबहार गर्न नपाइने व्यवस्था गरिएको छ | तर गाईलाई बिशेष महत्व र अन्य प्राणीलाइ चाहिँ सौतेनी ब्यबहार कत्ति पनि सुहाउदो देखिदैन | गाईलाई काखा अरुलाई पाखा गर्ने प्राबधानले यो अबोध प्राणीलाइ फाइदा भन्दा घाटा नै बढी हुन्छ भन्ने मलाइ लाग्दछ |

 Continue reading

डंकन संग अंग्रेजी सिक्नुहोस – भाग ५

यो अंग्रेजी शिक्षणको पहिलो भाग यहाँ छ |
यो अंग्रेजी शिक्षणको दोश्रो भाग यहाँ छ |
यो अंग्रेजी शिक्षणको तेश्रो भाग यहाँ छ |
यो अंग्रेजी शिक्षणको चौथो भाग यहाँ छ |

यो अंग्रेजी शिक्षण बिभिन्न भाग मा बाडिएको छ – सबै भागहरु र अन्य अंग्रजी सिक्ने तरिका यो लिंक मा अपडेट गरिने छ |

learn-english

Lesson 41-(Influence)

 Continue reading

फेसबुक, ट्विटर, मोबाइल फोन र मुटु – माया पिरतीका कुरा

love-truthsआजका नयाँ आविष्कार हरु जस्तै फेसबुक, ट्विटर, मोबाइल फोन आदि हाम्रो जीवनका अभिन्न अंग भइ सकेका छन |

तर त्यसो भन्दैमा "अंग" नै भएका त होइनन नि | एउटा उदाहरण हेर्नुस न :

निस्ठुरी मायाँलुलाई फेसबुक बाट हटाउन (ब्लक गर्न) सजिलै सकिन्छ, ट्विटर बाट अनफलो गर्न सजिलै सकिन्छ, मोबाइल फोन बाट पनि मेटाउन केही गाह्रो हुदैन | मुख्य गाह्रो त मन (मुटु) बाट हटाउन पो हो त |

खै त यी नयाँ आविष्कारहरु काम लाग्नु पर्ने ठाउँमा काम लागेका ?

के राजेश हमाल खुट्टा तान्ने प्रवृतिको शिकार हुदै छन् ?

rajesh hamal_reading नेपालीहरुमा अरुको खुट्टा तान्ने प्रवृति छ भनेर सर्बत्र चर्चा त्यसै भएको हैन| पछिल्लो पटक नायक राजेश हमालको विषयलाई लिएर गरिएको आलोचनात्मक चर्चा र टिप्पणीले पनि यही कुराको पुष्टि गर्छ|

चलचित्र “युगदेखि युगसम्म”बाट आफ्नो फिल्मी यात्रा सुरु गरेका नायक राजेश हमाल विगत २५ बर्ष  देखि अनवरत रुपमा नेपाली फिल्म उद्योगमा क्रियाशील छन | उनको यो २५ बर्षे यात्रा आफैमा एउटा ठुलो उपलब्धि हो | चाहे त्यसमा थुप्रै असफल फिल्महरु जोडिएर किन नआउन | यधपी नेपाली फिल्म प्रतिको उनको लगाब यो २५ बर्षे अवधिमा उनले कसरी पुरा गरे भनेर हामी सहजै महशुस गर्न सक्छौं |

