बत्ती आएर हैरान…

tv-candle-lights‘बत्ती आयो भने नानीहरु टिभी भित्रै छिर्छन् कि जस्तो गर्छन्’ पहिले पहिले कसैले यस्तो भन्दा कस्तो बच्चा फकाउन पनि नजान्ने बाउ आमा रछन् भन्या जस्तो लाग्थ्यो। आफ्नै छोरीहरुले त्यस्तो गर्न थालेसी थाहा भो, केटाकेटीलाई फकाउन कति गार्ह्रो हुँदो रहेछ।

(टिभी) नहेर भनेर राम्रो मुखले भनुम् सम्झाम् हाँसेर टार्दिन्छन्। किताब किनेर ल्याइदियो, एउटा कुनामा थन्क्याइदिन्छन। सँगै गफ गरेर भुलाउँ भन्यो ध्यानै दिन्नन्। अलि ठूलो स्वरले हप्कायो भने आँखाभरी आँशु पारेर पिलपिल गर्छन्।

खै के गर्ने गर्ने   ? …नमरी स्वर्ग देखिन्न साथीभाइ।

लोडसेडिङले गर्दा टिभी हेर्न नपाउने हुँदा यसपटक नानीहरुको पढाई अलि राम्रो हुन्छ कि भनेको त, हिजोदेखि परेको पानीले होला फेरि वत्ती आउन थाल्यो बेला न कुबेला।

ब्रायन आडम्सको कन्सर्ट साँचै होला त ?

ब्रायन आडम्सको कन्सर्ट दिल्लीआँ झैं यहा नि हावा खाला जस्तो छ कि क्या हो?

  • एक त खेलकुद परिषदकाले घुस मागेको कुरा आयो, नेपाल वायु सेवा निगमलाई जहाज किन्न त रोक्ने अख्तियारले कन्सर्ट नि रोक्ला घुसैको कुरा आएसि।
  • फेरि कहिलेकाही मात्र मिलाउने मौसम विभागले नि शनिबार सम्म झरी रहनसक्ने अनुमान गरेछ।
  • अनि भारतीय राजधानी दिल्ली पुलिसले दिन नसकेको सुरक्षा हाम्रा पुलिसले चाहिँ दिने भएछ त कन्सर्टलाई?

आफ्लाई त भए पो के नभए पो के मरे नि गइदैंन भनेर भन्नु नि भएन धेरै साथीभाइले दुई चार हजार फालिसके…फेरि आँफू आफ्नो भन्दा अरुको चिन्ता गर्ने मानिस परियो।

ticket-to-concert

१९ अर्ब घाटा र १४ घन्टा लोडसेडिङ

light-bulbविद्युत प्राधिकरणले बिजुली नदिए पनि सबै जस्ता ठूला नेताहरलाई शहरमा चल्ने मध्येका सबैभन्दा महंगा गाडी देको छ। जिल्लामा नेता गा बेलाँ जलविद्युत विद्युत आयोजना भाठाउँमा गर प्राधिकरणकै खर्चमा तिन्का कार्यकर्तासँग भोजभतेर हुन्छ।

हुँदा हुँदा प्राधिकरणले हिजो मन्त्रीको बिदाईमा पाँच तारे होटल अन्नपूर्णमा गर कक्टेल भोज दे’छ र बील मध्यमर्स्याङ्दीलाई भर्न भनेछ।

त्यस्सै १९ अर्ब घाटा र १४ घन्टा लोडसेडिङ हुन्छ र…

***

(तलको विबरण नुतन बज्राचार्य ले फेसबुक मार्फत दिनु भएको हो।)

load-shedding-useless-switches-2दैनिक १२ घण्टा लोडसेडिङ्ग गर्दै आएको नेपाल विद्युत प्राधिकरणले सोमबारबाट लोडसेडिङको अवधि दैनिक १४ घण्टाको दरले सातामा ९८ घण्टा विद्युत कटौती गर्ने खबर प्रकाशनमा ल्याएको थियो । उक्त लोडसेडिङको तालिकाबाट पनि प्राधिकरणले जनतालाइ बेवकुफ बनाउन सफल भएको छ।

