बिमल घर्ति मगरले फेसबुकमा बहिनिको हत्यारालाइ कारबाहिको माग गरे

बिमल घर्ति मगरले बहिनि मनिषा घर्ति मगरको पोष्टमार्टमा रिपोर्ट सार्बजनिक भएको केहि समयमा नै उनको बहिनिको हत्यारालाइ कारवाहि गर्न माग गर्दै एक फेसबुक पोस्ट लेखेका छन् | पोष्टमार्टम रिपोर्टले मनिषा झुण्डिएर मरेको निष्कर्ष निकालेको थियो । तर, झुण्ड्याएर मारेको वा आत्महत्या गरेको भन्नेबारेमा भने रिपोर्ट मौन रहेको छ ।

यो बारेमा भिडियो रिपोर्ट:

रोमनमा लेखिएको फेसबुक पोस्टलाइ पढन सजिलो होस भनेर मैले देवनागरिमा उल्था गरेको छु:

सानो छंदा बाबु गुमाएँ । बाबु पनि देश्को लागि लड्नु हुन्थ्यो बिस्तरै त्यो पिडा भुल्दै जाँदा आज १० बर्ष भएको थियो । आज अर्को पिडा थपियो । मेरो परिवारमा बाबुले पनि देशको लागि कति गर्नु भो अनि मैले पनि देश्को लागि कति गरें । तर, मेरो घरमा येस्तो हुँदा सरकारले केहि गरेन भने यो देश को लागि गरेर के काम ? एउटा, आज देश को लागि गर्ने मान्छे कै सुरक्षा छैन भने अरु आम नेपालि जनताले कसरि बस्नु यो नेपालमा? मेरो बहिनिको हत्या गर्ने मान्छेलाइ कारबाहि भएन भने यो देशको लागि के गर्नु ? आज म रोइ रहेको छु भोलि अरु कोहि रोइ रहेको होला।

मलाइ सबैको साथ चाहिएको छ । देश्को लागि लडें अब बहिनिको लागि लड्छु ।

 Continue reading

पुजनाको रिस दर्शक माथि, चकलेट चलेन भन्ने घोषणा

निम्न लेखाइ ‘चकलेट’ फिल्मकि लेखिका र निर्मात्रि पुजना प्रधानको हो:

तपाईहरुले हेरिदिनु भएन त्यसैले चकलेट फिल्म चलेन।। नेपाली लाई राम्रो कथा राम्रो फिल्म भन्दा हावाको कथा भएको फिल्म नै मनपर्दो रहेछ। मैले राम्रो मनले राम्रो कामको लागि फिल्म बनाए तर तपाईहरुको साथ पाईन। धन्यवाद यो नै मेरो फेसबुकमा अन्तिम स्ट्याटस हो आजा बाट म फेसबुक पनि चलाउदिन।

भिडियो रिपोर्ट :

फिल्मको प्रचारको लागि धेरै कलाकार र गण्यमान्य ब्यक्तित्वहरुले शुभकामना दिंदै “चकलेट” हेरिदिन अनुरोध पनि गरेका थिए। भिडियो हेर्नुहोस:

पुजनाले फेसबुकमा लेखेको यो भनाइ अप्रत्यासित र अचम्म लाग्दो हो  किनकि नेपालमा धेरै जसो निर्माताहरु नचलेको फिल्मलाइ पनि हाउसफुल चलेको भनेर झुठा प्रचार गरेर दर्शक तान्ने प्रयास गर्ने  गर्दछन तर पुजनाले भने फिल्म नचलेको घोषणा नै गरेकि छिन। यस घोषणाले फिल्म हेर्न इच्छा भएका र पछि जाने बिचार भएका दर्शकलाइ पनि निरुत्साहित पारेको छ । फिल्म उद्योगका केहि व्यक्तिले यो भनाइ आफ्नै खुट्टामा बन्चरो हानेको भनेर टिप्पणि गरेका छन भने कतिले यो आँटिलो भनाइ भएको पनि बताएका छन् ।

poojana pradhan chocolate

ब्यपारिक हिसाबले यो भनाइले जे सुकै असर गरे पनि पुजनाले सत्य बोल्ने सहास गरेको चाँहि मान्नु पर्छ । उनको भनाइमा कमेन्ट गर्दै एक व्यक्तिले उनलाई हरेस नखान सुझाव दिएका छन्, ” एउटा फिल्म चलेन भन्दैमा हरेश खानु हुन्न पूजना दिदी असफलता नै सफलताको चिन्ह हो अगि बढ्नु होस् अबस्य एक दिन सफल भईन्छ ।”

