नेपाली राष्ट्रिय क्रिकेट टोलीका कप्तान पारस खड्का यही बिहीबार, फाल्गुण १५ गते वैवाहिक बन्धनमा बाधिएका छन् । लामो समय देखिकी आफ्नी प्रेमिका प्राप्ति राज्य लक्ष्मी राणासँग पारसले विवाह गरेका हुन् । उनले बिबाहको अघिल्लो दिन, बुधबार स्वयमबर गरेका थिए ।

भिडियो रिपोर्ट:

बेहुली लिन पारस आफ्नो घर बुद्धनगर, काठमाडौंबाट जन्ति सहित लाजिम्पाटमा रहेको होटल सांग्रिला गएका थिए । पारसको बैबाहिक जन्तीमा उनका आफन्त, क्रिकेट टोलीका खेलाडीहरु पनि सम्मिलित थिए । प्रशिक्षक पुबुदु दासानायके पनि पारसको विवाहकै लागि भनेर दुई दिन अघि नेपाल फर्केका थिए । नेपाल फर्कनु अघाडी उनी क्यानाडामा बिदा मनाइरहेका थिए ।

प्राप्ती र पारसको प्रेम सम्बन्ध बिगत नौ बर्ष देखि चलिरहेको थियो । यति लामो समय सम्म प्रेम सम्बन्ध रहिरहेको भए पनि उनीहरु बिरलै संगै देखिन्थे ।

पारस सन २००२ देखि नेपाली युबा क्रिकेट टिममा खेल्न शुरु गरेका थिए । राष्ट्रिय टिममा भने उनले सन २००५ देखि खेल्न थालेका हुन । सन २००९ देखि उनी टिम नेपालका कप्तान रहेका छन् । सन २००९ मा विश्व क्रिकेट लिगको डिभिजन ५ मा रहेको नेपाल अहिले डिभिजन २ मा पुगिसकेको छ । यसैले नेपाली क्रिकेट खेलमा उनको ठूलो योगदान रहेकोमा कुनै दुई मत छैन।

एक्स-नेपाली टिम पारस र उनकी श्रीमती प्राप्ति राज्य लक्ष्मी राणाको लामो र शुखी दाम्पत्य जीवनको शुभकामना दिन्छ !