हामीले उक्त लोडसेडिङ्ग तालिकाको अध्ययन गर्दा निम्न तथ्यहरू निस्केको छः

क्षेत्र नं १ लार्इ उदाहरण मान्दा

आर्इतबार १४ घण्टा लोडसेडिङ्ग १० घण्टा बत्ती बल्ने
सोमबार ९ घण्टा लोडसेडिङ्ग १५ घण्टा बत्ती बल्ने (राती १२ बजे पछि रात भरी बल्ने)
मंगलबार १६ घण्टा लोडसेडिङ्ग ८ घण्टा बत्ती बल्ने
बुधबार १६ घण्टा लोडसेडिङ्ग ८ घण्टा बत्ती बल्ने
बिहिबार १५ घण्टा लोडसेडिङ्ग ९ घण्टा बत्ती बल्ने
शुक्रबार १४ घण्टा लोडसेडिङ्ग १० घण्टा बत्ती बल्ने
शनिबार १४ घण्टा लोडसेडिङ्ग १० घण्टा बत्ती बल्ने

अझ साधारणतया बत्तीको अत्यावश्यक हुने साझ ६ बजे देखी १० बजे सम्मलार्इ मात्र हेर्ने हो भने, हप्ताको २८ घण्टामा २० घण्टा लोडसेडिङ्ग

क्षेत्र नं १ लार्इ उदाहरण मान्दा ( साझ ६ बजे देखी १० बजे सम्म)
आर्इतबार २ घण्टा लोडसेडिङ्ग २ घण्टा बत्ती बल्ने
सोमबार ४ घण्टा बत्ती बल्ने
मंगलबार २ घण्टा लोडसेडिङ्ग २ घण्टा बत्ती बल्ने
बुधबार पुरै लोडसेडिङ्ग
बिहिबार पुरै लोडसेडिङ्ग
शुक्रबार पुरै लोडसेडिङ्ग
शनिबार पुरै लोडसेडिङ्ग

एवम प्रकारले क्षेत्र नं २ ले उक्त उदाहरणको शनिबारलार्इ आर्इतबारमान्ने, ३ नं ले शुक्रबारलार्इ आर्इतबारमान्ने, ४ नं ले बिहिबारलार्इ आर्इतबारमान्ने, ५ नं ले बुधबारलार्इ आर्इतबारमान्ने, ६ नं ले मंगलबारलार्इ आर्इतबारमान्ने तथा ७ नं ले सोमबारलार्इ आर्इतबारमानेर आफ्नो क्षेत्रमा हुने लोड सेडिंग को हिसाब गर्न सकिन्छ ।

चोटिला कुराहरु दिपक भट्टराइका

नोट – सबै दिर्घलाइ ह्रस्व बनाइएको छ ।

निराहार ब्रत – अरु त अरु, घुस पनि नखाने

Feb 6, 2011

धन्न तपाइ मेरो काउन्टरको लाइनमा पर्नुभयो, अरुको काउन्टरमा पर्या भए। फेरि आज मेरो बार्ने दिन पर्यो नत्र यतिका समान अलिकति चिया खर्च नलिइकन कहाँ दिन्थें र ।

विदेशबाट आको आधा किलो जतिको पार्सल (फोटो खिच्ने ब्ल्याक एन्ड ह्वाइट फिल्म) लिन हुलाक कार्यालय पुग्दा त्यहाँका कर्मचारिले विदेशि फोटोग्राफरसँग बिहे गर्ने मेरा साथिलाइ भने रे।
तिन्ले सोध्दैछिन्, ‘गणेशको पुजा गर्ने मंगलबार कसैकसैले खाना, माछा-मासु नखाने त सुनेकि थिएँ। घुस नखाने पनि हुँदारहेछन् है दाइ?’
तपाइरहरुको पनि कुनै सरकारि काम भए अब मंगलबारमा गर्नुहोस् है, बा! तपाइको नि भाग्यले त्यस्तै कर्मचारि फेला पारिहाल्छ कि…
hulak-sundhara