अर्का फेसबुक प्रयोगकर्ताले भन्छन, “भर्खरै त २-४ दिन हुदैँछ अहिले नै आत्तिनु भनेको त कुशल हुने लक्षण होइन ।”

पुजनाले ‘चकलेट’को रिलिज ताका फिल्म चकलेट जस्तै गुलियो भएको प्रचार गरेकि थिइन । उनले ‘कबड्डि कबड्डि’ टिमले रिलिज ढिलो गर्न दवाब दिएको दावि पनि गरेकि थिइन र फिल्म ‘कबड्डि कबड्डि’ संग टक्कर लिन सक्ने बनेको बताएकि थिइन। तर फिल्म रिलिज पहिले रिलिज गरिएका गित र ट्रेलर पनि खासै प्रभावकारि नभएको सम्भावित दर्शकहरुको प्रतिक्रिया आएको थियो ।

पुजनाको यो भनाइमा तपाइको बिचार के छ ?

 Continue reading

Incoming search terms:

  • बिनिता दिदी

‘सपिङ कम्पलेक्सको काउन्टरमा काम गर्छु’ प्रचण्डपुत्र प्रकाश

एक अनलाइ पत्रिका अनलाइखबरका अनुसार प्रचण्डपुत्र प्रकाश अहिले भारतीय राजधानी नयाँ दिल्ली स्थित एक सपिङ कम्पलेक्सको काउन्टरमा काम गर्न शुरु गरेका छन् रे । फेसबुक मार्फत आफ्ना साथीहरु संग कुरा गर्दै आफ्नो घरमा कुनै सम्पर्क नगरेको बताउने प्रकाशले, ‘बुबालाई अप्ठेरो होला भनेर मैले फोन पनि गरेको छैन’ भनेको बताइन्छ ।

prakash Dahal_facebook

बुबा, आमा, घरपरिवार र साथीभाइबाट टाढा बस्दाको तनाव कम गर्न किताबहरु पढ्ने गरेको बताउने प्रकाशले दार्शनिक र विश्व प्रसिद्ध व्यक्तिहरुको बारेमा लेखिएका पुस्तक पढ्ने गर्छन रे। आफ्नी नयाँ श्रीमती बिनाको बारेमा भने उनले केही नबताएको बताइन्छ ।

आफ्नी श्रीमती र छोरा छोडेर अर्काकी श्रीमती, बीना मगर, लाइ लिएर गत असार २०देखि बेपत्ता भएका प्रकाशले तेसपछि बेला बेलामा फेसबुक एक्टिभ र डिएक्टीभ गरिरहन्छन। हालै आफ्नो बाबुलाइ भेट्न पाउनु पर्ने माग गर्दै गरेको पोस्टको जवाफमा बिभिन्न नकारात्मक प्रतिक्रिया आउन थाले पछि केही समयमा नै मेटेका थिए ।

गूगल र फेसबुकका रेस्टुरेन्ट, मात्र नेपालमा

कहिँ नभएका अचम्मका चीजबिज नेपालमा पाइन्छ । हुँदा हुँदा फेसबुक र गुगलले पनि रेस्टुरेन्ट खोलेर सेबा प्रदान गर्न थालिसकेछन । नपत्याए तलको फोटो हेर्नुहोस :

pepsi sponsored _google_fast_food

"गुगलले पनि कहिँ फास्ट फुड रेस्टुरेन्ट खोलेर बस्छ" भनेर बिस्वास लागेन भने पेप्सीलाइ सोध्नुस । पेप्सीले चानचुनेलाइ स्पोन्सर गर्छ ?