जुनसुकै क्षेत्रमा स्थापित हुन मानिसमा धैर्य र लगनको आवस्यकता पर्छ | नेपालमा अस्थिर राजनीतिक संक्रमणकाल गुज्रिरहेको बेला यहाँ आफ्नो भविष्य नदेख्ने र विदेशिने कलाकारहरु पनि हामी माझ नभएका हैनन् तर ति दिनहरुमा समेत उनी नेपाली भुमिमा प्रयत्नशिल रहेको कुरा हामी कसरी बिर्सन सक्छौं ? उनको पारिवारिक पृष्ठभूमिको पाटोको त अझ कुरा नै नगरौ कि उनले चाहेका भए  आफ्नो बुवाको इच्छा बमोजिम कुनै अर्को पेशालाई अपनाउन सक्थे भनेर …|तर बिगत २५ बर्ष देखि एकछत्र यो उद्योगमा राज गर्न सक्ने खालको मानिसमा कुनै गुण नै थिएन त ?बास्तबमा उनी नेपाली फिल्म उद्योगले हाम्रो भनेर गर्ब गर्न लायक कलाकार हुन् | आफ्नो काम लगनका साथ गर्ने,निकै नै कम बिबादमा आएका,बौद्धिक (वा धेरै पढेका भनुम) लामो समय सम्म कला क्षेत्रमा टिकिरहेका, एक रहस्यमयी कलाकार आदि जस्ता विशेषता भएका नायकका रुपमा उनको चर्चा हुदै आएकै हो सायद यस्तै उपमाहरुको आडमा उनले महानायक पद पाएका होलान र त्यो सबैले स्वीकार्दै पनि आएको  हो |

हो, राम्रा नराम्रा पक्षहरु सबैमा हुन्छन | उनमा पनि यो नियम लागु हुन्छ |अहिले चर्चामा आएको उनको कमजोरी भनेको उनी हल्का रुपमा प्रस्तुत भए, नेपाली फिल्म उद्योगलाई दिन सक्ने जति योगदान दिएनन्, लापरबाही तरिकाले जे जे पाउछन त्यो सिनेमामा खेले,कथा अनि पात्रको संवेदनालाई ध्यान दिएनन आदि इत्यादी हुन्| केहि हदसम्म यी कुराहरु साँचो पनि हुन् |सिङ्गो देशमै परिचित व्यक्तित्वबाट केहि गर्ने आशा राखिनु त्यो गलत पनि हैन तर यसो भन्दैमा सबै दोष एकजनालाई थोपरेर अरु चोखिने अवस्था चै रहदैन| वास्तवमा सिनेमा भनेको एउटा टिमवर्क हो यसमा मेकअप आर्टिस्ट देखि निर्देशक सम्मको आआफ्नै भूमिका अनि जिम्मेवारी हुन्छ | त्यो सबैले लगनका साथ पुरा गरेपछि मात्र उत्पादन स्वरूप एउटा राम्रो चलचित्र निस्कने न हो !बिषयबस्तु राम्रो भएर मात्र त्यसको प्रस्तुति राम्रो भएन भने अथवा कथा राम्रो भएर त्यसको पटकथा वा सम्बाद राम्रो नहुने हो भने फिल्म कसरी राम्रो बन्न सक्छ ?? अझ भन्ने नै हो भने त लेखक,निर्माता अनि निर्देशकको प्रमुख सक्रियता हुनुपर्छ एउटा राम्रो फिल्म बन्नको लागि अनि त्यसमा अरुको योगदान पछी थपिदै जाने न हो |एउटा कलाकारले त बस अभिनय गर्ने न हो सिङ्गो उद्योग उनकै हातमा छ भन्नु त त्यो मुर्खता सिवाय अरु केहि हैन| जतिबेला उनी यो उद्योगमा हाम्फाले सिनेमाहरु कतिनै बन्थे र ? जसमा छानी छानी अभिनय गर्नलाई| यदि त्यसो गरेका भए पनि भाउ खोज्ने कलाकारका रुपमा उनको कुरा गरिन्थेंन भन्न कहाँ सकिन्छ र ? उनको यहि कार्यशैलीलाई उनको उदारता मान्नेहरु पनि नभएका त कहाँ हुन् र?फेरी पात्र अनि कथाको संवेदना बुझेर खेल्नलाई कुन चै बलिवुडको कार्बनकपि कथालाई छान्ने हुन् र उनले ?

rajesh-hamal_jokes

हामी कहाँ साँच्चै आफ्नो कमजोरी केलाउने परिपाटीको कमी छ बरु अरुकै दोष देख्ने अवस्था भने बिधमान छ | हामी कसैलाई पनि उसको काम अनि अनुभवको सम्मान दिन जान्दैनौ |(मृत्यु पछी गर्छौ त्यो अलग कुरा )|यदि एकले अर्कोको काम अनि अनुभवको सम्मान गर्दै, ति अनुभबहरुबाट सिक्दै,आफ्नो गल्तिहरुलाई सच्याउदै र  सृजनशीलता सहित अगाडी बढ्ने हो भने आज नेपाली फिल्म उद्योग धेरै माथि पुगिसक्थ्यो| यो कुरा पक्कै पनि सबैले मनन गर्नु पर्ने बेला आएकोछ | तब मात्र हाम्रो नेपाली फिल्म उद्योग भनेर हामी गर्व गर्न सकौला |

