Apr 182013
चैत्राष्टमीको दिनलाई हिन्दुहरुले चैते दशैं मानेर दुर्गाभवानीको पूजाआराधना मनाउने गर्दछन । बडा दसैँ भन्दा अलिक कम महत्व दिइने भए पनि आजकाल चैते दशैंलाई पनि बिशेष महत्वका साथ मनाइन थालिएको छ । यस दिन बिभिन्न देवीको मन्दिरहरुमा वली दिने र पूजा आराधना गर्ने गरिन्छ ।
चैते दशैंको दिन काठमाडौका दक्षिणकाली, शोभाभगवती, गुह्वेश्वरी, नक्साल भगवती, संकटा, कालिकास्थान, आदि शक्तिपीठहरुमा दर्शनार्थीहरूको भीड लाग्ने गर्दछ । तेस्तै देशभरका देबीका मन्दिरहरुमा पनि भक्तजनहरुले पूजा आराधना गरेर दसैं मनाउने गर्दछन ।
चैते दशैंको भोलीपल्ट रामनवमीमा रामको पूजा आराधना गर्ने चलन छ ।