pepsi sponsored _google_fast_food_paknajol

फेसबुक पनि के कम फेसबुक थकाली रेस्टुरेन्ट भनेर खोलेको रहेछ जमलमा । गुगललाइ पेप्सीले स्पोन्सर गरे पछि फेसबुकलाइ कोकाकोला बाहेक अरु कसैले सपोंसर गर्लान त ? ल हेर्नुस, सबै तीन्टा वोर्ड स्पोन्सर गर्न नसके पनि माथिको एउटा रातो वोर्डमा कोकाकोलाले स्पोन्सर गरेर यो पनि आधिकारीक फेसबुकको रेस्टुरेन्ट हो भनेर प्रमाणित गरिदिएको रहेछ । 

facebook_thakali_resturant

फोटो – बिश्व गुरुङ

अपडेट: मित्र निलाम्बरले कमेन्टमा ट्विटरले खोलेको नेपाली स्कुलको फोटो पोस्ट गरेका  रहेछन । गुगल र फेसबुकका रेस्टुरेन्टका फोटो राख्ने ट्विटरको स्कुलको फोटो नराख्नु पक्षपात हुने हुनाले यहाँ पोस्ट (कपी पोस्ट) गरिएको छ:

twitter_school

ट्विटरको स्कुलमा के कुराको पढाई हुन्छ होला भन्ने कुरा सस्पेन्स नै राखिएको छ 🙂

बिनितामाथि फेरी साइबर क्राइमको आरोप

कहिले सगुन केसी र कहिले विनय केसीको नाममा फेसबुकमा नक्कली खाता खोलेर गाली गलौज गरेको अभियोगमा अघिल्लो हप्ता सोधपुछ गरिएकी  नायिका बिनिता बराल र एक हप्ता थुनिएका उनका भाइ भनिएका दिक्पाल कार्की लाइ फेरी अर्की नायिका दीपशीखा खड्काले उस्तै खालको उजुरी गरेकी छिन ।  उनीहरुलाई दोषी देखाउन पर्याप्त मात्रामा प्रमाण भएको दाबी गर्ने नायिका खड्काले नायक राज घिमिरेको उजुरी परेपछि मात्रै दोषीको पहिचान भएको बताएकी छिन ।

यस अघि नायक राज घिमिरेलाई अश्लील गाली र धम्कीपूर्ण एसएमएस, इमेल आदि पठाएको आरोप लगाए पछि प्रहरीले बिनिता बराललाइ सोधपुछ गरेको थियो भने दिक्पाल कार्कीलाई बुधबार पक्राउ गरी आठ दिन थुनामा राखेको थियो । कार्की यही बिहीबार आठ हजार रुपैयाँ धरौटीमा छुटेका हुन ।

नायिका खड्काले नायिका बरालले आफ्नो गल्ती स्विकार गरेमा मिलापत्रहुने सम्भाबना रहेको पनि बताइन ।binita_baral_red_hot_saree_fullstop

बिनिता बरालको दोश्रो फिल्म ‘फुलस्टप’ प्रोडक्सनको अन्तिम तयारीमा रहेको बताइन्छ ।

बिनिता बरालको गिरफ्तारीको समाचार र स्पस्टीकरण

बिभिन्न समाचार माध्यममा ‘यौन शोषण, धम्की र दुर्व्यवहारको आरोपमा ललितपुर प्रहरी परिसरले उनीलगायत दीक्पाल कार्कीलाई हिजो राति बयानका लागि नियन्त्रणमा लिएको’  भनिएकी बिनिता बरालले आफूमाथि ‘चरित्र हत्या र क्यारियर बिगार्ने षड्यन्त्र’ भएको बताएकी छिन ।  फेसबुक मार्फत स्पस्टीकारण दिदा पनि बारम्बार फोनमा पत्रकारहरुको प्रश्नको जबाफ दिदा दिदा हैरान भएर विनिताले एक लामो बक्तब्य नै निकालेकी छिन ।  आफ्नो नाम चाहिँ लेख्न बिर्से पनि उनको फेसबुकको एकाउन्ट बाट सार्बजनिक गरिएको यो पत्र आधिकारिक नै मानिएको छ ।

binita_baral_clarification

यस अघि उनले फेसबुक मार्फतनै रोमनमा पनि आफ्नो धारणा ब्यक्त गरेकी थिइन:

binita_baral_clarification

 

कन्ट्रोभर्सीका कारण चर्चामा आइरहन रुचाउने बिनितालाई यो पनि एउटा चर्चित हुने अर्को मौका भएको हो कि ?