अन्तमा आलोचनाले हानी चै पक्कै पनि गर्दैन बरु क्षमतवान् मान्छेले त्यसलाई प्रगतिको सिढी बनाएर माथि उक्लन्छन |  त्यो आफ्नो कमी कमजोरी सुधारेर अगाडी बढ्ने एउटा गतिलो माध्यम हो | आज चर्चामा आएका राजेश हमालका टिप्पणीहरुमाथि गौर गर्दै उनले अझ आफुलाई परिमार्जन गर्दै लाने हो भने आउदो पिढीले उनलाई आफ्नो आदर्श त अवस्य नै मान्नेछन साथसाथै भोलि सर्वत्र उनको स्थान कसैले पनि लिन सक्दैन भनेर चर्चा हुन सक्ने कुरा पनि अवस्यम्भावी छ |

***

सन्धर्भ

केही स्वघोषित विश्लेषकहरुले गरेको टिका टिप्पणीहरु को जवाफ स्वरुप यो लेख लेखिएको हो | हुन त जवाफ दिनु पर्ने कुनै पनि कुरा नभए पनि राजेश हमाललाइ भुवन केसी संग गरिएका तुलना र “चटकी बाँदर”, “उद्योगलाई धराशयी” बनाउने पात्रको रुपमा गलत रुपमा प्रस्तुत गर्ने दुष्प्रयास को बिरुद्धको यो एक आबाज मात्र हो |

केही फिल्म क्षेत्रका “हस्ती” हरुको राजेश हमाल प्रतिको दृष्टिकोण तल राखिएको छ – ती कति सहि वा कति गलत छन् तपाइँ आफै नै  विश्लेषण गर्नु होला |

निर्देशक मनोज पण्डित

राजेशजिले पात्रको संवेदना थाहा नभैकन सिनेमा सक्नुहुन्छ । उहाँ चटकी बाँदर जस्तै मालिकले भनेको काम गर्नुहुन्छ । उहाँको यही लापरवाहीले सिनेमा उद्योग ग्रसित छ । उहाँ अन्धो र संवेदनाहीन कलाकार हो जो पाखुरा र कपालबाट स्थापित हुनुभयो ।

निर्देशक सुदर्शन थापा

राजेशजि उतिबेला राम्रो ठाउँमा हुनुहुन्थ्यो । उहाँले चाहेको सुझाव निर्देशक, कथा लेखकलाई दिएर सिनेमाको स्तर सुधार्न सक्नुहुन्थ्यो तर आफ्नो जिम्मेवारी निभाउनुभएन । खुरु खुरु फिल्म खेल्नुभयो अनि देश विदेशमा नाम कमाउनुभयो तर सिनेमालाई दिनुपर्ने कुरा दिनुभएन

पत्रकार प्रकाश सुवेदी

हमालले कहिल्यै कथाको संवेदना बुझेनन्, आफ्नो कोआर्टिस्ट को हुन् जान्नै चाहेनन् । सिनेमा खेलेर आफूले पैसा कमाए तर उद्योगलाई धराशयी बनाए । हमालको अहिले योगदान मूल्याङ्कन गर्दा यो अवस्थामा उनको महानायक पद सुहाउँदैन

डा. प्रदिप भट्टराई (को हुन् ? थाहा हुनेले कमेन्ट मा लेखिदिनु होला)

विन्दास प्रकृतिका । सम्पत्ति भएका । उनलाई मानिसले उचालिदिए, महानायक भन्दिए मख्ख पारे । सिनेमालाई एक्लो गोरुले जस्तो हाँकेर ल्याए त्यसैले योगदान त दिए तर परिवर्तनकारी योगदान दिएनन् । आफ्नो बौद्धिकता पुष्टि गरेनन् । सस्तो बेसार खालका सिनेमा दिए । यसैकारण उनको साख गिर्दै छ । उनी मनले हैन मष्तिष्कले चल्दै छन् । उनमा सामाजिक संवेदना छैन । उनलाई रिप्लेस गर्ने आउलान् तर समय लाग्ला । राजेश टेस्ट प्लेयर जस्ता भए अरु अभिनेता २०/२० खेल्ने ।