हाइ-फाइ वाइ-फाइ

Feb 6, 2011
broadlink-logo फ्रिमा पाए अलकत्रा नि खाने बानिले आज फेरि मार्यो।
क्यान इन्फोटेकमा के के न सस्ताँ पाइयो भनेर छोरिको आइडेन्टि कार्डबाट ब्रोडलि‌कको विद्यार्थि वाइफाइ ल्याएँ तिन सय रुपैयाँ महिनाको। घराँ ल्यार हेर्दा त चल्दै चल्दैन अनि ब्रोडलिंकाँ फोन गर्या तपाइको तिर हाम्रो नेटवर्क टिप्दोरहेनछ भन्छिन सुरिलो स्वराँ।
wi-fi भन्ने चिज नि hi-fi ठाँउतिर मात्र हो जस्तो छ …

लगानि …

Feb 5, 2011
helmet-statueमुन्छेका सौख पनि के के हो हो..
एक विदेशि प्रभुले संसारका विभिन्न स्थानका फायर व्रिगेडरहर्को पुराना हेल्मेट संकलन गर्दै रच। चार सय हेल्मेट भइसक्दा नि नेपालको छैन पठाइदे भन्यो। दमकल कार्यालयहरु चाहर्दै दिन बित्यो। बल्ल बल्ल एक ठामका दुइ कर्मचारिले हजार रुप्पै चिया खर्च (उनैले भनेका) मा दिए।
यो एक हजार लगानिले भोलिपर्सि त्यो प्रभुबाट लाखौंका काम होला नि भनेर खैरेका काम फ्रिमा गरिदिने नेपालि अरु होला्न कि नाइ म जस्ता…

झलनाथको झल्लु चाला र खनाल-दाहाल सातबुँदे सम्झौता

Feb 7, 2011
jhalnath-in-office-first-day संविधानसभाँ चुनाव हारेकालाइ सरकारमा ल्याउन्न भन्थे प्रधानमन्त्रि हुनासाथ झलनाथ खनालले। अर्थमन्त्रि बन्ने पक्का भाका भरतमोहन अधिकारि मोरङबाट र शिक्षामन्त्रिमा प्रस्तावित गंगालाल तुलाधर धादिङबाट चुनाव हारेका रैछन्।
आँफै झल्लु हुने कुरा किन गर्छन बेकाराँ झलनाथले कि उनैको पार्टि एमालेले नै सुरुमै चुनाव हारेकाहरुलाइ मन्त्रिमा सिफारिस गरेर झलनाथलाइ झल्लु बनाइदिन लाको हो…
***
माओवादि पहिले उपयोग गरिसकेका मन्त्रालय नलिने निति जस्तो छ। त्यसैले अर्थ र रक्षा भन्दा गृह र परराष्ट्र मन्त्रालयमा मरिहत्ते गरिराछ। सायद सञ्चार र शान्ति मन्त्रालय भन्दा अहिले युवा-खेलकुद र उर्जा अथवा आपुर्ति मन्त्रालयमा जोड दिन्छ। सबै सरकारि संयन्त्रको अनुभव लिनु छ नि।
माउवादिका लागि नयाँ सत्ता गठवन्धन अग्रगमनका लागि सह-कार्य हो कि विद्रोहको लागि गृह-कार्य? पत्रकारको मन जे मा नि शंका मात्रै लाउछ..
***
(तलको “खनाल-दाहाल सातबुँदे सम्झौता” फेसबुकमा फेला परेको हो | यसको आधिकारिकताको कुनै ग्यारेन्टि छैन – आनन्द)
Jhalnath-Prachanda-agreement-samjhauta

पत्रकार सभासद

Feb 8, 2011
NEPAL-PATRAKAR पत्रकार साथिहरुले गोदाइ खाने हो कि भन्ने पिरमा छु यार म त।
पत्रकार महासंघले पहिले ‘पार्षद’ भनिने केन्द्रिय प्रतिनिधिलाइ विधानै संशोधन गराएर ‘सभासद’ भन्न थालेछ। ६०१ सभासद्‍बाटै वाक्क भाका जनताले फेरि १२ सय जति सभासद (पत्रकार) थपिए भन्ने सुन्दा/पढ्दा के सोच्ने हुन् ?
कुनै पत्रकारले पत्रकारमाझ भन्दा बाहिर गर म पनि सभासद हुँ भन्ला र मान्छेले कुटिहाल्ने हुन् कि.. विचराले म त पत्रकार महासंघको पो सभासद भन्न नभ्याउँदै कुटाइ खायो भने, होस अरम है मित्रहरु..