घटनाको पृष्टभूमि (अपडेट)

बिनिताको पहिलो चलचित्र ‘चपली हाइट’का नायक  राज घिमिरेले मोडल तथा नायक दिक्पाल कार्की बिरुद्ध उजुरी दिए पछि प्रहरीले नायिका बिनिता बराललाई पनि सोधपुछका लागि बोलाएको थियो । सोधपुछ पछि आबश्यक परेमा उपस्थित हुने गरि छोडीएकी नायिका बरालमाथि दिक्पाललाइ सहयोग गरेको आरोप लागेको हो ।  यौन शोषण, धम्की र दुर्व्यवहारको आरोपमा ललितपुर प्रहरीले पक्राउ गरेको दिक्पाल कार्कीलाई सात दिनको लागि हिरासतमा राखि सार्बजनिक मुद्दा दाएर गरेको छ ।

विनिता र दिक्पालविरुद्ध प्रहरीमा उजुरी दिनेमा राज घिमिरेका साथ ९ जना भएको बताइएको छ । यसरी गाली बेईज्जत गरेको भनेर उजुरी दिनेहरुमा निर्देशक ऋषि लामिछाने, निर्माता राजेश घतानी र स्क्रिप्ट राईटर शिवम अधिकारीले प्रहरी चौकीमा नै पुगेर उजुरी दिए भने अर्का निर्देशक आलोक नेम्वांग पनि उजुरी दिने बिचारमा भएको बताइएको छ ।

दिक्पालले विनय डिसी र सगुन केसीको नामबाट फेसबुक अकाउन्ट चलाएर गाली बेईज्जती गर्ने गरेको आरोप राज घिमिरेले लगाएका हुन । तर, दिक्पालले भने ती फेसबुक अकाउण्ट आफ्नो नभएको बताएका थिए । तर, राजले दिक्पालकै अकाउन्टबाट आएको एक म्यासेज देखाएपछि दिक्पालले आफ्नो एकाउन्ट ह्याक भएको हुन सक्ने बताएका थिए । विनिता प्रहरी चौकी पुगे पछि  राज र विनिता बीच भनाभन हुदा विनिताले राजको टाउको आफ्नो हेलमेटले फुटाई दिने धम्की दिएकी थिइन ।

विनिताले दिक्पाललाई भाई मानेर माया गर्ने बताउदै आएकी छिन । प्रहरी चौकीमा राती १० बजेसम्म बिबाद गरेर बिनिता भोलि पल्ट चलचित्र फुलस्टपको फोटोशुटको लागि राजीव श्रेष्ठको स्टुडियोमा ब्यस्त रहदा भिभिन्न समाचार मध्यममा विनिता लगायतका कलाकारहरु यौनधन्दामा लागेको र प्रहरीले पक्रेको खबर सार्बजनिक गरिएको थियो।

प्रहरी चौकीमा बयान दिदै दिक्पालका साथी उज्वल गिरीले दिक्पाल दोषी भएको बताएको बताइएको छ । तेस्तै उनक अन्य साथीहरु एसराज र सौरभ राज तुलाधरले पनि उनी दोषी हुनसक्ने सम्भाबना रहेको स्विकारेका छन् । प्रहरीको अनुसन्धान जारी रहेकोले केहि समय पछि दोषी भए नभएको निर्णय छिटै होला भन्ने आशा गरौँ ।

binita_baral

मार्क जुकरबर्गले फेसबुकमा अनाउन्स नगरी बिबाह गरे

फेसबुक संस्थापक मार्क जुकरबर्गले लामो समय देखिकी गर्लफ्रेन्ड प्रिस्सिला चानसंग बिहे गरेका छन् । नौ वर्षअघि हार्वर्ड विश्वविद्यालयमा भेट भए देखि शुरु भएको प्रेमलाइ जुकरबर्गले आफैले डिजाइन गरेको रुबीको रिङ्ग लगाइदिएर यही शनिबार दाम्पत्य जीवनमा परिणत गरेका थिए । 

Mark_Priscilla_marriage_photo

जुकरबर्गको क्यालिफोर्नियास्थित पाओ आल्टोको आफ्नै घरमा भएको सानो कार्यक्रममा भएको बिबाहमा १०० जना भन्दा पनि कम मानिसलाई बोलाएका थिए । समाचारहरुका अनुसार बिबाह भोज अतिनै कम खर्च गरेर गरिएको थियो । निम्तालुहरुलाई उनीहरुले आफ्नो मनपर्ने स्थानीय रेस्टुरेन्टबाट मगाइएको मेक्सिकन र जापानिज खाना खुवाएका थिए जसमा मेक्सिकन खानाको मूल्य साढेसात डलर मात्र परेको थियो । डेजर्टको लागि उनीहरुले पहिलो डेटमा खाएको मुसा आकारको चकलेट राखिएको थियो जसको मूल्य तीन डलर भन्दा पनि कम पर्छ ।

