महानायिका प्रियंका कार्कीजीलाइ खुल्ला पत्र !

यो चिठी एक प्रियंका कार्कीका एकतर्फी प्रेमी ले प्रियंकाको लागि भनेर लेखेको एक चिठी हो । उनले यो चिठी एक अनलाइनफोरममा पोस्ट गरेका थिए:

आदरणीय महानियिका प्रियंका कार्कीजी,

नमस्ते ।
आज फेरी मैले हजुर समक्ष मेरा अन्तरमनका भावानाहरु पोख्न जमर्को गरेको छु । हुन् त् केहि बर्ष अगाडी हजुरले मलाइ हजुरको बारेमा केहि नलेखिदिनु भनेर आग्रह गर्नु भएको थियो । तर आज परिस्थिति बदलिएको छ । हिजो हजुर नर्थ अलाबामाको साधारण बिद्यार्थी हुनु हुन्थ्यो भने आज हजुर नेपाल र बिश्व भरिका नेपाली बासिन्दाका हृदयमा बस्ने महानायिका "मेगा स्टार" प्रियंका कार्की हुनु भएको छ । छोटो अवधिमै हजुरको यस्तो प्रगति देखेर म भन्दा ज्यादा शायद अरु कोही पनि खुशी छैन् होला ।

priyanka karki

प्रियंकाजी, अवस्य पनि हजुरको मस्तिस्कको कुनै पनि कुनामा मेरो केही अस्तित्व छैन। तर पनि म आफ्नो सानो परिचय दिने दुस्साहस गर्दै छु । कुरो हजुर नेपालमा छँदाको हो ।  मैले पहिलो पटक हजुरलाइ साइबर संसारको फोटो पेजमा देखे । हजुरको सुन्दर रुप, ति सुकुमार मुस्कान, कोमल र निश्चल नयन….(हे प्रभु, म त् हजुरको रुपको बयान नै गर्न सक्दिन)….फोटो हेर्दा हेर्दै, म त् हजुरको नयन तालमा डुबिसकेको रहेछु ।

समय बित्दै गयो । पछि हजुर पनि अमेरिकाको नर्थ अलाबामामा पढदै हुनुहुन्छ भन्ने कुरा चाल पाएँ । अब त मैले हजुरलाइ साक्ष्यात दर्शन गर्न पाउने भो भनेर धेरै नै खुशी भएँ । त्यस पछि मैले नर्थ अलाबामा जाने निधो गरेर तेही अनुरुप पैसा जम्मा गर्न थालें । २००८ को समरमा म अलाबामा आउने पक्का भइसकेको थियो तर मैले बर्षौ देखि सजाएर राखेको सपनामा एक्कासी आगो लाग्यो । साइबर संसारमा हजुरले त एक भारतीय नागरिकसंग बिवाह गरिसक्नु भएको कुरो उल्लेख गरिएको थियो । नेपाली भएर होला, भारतीय नागरिक भन्ने बितिकै म त छाँगोबाट खसे सरह भएँ । मनमा आफ्नो कुरो राख्न नसकेर मैले साझा मार्फत हजुरलाइ पहिलो खुल्ला पत्र लेखे । तेही धागोमा पछि धेरै कुराहरु खुलस्त भए । उहा भारतीय नागरिक नभई नेपाली नागरिक नै हुनुहुन्छ भन्ने कुरो प्रकाशित भयो । यो सब कुरो चाल पाएर मैले हजुरलाइ नभेट्ने निर्णय गरे ।

समयको अन्तराल संगसंगै, हजुरको बिद्यार्थी जीवनका कुराहरु धेरै सुनिन पुगे । कहिले हजुर नेपाली भएर कलेजमा "धोती" डान्स गर्नु भएको त कहिले चै हजुरले आलाबामाको एउटा धनाध्य "धोति ग्यास ओनर" संग हजुरको अफैर भएको ना ना भाँतीका कुराहरु सुनियो । यस्तो कुरो सुन्दा मलाई ज्यादै नमज्जा लाग्थ्यो । मैले हरेक मौकामा हजुरको साथ् दिएर, सबै कुराहरुलाइ खण्डन गर्थे ।

शायद एक बर्ष पछि होला, हजुरको उही नेपाली नागरिकज्यु संग प्रेम बिवाह भएको खबर मैले साझा मार्फत नै था पाए । साझाका मित्रहरुले बुझिसक्नु भएको थियो मेरो मनमा के बित्यो होला भनेर । तर मैले सबै आशाहरु मारी सकेको थिए । हजुरको खुसियालीमा म धेरै खुसि भएको थिए । बिवाहको फोटो मैले साइबर संसार बाट हेर्ने मौका पाएँ । हजुर त्यो क्षणमा कति धेरै खुसि हुनु भएको थियो, हगि ? पछि हजुर दुवै जना पोखरामा सुहागरात बिताउन जानु भएको फोटोहरु पनि हेरेको थिए मैले । सुहागरात अगाडीका फोटो र तेसपछिको फोटो बिस्लेशण गर्दा, सुहागरात पछिका फोटोहरुमा हजुरको अनुहारमा अर्कै किसिमको उज्यालोपन मैले महसुस गरे । हजुरकै खुसिमा मेरो संसार अड्केको थियो तेसैले हजुरलाई तेस्तो खुसि प्रदान गरिदिनु हुने हाम्रा नेपाली नागरिकज्युलाइ मैले मनमनै धेरै नै धन्यबाद टक्र्याए ।

 Continue reading