समस्याको सजिलो समाधान – झापड

Feb 9, 2011
jhapad ल झलनाथले बिताए। बिबिसि नेपालि सेवामा भनेको सुन्नुभो ?

जुन मान्छेले मलाइ झापड हाने,ति मान्छेले झापड हानेर आज मलाइ बालुवाटार पुर्‍याइदिए। मैले त उनलाइ धन्यवाद दिएको छु। म रेग्मिलाइ आव्हान गर्छु कि आउनुहोस् मसँग बसेर गफ गर्नुहोस्। तपाईंका समस्या केहि छन् भने म समाधान गर्न सहयोग गर्छ।

प्रमले नै भनेपछि समस्या समाधान गर्न के गर्नुपर्दोरहेछ भन्ने त बुझ्नुभो होला..समस्या हुनेहर्ले विचार अरम है।
खनालको भनाइका कारण अरु नताले कुटाइ नखाउन् मेरो कामना …

मन्टेश्वरि का खेलौना र चकलेट

माने यार यि मन्टेश्वरि खोल्नेहरुलाइ।
वसन्त पञ्चमिका दिन तिन वर्षकि छोरि लिएर गाका आफन्तलाइ २० हजार भर्ना फि र ८ हजार मासिक फिमा फसाएछन्। बाउलाइ जति पिर भए नि छोरि भने दंग छे। स्कुलबाट २५ रुप्पै जति पर्ने खेलौना कार र चकलेट दिएर घर पठाएछन्। स्कुलले खेलौना र चकलेट दियो भन्दैछे।
‘स्कुल दानि होइन नानि, तेत्रो फिस लिनेले खेलौना दिनदिनै दिए नि केहि हुन्न। तेरै बाउको पैसा हो’ भनेर फुच्चिलाइ कसरि बुझाउनु…

monteswori-ad-kids

(यो बिज्ञापन चै अर्कै मन्टेश्वरिको हो है)

नाताबादको परिक्षण … झलनाथ त ठयाक्कै …

Feb 11, 2011
नाता पत्ता लगाइयो आज। मेरा फुपुको देवरको मामा ससुराले आफ्नि बहिनि झलनाथको भाइलाइ दिनुभएको रहेछ। आफ्नो नातेदार नै परे। साँच्चै यतिको सम्म नातेदारलाइ हेर्छन् कि हेर्दैनन् नेपालका नेताहरुले। नेपालाँ नातावाद खुब छ भनेको त सुनेको हो…
dipak-naatabad
मेरा बाका मावलि पनि खनालहरु नै हुन्। केहि हुने भो ल पक्का छ। तर भर्खरै एउटा साथिले पत्ता लगाइदिए झलनाथसँग मेरो नाता सोल्टि पर्छ।
झलनाथ सोल्टिले मलाइ केहि गर्लान त…कि विचरालाइ मैले केहि गरिदिनुपर्ने हो ?

झल्लु को ?

Feb 11, 2011
jhallu प्रचण्डले अस्ति – प्रधानमन्त्रि छोड्ने हुम् हामि, जाबो कुनै एउटा मन्त्रालयका लागि अड्डि लिन्नम’ भनेको यहि आँखाले टिभिआँ हेर्याझैं र कानले सुने झैं मान्छु। तर गृह मन्त्रालय नपाएसि सरकारमा नै नजाने भनेर हिजो माओवादिले निर्णय गरेछन्।