२८ वर्षीय जुकरबर्ग र २७ वर्षीया प्रिस्सिला चानले यो बिबाहको तयारी गत ७ महिना देखि गरेको भए पनि बिबाह अघि यसको बारेमा कसैले सुइँको सम्म पनि पाएको थिएन। आगन्तुकहरु अघिल्लो महिना मेडिकल कलेज पास गरेकी प्रिस्सिलाको ग्रयाजुएसन पार्टी भन्ने सोचेर सो कार्यक्रममा आएका थिए । तर उनीहरु त्यो बेला अचम्मित भए जब उनीहरुलाई सधैं जिन्स लागाएर बस्ने जुकरबर्ग निलो सुटटाई र प्रिस्सिलालाइ बिहे गर्दा लगाउने सेतो लुगामा देखे ।

प्रिस्सिलाले लगाएको ४,७०० डलर पर्ने क्लेरी पेट्टीबोन आइभोरी लेस गाउन अक्टोबरमा नै किनिएको थियो । बिहेको खबर लुकाउन सो गाउन पनि अर्कै नाम बाट किनिएको थियो ।

बिहेको अघिल्लो दिन मात्र स्टक मार्केटमा फेसबुकको शेयर खुल्ला गरिएको थियो जसका कारण जुकरबर्गको सम्पति १९ बिलियन डलर पुगेको छ।

सोसल नेटवर्क फेसबुकका संस्थापकले आफ्नो बिबाह फेसबुकमा अनाउन्स नगरी गर्नुले सबै कुरा फेसबुकमा शेयर गर्न लायक हुदैनन भन्ने कुरा फेरी एकपटक प्रस्ट पारिदिएको छ । यस नेपाली वेबसाइटका तर्फबाट मार्क जुकरबर्ग र प्रिस्सिला चानलाइ लामो दाम्पत्य जीवनको शुभकामना !

फेसबुकको पासवोर्ड माग्ने कम्पनीको निन्दा

जागिरको अन्तरबार्तामा फेसबुकको पासवोर्ड माग्ने कम्पनीको खबरले फेसबुकलाई एउटा बक्तब्य निकाल्न बाध्य पारेको छ ।

फेसबुकका प्राइभेसी अफिसर इरिन इगनले फेसबुक ब्लगमा तेस्ता कम्पनीहरुको निन्दा गर्दै तेस्तो कार्यले फेसबुक प्रयोगकर्ता र उसका साथीहरुको गोपनियता भंग हुने बताएका छन् । यस्तो घटनामा फेसबुकले कानुनि उपाय पनि अपनाउन  सक्ने इगनले बताएका छन् ।

fecebook_responds

जागिर दिने कम्पनीले पासवोर्ड सोधेका (र त्यसबारे मिडियामा आएका) केहि घटनाहरु निम्न छन्:

  • जुन २००९ मा बोजम्यान सिटी, मोन्टाना, अमेरिका (रजिस्टार – अंग्रेजी लिंक)
  • मेरिल्याण्ड दिपार्मेंट अफ करेक्सन (अंग्रजी लिंक)
  • ओकभिल, क्यानेडा (क्यालगेरी हेराल्ड – अंग्रेजी लिंक)
  • अमेरिकाको न्यु योर्क (पूर्ब लेखमा उल्लेखित)
  • २०१०मा रबर्ट कलिन भन्ने व्यक्तिले जागिर खाना पासवोर्ड दिएको  (पूर्ब लेखमा उल्लेखित)

फेसबुक वा अन्य इन्टरनेटबाट खुल्ने व्यक्तिगत जानकारीको बचाउ गर्ने के गर्नु पर्छ भन्ने कुरा हामीले यस अघिको पोस्टमा लेखेका थियौं ।