पत्रकार दिपक सापकोटा

राजेशजिले चाहेको भए नेपाली सिनेमा माथि पुग्न सक्थ्यो । आफू हल्का रुपमा प्रस्तुत हुनुभयो । भएको खुबी चिन्न सक्नुभएन । अब राजेश हमालले आफूलाई अफबिट रोलमा प्रस्तुत गरेर आर्ट मुभिमा जानुपर्छ ।

एडिटरको नोट: यो लेख को अन्त्यमा राखिएक यी भनाइहरु अनलाइन पत्रिका मेरो सिनेमामा पोस्ट भएका हुन र यी भनाइहरु कतिको आधिकारिक हुन् भनेर सोध्ने प्रयास हुदै छ |

राजेश हमाल जोक्स – भाग ३

rajesh-dai

(आषाढ १७ को अपडेट अन्त्यमा )

राजेश हमालका जोकहरुको सिलसिला अझै पनि फेसबुक र ट्विटरमा उही रुपमा चली रहेको छ |  धेरै जसो यस्ता चुट्किलाहरु रमाइला भए पनि सबैको चित्त बुझ्ने खालका हुन्छन भन्ने चाहिँ छैन | हामी ले बुझे अनुसार, यस्ता चुट्किलाहरुले राजेश हमालका साथ नेपाली फिल्म क्षेत्र मा राम्रै प्रभाब नै पार्ने र पाठकहरुलाई पनि राम्रै मनोरन्जन दिने हुनाले यहाँ पोस्ट गरिएका हुन |

प्रस्तुत छ राजेश हमालका जोक को तेस्रो भाग:

  • एसेल्सी को ढोका राजेश हमालको हात ले बनाको भ र फलामे द्वार (आइरन गेट) भन्ने गरेको हो |
  • गुगलले खोजेको कुरा फेला पार्न सकेन भने राजेश दाइलाई सोध्छ रे |
  • एक पटक राजेश दाइले चेक साइन गरे … ब्यांक नै बाउन्स भए छ |
  • क्लोनिंग को शुरुवात राजेशदाइले गरेको रे – मान्छेलाई फोटोकपी मेसिनमा हालेर हुबहु अर्को मान्छे निकालेर !
  • नेपालमा दुइटा धरहरा छन – एउटा सुन्धारामा, अर्को राजेश दाइ आफैं !
  • ठुल्ठुला कुरा गर्ने लाई भन्ने डाइलग "हो हो तैँ ठूलो, तैँ राजेश हमाल, तैँ जान्ने, तैँ बुझ्ने, तैँ  हनुमान, तेरै पुच्छर लामो"
  • राजेश हमाल घण्टाघर भन्दानि जेठो हो ठुल्दाई भएको ले घण्टाघर लाइ "भाइ" भन्छन रे
  • राजेशदाइले त पानी हालेर बाइक कुदाउने भएर पानी को हाहाकार भएको | पेट्रोलले चै कुल्ला गर्ने गरेको भएर पेट्रोलको मुल्य बढ्या रे |
  • राजेश दाइको फलामको हात सुटिङको क्रममा हल्का खोस्रिएपछि जब वेल्डिङ गर्नुपर्‍यो, तबदेखि नेपालमा लोडसेडिङ सुरु भा’को रे !
  • सानो छँदा राजेश दाइले मकैको खोया तह-तह पारेर घर बनाउने खेल खेलेका थिए, कालान्तरमा त्यो खोयाको घर अहिलेको धरहरा बन्यो ।
  • एक पटक राजेश दाइले सुन्दरिजलमा गएर आफ्नो हात पानीको टंकीमा सफा गर्नु भाथ्यो रे, तेही भएर ऐले काठमाडौँको पानि मा iron बेसी छ रे!