चुनाव हारेकालाइ मन्त्रि बनाउन्न भनेको पाँच दिनपछि झलनाथले दुइ जना पराजितलाइ नै मन्त्रि बनाए। हैन, मैले बुझ्न नसकेको कुरा नि, झलनाथको संगतले प्रचण्ड झल्लु भा कि प्रचण्डको संगतले झलनाथ झल्लु भा हुन् ? कि नेपालि नेताहरुको यत्रो संगत गर्दा नि नेताले भनेको कुरा गर्दैनन् भनेर नबुझेर, बोलेको पुर्याउलान् भनेर पत्याएर बस्ने म पो झल्लु भा हुम्….(बोलेको कुरा नपुर्याउनेलाइ झल्लु भन्न पाइएला नि)

अघि स्टेटसमा त ठोकेर लेखिहालियो ‘झल्लु को ?’ भनेर। फेरि कानुन लाग्ने हो कि भन्ने डर छ। आजभोलि के के नयाँ नयाँ कानुन बनाइराछन्। फेसबुकाँ नि कसैको चरित्रहत्या गर्ने गरि लेख्न नपाइने छ रे। मैले त नेपालि वृहत शब्दकोषमा हेरेर लेखेको हुँ है।
झल्लु – (विशेषण) बोलि वा बानि बेहोराको ठेगान नभएको।

भ्यालेन्टाइन हिरो रविन्द्र श्रेष्ठ

Feb 13, 2011
rabindra-shrestha राजधानिको एक निजि कलेजमा अध्ययनरत धादिङकि एक छात्रालाइ लिएर मन्त्रि क्वाटरबाटै कसैलाइ थाहा नदिइ भागेछन् रविन्द्र श्रेष्ठ, (मन्त्रि पदमै रहेका बेला पद प्रतिष्ठा केहि नहेरेका प्रेमि….)।
माओवादिबाट कारबाहिमा परेका र एमालेमा छिरेका यिनलाइ यसपटकको भ्यालेन्टाइन हिरो माने कसो होला ?
किशोर किशोरि युवा युवतिहरुको मतको त धेरै आशा छैन तर पनि भर्खरैका ठिटिहरुसँग आँखा लगाइरहेका बुढाहरुको मत त पक्कै पाउलान् नि यिन्ले, भ्यालेन्टाइन हिरोमा।
साँच्चै, यिनि कता छन् भनेर पत्ता लायो ?

दोहोरी – अँग्रेजी गीत र लोक भाकाको

dance-folkदोहोरीमा भाका मिलाएर नहुँदो रहेछ अब । यसो सोच्दैछुँ एउटा अँग्रेजी गीत नसिकी ‘सोसाइटी’ मा परिन्न जस्तो छ । अरुले गाको  अँग्रेजी गीताँ यसो मुख खोलेर आ ओ त गरिरहेकै हो । तर, ‘सोसाइटीट’को पार्टीहर्मा एउटा मात्र भए नि अँग्रेजी गीत गाउने सौखिन गायकको भाउ अलिक बढी नै हुनेरहेछ।

न सुर न तालमा गाए नि हुने अलिक सजिलो अँग्रेजी गीत कुन छ कुन्नि…. घोक्न पर्यो केटाकेटीमा माने घोके झैं।

***

(UPDATE – FEB 6)
ब्रायन आडम्सको विषयमा सर्च गर्दैछु, गुगल युटुब तिर। माइक्राँ हिजो कन्डक्टरसँग दुई रुपैयाँ भाडामा किचकिच गर्नेले रंगशालाँ अर्कान साता हुने आडम्सको कन्सर्टाँ जान पाँच हजार रुपैयाँसम्म खर्च गर्न तयार भएको सँगैका सिटकालाई बताउँदै थिए।

तिनीसँगै बसेकाले सोध्दैथे- नेपालीमा गाउँछन् र तिनले ? अस्ति एउटा जमघटमा तिन्को कन्सर्टमा नजानेको लिस्टाँ आफ्नो मात्र नाम परेपछि चित्त दुख्यो। ‘सोसाइटी’मा विकिन्न जस्तो छ यो पाराले…