जागिरको अन्तरबार्तामा फेसबुकको पासवर्ड पनि सोधियो

job_facebook_interviewअमेरिकाको न्यु योर्कका जस्टिन बसेट जागिर खान अन्तरबार्ता दिंदा एउटा अचम्मको अनुवभ गरेका छन् | केही साधारण प्रश्न गरे पछि अन्तरबार्ता लिने महिलाले आफ्नो कम्पुटरमा जस्टिनको फेसबुक एकाउन्ट चेक गर्न थालिन | उनले सबै कुरा हेर्न नपाए पछि जस्टिनलाइ लग इन गरेर देखाउन अनुरोध गरिन | 

जागिर खाने अन्तर्वार्तामा फेसबुकको पास्वोर्ड मागेको देखेर तीन छक परेका जस्टिनले आर्काको निजी जीवनको चियो चर्चो गर्ने कम्पनीमा जागिर खान्न भनेर हिदेछन | तर सबै जना तेसरी कहाँ हिड्न सक्छन र ?

तेस्तै २०१०मा रबर्ट कलिन भन्ने व्यक्तिलाई पनि फेसबुकको पास्वोर्ड मागिएको थियो रे |  रबर्टलाइ अचम्म लागे पनि उनलाइ जागिरको अति नै आबस्यकता भएकोले पास्वोर्ड दिएको टाइम पत्रिकालाइ बताएका छन|

फेसबुक, ट्वीटर आदि इन्टरनेटका "सार्बजनिक स्थान" मा जथाभाबी कुराकानी, फोटो, भिडियो आदि राखेर दुख पाएको त सुनिएको थियो | तर यस्ता अकाउन्टलाइ सबैले हेर्न नमिल्ने बनाएमा आफ्नो कुरा सुरक्षित हुन्छ भन्ने सोच पनि परिवर्तन गर्नु पर्ने भएको छ |

फेसबुक, ट्वीटर प्रायोग गर्दा निम्न कुरामा चनाखो हुनु राम्रो होला:

  • सबैले थाहा पाउन नहुने कुरा नराख्ने | जस्तै, स्क्यान गरेका सम्बेदनशील कागजात जस्तै पासपोर्ट, लाइसेन्स,
  • आपराधिक गतिबिधीमा संलग्न ब्यक्तिलाई साथी नबनाउने | पुलिस र अन्यलाई फेसबुक बाट अपराधको अनुसन्धान गर्ने एकदमै सजिलो हुन्छ | अनि, पुलिसले मागेमा पास्वोर्ड दिन कन्जुस्याई गर्दा उल्टो फसिने सम्भाबना हुन्छ | तेसैले कसलाई साथी बनाउने कसलाई नबनाउने भन्ने कुरामा पनि चनाखो हुनु राम्रो हुन्छ   |
  • कसैको पनि गालि बेईजेती नगर्ने | 
  • अनाबस्यक र अश्लील खालका सामाग्री पोस्ट नगर्ने |
  • काम वा व्यक्तिगत सम्बन्धको बारेमा हुने गुनासा पोस्ट नगर्ने |
  • भबिश्यमा आफुलाई अफ्ट्यारो हुनेखालका कुरा हरु पोस्ट नगर्ने |
  • पहिला तेस्ता पोस्ट भएका छन् भने यथासिघ्र मेटीदिने |

(यी मेरा व्यक्तिगत बिचार हुन, कमेन्टमा अरु थप विचार पोस्ट गरिदिनुहोला)

टाइम पत्रिकाको लेख पढ्न मनलाग्नेले यहाँ किल्क गर्नु भए हुन्छ (अंग्रेजी लेख)|

प्रचण्डपुत्र प्रकाशको सगरमाथा आरोहण र मिडियासंगको गुनासो

नेकपा माओबादी प्रचण्ड पुत्र प्रकाश दाहाल सम्मिलित एक टिमले सगरमाथा चड्दैछ (फोटो सहित अंग्रेजी लेखको लिंक) भन्ने कुराको बारेमा हामीले बिगतमा लेखेका थियौं। यो अभियानको अलिअलि बिरोध त पहिले पनि भएको हो तर जब यसको खर्च २-३ करोड लाग्ने कुरा सार्बजनिक भयो त्यस पछि  बिरोधको स्वर अलिक बढेको छ । त्यहि कुरा लाइ इंगित गर्दै प्रकाशले आफ्नो फेसबुकमा यस्तो गुनासो गरेका छन्:

