सीता एयरको विमान दुर्घटना, बिमानमा सबार सबै १९ जनाको मृत्यु

आज लुक्लातर्फ उडेको सीता एयरको एक विमान काठमाडौं विमानस्थलबाट उड्ने बित्तिकै दुर्घटना भएको छ । बिहान ६:१५ बजे भएको सो दुर्घटनामा उक्त विमानमा सवार १६ यात्रु र ३ चालक दल सदस्य लगायत सबै १९ जनाको मृत्यु भएको । काठमाडौं विमानस्थलबाट उड्नासाथ केही बेरमानै आगोलागेको सो विमान ठिमी – १६, मनोहरा खोलाको किनार खसेको थियो।

sita_air_crash_burning-plane

त्रिभुबन अन्तरास्ट्रिय बिमानस्थलले एक बिज्ञप्ति निकाली सो बिमान चरासंग ठोकिएको हुनाले आकासमा नै आगलागी भएको बताइएको छ । उक्त बिमानमा सबार मृतक मध्ये ७ जना नेपाली, ७ जना बेलायती र ५ जना चिनियाँ नागरिक रहेको बताइएको छ  । चालक दलका सदस्यहरुमा क्याप्टेन विजय तन्डुकार, टी थापा रहेका थिए ।

यस दु:खदायी घटनामा ज्यान गुमाउने सबैका परिवारजनमा धैर्यधारणाको शक्ति मिलोस् र मृतआत्माको चीरशान्ति मिलोस !

रोशन छेत्रीले आज दुर्घटना भएको सिता एयरको बिमानको उड्न लागेको एक भिडियो खिचेका रहेछन करीब ३ महिना पहिले । दुर्घटनाभएको खबर थाहा पाए पछि उनले अचम्म मान्दै सो भिडियो फेसबुकमा पोस्ट गरेका हुन् ।

अपडेट: स्थानीय प्रत्यक्षदर्शीका अनुसार, जल्दै बस्त्री बस्तीतिर खस्न लागेको हवाईजहाज खोलातिर मोडिएर खाली स्थानामा खसेको थियो । यसरी उक्त प्लेनका पाइलटले अन्तिम घडीमा पनि जमीनको बस्तीलाइ जोगाएको बुझिन्छ । अहिले खसेको स्थान नजिकै मनोहरा खोला किनारमा रहेका करीब ५-६ सय घरमाथी खसेको भए अझै यो घटनामा अझै ठूलो मानबिय क्षती हुने सम्भाबना थियो ।

चरासंग ठोकिएको भनेर बिज्ञप्ती निकालिए पनि विमान कतै ठोक्किएको पुस्टी हुन सकेको छैन। उड्ने बित्तिकै नै प्राविधिक समस्या आए पछि विमानलाइ आपतकालीन अवतरणका गर्ने क्रममा रनवे नजिकैको खोला किनारको बगरमा अवतरण गरे पछि करीब ४ मिनेट पछि मात्रै विमानमा ठूलो आगो लागेको बताइएको छ । अवतरणको लगत्तै विमानको आपतकालिन ढोका किन खुलेन र दुर्घटनाका कारण के हुन भन्ने कुरा अनुसन्धान पछि मात्रै खुल्ने छ ।

जे भए पनि यो नेपालमा भइरहने हवाईजहाज दुर्घटना मध्येको बिभत्स घटना हो । संसार भरी सबै भन्दा भरपर्दो सबारी साधन मानिने हवाईजहाज नेपालमा मात्र किन त्यति भरपर्दो हुन सकेको छैन, समयमा नै अनुसन्धान गर्न सकिएन भने अलि अलि आउने पर्यटकको संख्यामा अरु ह्रास आउने पक्का छ  ।

अर्को अपडेट

नेपाल वायु सेवा निगमका वरिष्ठ क्याप्टेन रविन्द्रकुमार शेरचनले चरा ठोक्किएरमात्र कुनै पनि विमान दुर्घटना नहुने भन्दै दुर्घटनामा प्राविधिक कमजोरी रहेको दाबी गरेका छन्। शेरचनका अनुसार एक दिन अघि उडानका लागि अयोग्य भन्दै ग्राउन्डेड गरिएको विमान भोलिपल्ट नै उडाइनु शंकास्पद रहेको छ।