Contributers from Twitter- @rajeshhamaljoke, @dhaiba, @WebJSunil, @rabndra , @Lohsirk, @poozaaree,

UPDATE (जुन २५, २०११)

  • मेटल संगीत (Metal music) राजेश दाइको बक्सिंग प्राक्टिस गर्दा आविष्कार भएको रे !
  • राजेश दाईको फेभरेट उखान – "जुन केटी आए पनि लपरेका"
  • बन्दुकको गोली र बगेको खोला फर्काउन सक्ने राजेश हमाल बाहेक अरु कोही छैन !
  • राजेशदाइले एक चोटी सरकारी जागिर (हाल, लोक सेबा आयोग)को जाँच दिन को लागि तयारी गर्दाको रफ अहिले विकिपेडिया भनेर प्रसिद्ध छ |
  • विकिपेडियानै बन्ने गरेर तयारी गर्दा पनि राजेशदाइको नाम ननिस्केर अर्कै लोकबहादुर नेपालको नाम निस्के पछि त्यो जाँचको नामनै लोक सेबा आयोग भयो|
  • राजेश हमालले अंग्रेजी सिक्दा स्पेलिंग प्राक्टिस गरेको नोटबुक अक्सफोर्ड बिश्वबिद्यालयका प्रोफेसरले पछि ‘अक्सफोर्ड डिक्स्नेरी’ नाम राखेर प्रकाशन गर्न थालेका हुन् रे
  • राजेश हमाल माछा मार्न खप्पिस – दिन दिनै काठमांडू खाल्टोमा भएको पोखरीमा माछा मार्दै पकाउदै खादै गर्दा रहेछन | संगै बस्ने छिमेकी मन्जुश्रीलाइ माछाको गन्धले खाना खानै गाह्रो हुदो रच – साकाहारी भएकोले | एकदिन भात खादै गर्दा माछाको गन्धले बान्ता नै भएछ – रिसले चुर भएका मन्जुश्रीले तेही भात खादै गरेको चम्चाले चोभारमा काटेर काठमांडू पोखरी सुकाइ दे छन् र आजको बस्ति यही खाल्टो मा बसेको हो रे |

UPDATE (जुलाई १, २०११) -ट्विटर बाट

  • राजेश दाइले तिर्खा लाग्दा बिजुली बाट पानी निकालेर पिउछन !
  • एक पटक राजेश दाइ र देवता बिच लडाई भएछ – नतिजा ? आजकल को कहाँ छन् आफै बिचार गर्नुस |
  • डाबरले नेपाल बन्द गर्ने रे, माग "राजेश दाइले अब देखि कपाल काट्न नपाउनु पर्ने" – डाबर सेम्पुको ब्यापार चौपट भो रे
  • राजेश दाइले मासु खान थालेपछि डाइनोसोर लोप भएको हो रे !
  • डाइनोसोर लोप पछि … अहिले फेरी बाताबरणबिद हरु चिन्तित छन् रे – राजेशदाइको सी फूड मोहले व्हेलले पनि डाइनोसोरको नियती भोग्नु पर्ला भनेर
  • समयले कसैलाई पर्खदैन … राजेश दाइलाइ बाहेक !
  • राजेशदाइ र समय बीच एक पटक दौड कम्पिटिसन भएछ | राजेश दाइ दौड सकेर फिल्म खेल्न थालेछन – समय अझै दौडेको दौडेकै छ !
  • डाबरले नेपाल बन्द गर्ने रे, माग "राजेश दाइले अब देखि कपाल काट्न नपाउनु पर्ने" – डाबर सेम्पुको ब्यापार चौपट भो रे
  • प्रश्न – "राजेश दाइले लभ किन नगरेको?" राजेश दाई -"फिल्ममा एउटा लभ गरेको ८-१० लाख पाइन्छ | सित्तैमा कस्ले गरोस !"
  • नयाँ उखान पनि बनेछ – "मुखमा राजेश हमाल बगलिमा छुरा"
  • प्रश्न – "राजेश दाइले किन बिहे नगर्नुभको?" राजेश दाइ – "उमेर बढी भएर!"
  • अगुल्टो ले हानेको कुकुर बिजुली चम्कदा तर्से जस्तै, राजेश दाइले कुटेको मान्छे फलाम देखेर तर्सिन्छ !!
  • "राजेश दाइ, अरुणिमा त गर्भवती भैछन नि" – राजेश दाइ – "येस्मा मेरो केही दोष छैन !"
  • राष्ट्रिय जनगणनाको अपिस बाट राजेश दाइलाई चिठी आको रच – "कहिले बिहे गर्नुन्छ? तेही हिसाबले जन गणना गर्नु परो |"
  • ठूलो कालो बादल आकाशमा मडारिन थाल्यो … राजेश दाइले चुरुट खान थाले जस्तो छ |
  • हामी क्याम्प फाएर गरेर आगो वरिपरी बसेर भूतका कथा सुन्थेम | आजकाल भूतहरु आगो वरिपरी बसेर राजेश हमाललाई कथा सुनाम्छन रे |
  • जब राजेश हमालले ऐना हेरे, ऐना नै फुट्यो, किन थाहा छ ?- किनभने त्यो ऐनाले दुईंवटा राजेश हमालको बीचमा पर्न चाहेन।