यो मिडियाले नि! गर्नु गर्यो !! राम्रो कामलाई राम्रो त भन्नु पर्छ. सगरमाथा चाद्नु शान्ति र संबिधानको लागि दबाबको रुपमा, लुम्बिनी र सगरमाथा नेपालमा हुदानी हामी किन पछी भनेर!!! हौशला दिनु त कता कता किन तेस्को बिरोध ! बास्तवमा नेपालमा केहि विकास हुन नदिनुमा यो मिडियाको मुख्य हात छ. गर्नुस बिरोध तर हाम्रो दबाबमुलक यात्रा रोकिने वाला छैन!! तपाईहरुको कामनै राम्रोलाइ नराम्रो भन्नु भए पछी!!!!

कुरा एक प्रकारले ठिकै हो । उहाँ हरुले कुनै काम नै बिताएर सगरमाथा चड्ने पनि होइन ।  केही कमेन्टहरु प्रकाश दहालको कुरामा सहमत छन्। समर्थन गर्ने कमेन्टहरु: "ठिक भन्नु भो", "ब्यबसायिकता नहुने हरु अलपत्रकारहरु ले त्यसो गरेको",  र उनको आरोहण  को सफलताका शुभकामना दिने खालका छन् । तर बिरोध गर्ने खालका कमेन्टमा भएका कुराहरु पनि नाजायज भने छैनन:

किरण बुढा मगर भन्छन, " सगरमाथा चढ्दा लाग्ने खर्चले बरु अन्य सामाजिक बिकासको लागि लगानी गर्दा अति सान्दर्भिक हुन्छ। मेची देखि महाकाली सम्म जनचेतना मुलक अभियान नराम्रो होइन समस्या सगरमाथा चढ्दा अनाबास्यक खर्च हुने त्यो ठुलो रकम हो चाहे त्यो दलित को नाममा होस चाहे त्यो कर्मचारीको नाममा होस्। दलित सागरमा चढ्दैमा समाजको आमुल उद्पिदन अन्त्य हुने पनि होइन र प्रकाश जीहरु सगरमाथा चढेर यावत समस्या को हल हुने पनि होइन यसमा बिचार गर्दा नै राम्रो र सरकारले पनि यी अनाबस्यक खर्च दिन बन्द गर्नु पर्छ। तसर्थ ३ करोड २ करोड सानो रकम होइन यसले ठुलै बिकासका कार्यहरु ग्रामिण भेगहरुमा सम्पन हुनसक्छ यता पट्टि सोच्दा बरु जनमत सिर्जना होला सगरमाथा चढेर जनमत सिर्जना होला वा संबिधान निर्माणमा दबाब सिर्जना होला भन्ने भ्रममा नपर्नु भए राम्रो हुने थियो।"

खेम थपलिया भने अझै खरो रुपमा उत्रिएका छन्, "प्रकाशजी, तपाईंको यो अभियान असान्दर्भिक र अवैज्ञानिक छ । यो तपाईंको ‘काम कुरा एकातिर कुम्लो बोकी ठिमीतिर’ भने जस्तै हो ।"

अर्का टेन्सन माइलो बन्दीपुरे लेख्छन, "तिन करोडले त रुकुम रोल्पामा सानो तिनो विकास पो हुन्छ त सरगरमाथा चढ्ने खर्च बरु त्यता खर्च गर्न सके त सबैले वाहा वाहा गर्थे होलानी । शान्तिकोलागि भनेर सगरमाथा चढ्दा सगरमाथाले शान्ति दिने होईन । त्यसैले त्यो रकम गरिव नेपालीहरुकोलागि विकास खर्चमा लगाए राम्रो । अब नेपालमा सगरमाथा चढेर विकास हुने भएत सबै जना सगरमाथानै चढ्थे होलान् नी ।"

लिविंग लुन्ग्खिम को भनाइ – "कम्रेड, देशको ढुकुटी रित्याएर नाम कमाउने प्रयास नगर्नु, त्यो २/३ करोड ले त पश्चिम नेपालका पिछडिएका गरिब बर्गका नेपाली हरुलाई शिप मूलक तालिम केन्द्र र कारखाना खोली दिने हो भने रास्ट्रको लगानीमा देश बासीलाई राहत पुग्थ्यो कि?"

तपाईहरुलाई कस्तो लाग्छ कमेन्ट गर्नु होला ।

prakash_dahal-sagarmatha