***

(दोहोरी विस्तापित नै हुन लागेको हो त ‘सोसाइटी’ बाट? आजकल त अरु भन्दा दोहोरी क्यासेट र भिडियो कै राम्रो व्यापार भै रहेको जस्तो लागेको थियो | अब दीपक जी ले भने पछि होला त नी ! खैरेले नेपाली लोक भाका समात्यो भने नेपालीले किन खैरे भाषा नसमात्ने त — हेर्नुस भिडियो- आनन्द )

Incoming search terms:

  • नेपाली लोक दोहोरी २०७२

थप्पड फापेका प्रधानमन्त्री … लु बधाई

झापड कान्डपछि नेताहरुको सातो गएको पुष्टि गरे है प्रचण्डले संसदमा भाषण गर्दै। अहिले पनि सरकार दिन सकिएन भने जनताले झापड मात्र होइन जुत्ता पनि हान्छन् भन्ने डर छ। त्यसैले झलनाथलाई समर्थन गर्न परो भन्ने आशय व्यक्त गरे स‌सदमा .. गाउँमा जैसी बाले भन्दैछन् रे, “देख्यौ! बाहुनको हातले कति फाइदा गर्छ, झलनाथलाई रेग्मीको झापड कति फाप्यो ?…”

jhapad-regmi

***

आखिर बहुमतबाटै झलनाथ प्रधानमन्त्री बन्ने भएपछि किन नेपाली राजनीतिको सात महिना बेकारमा खेर फालेको भनेर सोध्ने म जस्ता मुर्ख नि होलान् कोही कोही। तर चेत्नलाई समय लाग्यो भनेर यिनलाई माफ गर्न पर्छहोला एउटा शर्तमा ‘सात महिनाको हर्जना तिर्नलाई अब बाँकी ३ महिना २५ दिन भित्र संविधान बनाओ।’ नत्र…..(अरुले आन्दोलन गर्लान् र सम्चार बनाउन पाइएला भनेर पर्खिने भन्दा के गरुँला र म?)

jhalnath-khanal***

आजभोलि परिवार नियोजनले गर्दा जेठा-कान्छा वा जेठी-कान्छी मात्र जन्मिने बेलामा माइला-साइलाँ नै लोपोन्मुख वर्गमा परेका बेला नयाँ प्रधानमन्त्रीले जन्तरेको इज्जत राखे। परिवार नियोजन कम्पनीमा काम गर्ने साथीले चिन्ता व्यक्त गरेका छन्, झलनाथले परिवार नियोजन विरोधी नीति त ल्याउँदैनन् होला नि। यिन्का बाआमाले २,३,४,५ हैन ६ सन्तानमा मात्र चित्त बुझा भए न यी जन्तरे जन्मन्थे न हाम्ले ३४ औं प्रधानमन्त्री पाउन यति ढिला हुन्थ्यो।

  • CPN-UML प्रतिगमन आधा सच्चियो भनेर नि सत्तामा।
  • प्रतिगमन पुरा सच्चियो भनेर नि सत्तामा।
  • गणतन्त्र आए नि सत्तामा।
  • माओवादीसँग नि सत्तामा।
  • काँग्रेससँग नि सत्तामा।
  • राजासँग नि सत्तामा।
  • भारतको समर्थनमा नि सत्तामा।
  • भारतको विरोधमा नि सत्तामा।

कोही कोही एमालेगणलाई डर होला यसरी सरकारमा बसिरह्यो भने एमालेले अर्को चुनावमा कति सिट ल्याउला। सरकारमा बस्नेलाई रुचाउँदैनन् नि जनता…

***

सन्दर्भ: एमालेकै माधव कुमार नेपालले राजिनामा गरेको ७ महिना ५ दिन पछि भएको प्रधानमन्त्री को चुनाबमा एमालेका झलनाथ खनालले मावोबादीका उमेदबार प्रचण्डको समर्थन मा ३ सय ६८ मत प्राप्त गरेर चुनाब जितेका हुन ।

prachanda_talking-with press तस्विरः भास्वर ओझा (नागरिक)

माउबादी आन्दोलन कता ?

  1. आन्दोलनले ट्युनिसियामा २३ वर्षदेखि शासन गरेका अविदिने अलिलाई सत्ता र देशबाटै लगार्यो। Tunisia-Protest  Continue reading