राष्ट्रिय जनगणनाको प्रेम पत्र

 nepal-census-letter-pad

प्रिय जन,

आज पुन: तिम्रो चौतारीमा सुस्ताउदै तिम्रो घर दैलो सम्म टेक्ने मौका आएकोमा साह्रै खुसी लागेको छ| समयक्रम संग यस्तो मौका  दश दश वर्षमा मात्र आउँछ| घुम्दै फिर्दै आज फेरि त्यो समय आएको छ तिमीलाई पनि त यसको जानकारी होला नि हैन? टिभी, रेडियो, पत्रिका, इन्टरनेट आदि जताततै म आउने खबर त पाएकै होलाऊ| आशा छ यो पाली पनि मलाई पूर्ण रुपमा सहयोग गर्नेछौ भन्ने ….उही आत्मियता अनि अझ बढी सक्रियताका  साथ…..|

हाम्रो सानिध्यताले पनि यो पाली त १०० बर्ष पो टेकेछ त है ? मलाई अझै पनि  याद छ  वि.सं १९६८ सालमा पहिलो पटक म तिम्रो घरको आँगनमा टेक्न पुगेको थिएँ | सुरुवाती सङ्गतका दिनहरु थिए ति …| त्यस पछी हरेक १०/१० वर्षमा तिम्रो घरको ढोका ढकढकाउदै आमा ,बुवा ,दाजु, भाई दिदि ,बहिनि वाजे, बजै आदि सबैको हाल चाल सोध्दै आइरहेको छु | मेरो त्यो सोधाईमा तिम्रो परिवार प्रतिको चासो हुने गर्छ तिमीलाई थाहा छ नि हैन ? यी दश वर्षको अवधिमा के के परिवर्तनहरु भएछन त भन्ने मेरो जिज्ञाशा हुने गर्छ ताकी आगामी वर्षहरुमा तिम्रो लागि बिकासका कोसेलीहरु सम्प्रेसन गर्न सकौं| यधपी यसमा मेरो मात्र हात भने हुदैन सबैको साथ अनि तात्पर्यताको जरुरत पर्छ|

२०५८ सालको भेटघाट पछी यो दश बर्षको समयमा देशमा धेरै आरोह अबरोह आए …त्यसको प्रत्यक्षदर्शी पनि बन्योउ तिमी ….सायद खुसीका भन्दा दुखका क्षणहरु बढी  होलान तिमीसंग| के गर्नु ति दिनहरुको त बर्णन गरि साध्य नै छैन है? तै पनि आशा गरौँ आगामी दिनहरुमा त्यस्तो नहोला|

अँ  मेरो यो अषार ३ गते देखि १३ गते सम्मको बसाईंलाई चै हामीले खुब रमाइलो संग ,एकदम सफल हुने गरेर मनाउनु पर्छ है? अषार ८ गते त अझ चाड जस्तै होला| त्यो दिनलाई जनगणना दिवसको रुपमा मनाउने रे नि त ! लौ म  त हिडें आजै देखि नै …सबैलाई समेट्नु छ यसपाली त …."कोही नछुटून कोही नदोहोरिहुन "भन्ने ख्याल पनि राख्नु पो छ त मैले त ….| बरु तिम्रो दैलो मै आएर बाँकी कुराहरु गरौला…. ५० वटा भन्दा बढी कुराहरु गर्नु छ यसपाली त ….