कार्टुनमा नाम देखेर स्वर्गद्वारी यातायातको खेद

हालै भएको बस दुर्घटना र चालकहरुको लापरबाहीका कारणले धेरै जसो दुर्घटना हुने गरेको पुलिसको रिपोर्टको प्रतिक्रिया स्वरुप ‘नागरिक’ दैनिकका कार्टुनिस्ट राजेश केसीले एक कार्टुन बनाएका थिए । बस चालकहरुको लापरबाहीका कारण यी बसहरुनै स्वर्ग जाने द्वार भएको आशयमा ‘स्वर्गद्वारी यातायात’ नामको बस देखाइएकोमा सोही नाम गरेको यातायात समितिले खेद प्रकट गरेको छ ।

राजेश केसीले फेसबुकमा पोस्ट गरे अनुसार उनीलाई तेस्तो नाम गरेको यातायात पनि होला भन्ने पनि थाहा नभएको बताएका छन् । हेर्नुहोस कार्टुन:

bus_accidents_cartoon

बस ब्याबसायी समितिको चिठीको प्रतिउत्तरमा राजेश केसीको प्रतिक्रिया (अंग्रेजीमा):

i_didnt_know_phalano

खेद प्रकट गरिएको चिठी यस प्रकार रहेको छ:

 Continue reading

अग्नी एयर दुर्घटनामा ‘रसना गर्ल’ तारुनी सचदेवाको निधन

taruni_sachdeva‘रसना गर्ल’ को रुपमा परिचित पेय पदार्थ रसनाको विज्ञापनमा देखिने गरेकी बालकलाकार तारुनी सचदेवाको हिजो जोमसोममा भएको अग्नी एयरको बिमान दुर्घटनामा दुःखद् निधन भएको छ ।

हालै अमिताभ बच्चनसंग चलचित्र ‘पा’मा पनि अभिनय गरेकी यी बाल कलाकारले ‘भेलिनकक्षत्रम’ (२००४) र ‘सत्यम’ (२००४) दुई मलायलम फिल्महरुमा पनि अभिनय गरेकी थिइन । तारुनीले शाहरुख खानले संचालन गर्ने रियालिटी सो ‘क्या आप पाचवी पाससे तेज है?’ मा पनि काम गरेकी थिइन् ।

आमा गीता सचदेवाको साथ मुक्तिनाथ दर्शन गर्न उडेकी तारुनीकी आमा पनि बिमान दुर्धटनामा निधन भएका १३ जना भारतीय मध्ये एक थिइन । 

यस नेपाली वेबसाइटका तर्फबाट दुर्धटनामा परी निधन हुने तारुनी सचदेवा लगायत सबैमा हार्दिक समबेदना ।

पोखरामा फेरी अर्को बिपत्ति – अग्नि एअरको विमान दुर्घटना

Agni-Airभर्खरै हिउपहिरो र बाढीको बिपत्तिको घाउ नापुरिदै पोखराबाट मुस्ताङको जोमसोमको लागि उडेको अग्नि एअरको बिमान दुर्घटना भएको छ । जोमसोम विमानस्थलमा ल्याण्ड गर्ने तयारीमा रहेको बिमान बिमानस्थल नजिकैको डाँडामा ठोक्किएर दुर्घटना भएको हो। नागरिक न्युजका अनुसार सो बिमानमा रहेका २१ जना मध्ये ७ जनाको जिवितै उद्धार गरिएको छ भने अन्यको मृत्यु भएको छ । जिवितै उद्धार गरिएका यात्रुहरुको पनि अवस्था चिन्ताजनक भएकोहुनाले अर्को बिमान बाट पोखरा लागिएको बताइएको छ  ।  

मुक्तिनाथ दर्शनगर्न १८जना यात्रुले विमान चार्टर गरेर जोमसोम उडेकोमा बिमानमा तीनजना चालकदलका सदस्य समेत जम्मा २१ जना रहेका थिए।