ल त है बाँकी कुरा भेटमा गरौला भन्दै अहिलेलाई बिदा माग्दै छु |

उही तिम्रो हितैषी मित्र

राष्ट्रियजनगणना २०६८

खेलाडी युबराज लामा

yubaraj_lama

युबराज लामा सानै देखी खेलाडि हो मान्छे।

कराते खेल्न अघि पनि खुबै लुकामारी खेलेका थिए रे । त्यस पछि खोप्पी, गुच्चा खेल्दा खेल्दै केटीहरु सँग side खेल्न थाले । अनि फेरी फिलिम पनि खेले । अचेल पनि नियमित खेल्छन रे २१ पत्ती त । सुनेको कुरो । तर सोच्ने कुरा पनि छ के … खेलकुद परिषद को सदस्य सचिब नै उछिट्याउन उनले चानचुने खेल त खेलेनन होला । यस्ता पो खेलाडि जाबो एउटा फुटबलको पछाडि २२ जना दौडने पनि खेलाडि हुन्छ ?

माथिको कुरा भन्ने पेशल जोशी को कुरो ठिकै हो र ?

भने पछि, कलाकारहरुले पो धमाधम राजनीतिक नियुक्ति पाउन थाले | अशोक शर्माले खानेपानी बितरण गर्न थाले भनेर अचम्म मानेको अब युवराज लामा खेलकुद परिषद को सदस्य सचिब भए पछि त के मान्ने (अचम्म मात्र कति मान्ने) सोच्न पनि सकेको छैन |

अब सबै सरकारी कर्मचारी भए पछि फिल्म चै कसले बनाउदो रच ? तेसै भुबन केसी एमालेको सदस्य बन्न गएका होलान र ? रेखा थापा पनि माओवादी को सरकार कुरेर बसेकी छन कि के थाहा ? हेर्दै जाम र दिपकजी को कुरा पनि घत लाग्यो :

हैन सरकारमा गएपछि मान्छेको दिमाग खुस्किन्छ कि के हो, अस्ति नै फिल्मकर्मी अशोक शर्मालाई खानेपानी लिमिटेडको अनुगमन गर्ने समितिमा ल्याएको थियो, अहिले अर्का फिल्मकर्मी युवराज लामालाई राष्ट्रिय खेलकुद परिषदको सदस्य सचिव बनाएछ। बाँची बसे कुन दिन यो देशमा गणेश थापालाई चलचित्र विकास बोर्डको अध्यक्ष बनाएको नि देख्न पाइएला। सरकार न पर्यो जसलाई नि, जे को नि विज्ञ बनाउन सक्दोरहेछ…

डंकन संग अंग्रेजी सिक्नुहोस – भाग ४

यो अंग्रेजी शिक्षणको पहिलो भाग यहाँ छ |
यो अंग्रेजी शिक्षणको दोश्रो भाग यहाँ छ |
यो अंग्रेजी शिक्षणको तेश्रो भाग यहाँ छ |

यो अंग्रेजी शिक्षण बिभिन्न भाग मा बाडिएको छ – सबै भागहरु र अन्य अंग्रजी सिक्ने तरिका यो लिंक मा अपडेट गरिने छ |

learn-english

Lesson 31-(Lies)

 Continue reading

मायालु हृदय – खाली ठाउँ भर

मायामा तपाईलाई धोका भएको छ कि छैन ?

फेसबुकका साथी हिमाललाइ चाहिँ कुनै केटीबाट ठूलै धोका भएको हुनु पर्छ | तेसैले त तल को खाली स्थानमा केटा (Boy) र केटी (Girl) भनेर लेखेका थिए | म त लैंगिक समानताको हिमायती भएको हुनाले ती नाम मेटाएर खाली स्थान राखेको छु | आफुलाई मन परेको वा नपरेको साथीको नाम खाली स्थानमा भर्नुहोस |

khali_thau_bhara_heart-analyzed