मैले सन २०१७ का १२ महिनामा १२ जना नेपालि कलाकारहरुको बारेमा चर्चा गर्ने निर्णय गरेको छु । यसरि पहिलो महिना जनवरि महिना भरि महानायक राजेश हमालका बिभिन्न पक्षहरुको बारेमा चर्चा गर्ने छु । हुन त राजेश हमालको बारेमा यस अघि पनि प्रशस्त भिडियो बनाएकै हुँ। अब नयाँ भिडियोका साथै ति पुराना भिडियोहरुलाइ समेत नयाँ ढंगले प्रस्तुत गर्न पनि प्रयास गर्ने छु ।

“महिनाको कलाकार” जस्तै अर्को स्तम्भ “हिजोको कुरा” अंतरगत प्रत्येक हप्ता कम्तिमा पनि एउटा इतिहासको कुरा पनि यहि नयाँ बर्ष बाट शुरु भएको छ । यस अन्तरगत, सम्भवत मनोरंजन क्षेत्रकै कुनै इतिहासको कुरा गर्ने छु र दर्शकहरुबाट माग भएमा नेपालका मुख्य ऐतिहासिक घटनाको बारेमा पनि चर्चा गर्ने छु ।

यस स्तम्भ अन्तरगत पहिलो भिडियो, जनवरि महिनाको पहिलो शनिवार, जनवरि ७ मा प्रकाशित भइ सकेको छ – “मानसिक समस्याका कारण आत्महत्या गर्ने ५ नेपालि कलाकारहरु” शिर्षकमा।

महिनाको कलाकारका भिडियोहरु

यसको स्तम्भको पहिलो भिडियोमा नक्कलि राजेश हमालको बारेमा चर्चा गरिएको छ :

 Continue reading

मैले ट्विटरमा एउटा पोल पोष्ट गरेको थिएँ “मेरो भिडियो प्रस्तुति अरुको भन्दा फरक छ कि छैन?” भनेर। नतिजा मैले सोचे जस्तै आयो । “फरक छैन” भन्ने भन्दा “फरक छ” भन्ने साथिहरु डबल हुनुहुँदो रहेछ । यसले मलाइ अझै फरक ढंगले प्रतुति दिन हौसला प्रदान गरेको छ ।

आनन्दको प्रस्तुति फरक हुनुका कारण

पहिलो कुरा, आनन्द पत्रकार होइन । मैले पत्रकारिताको बारेमा स्व-अध्ययन गरेको भए पनि मलाइ पत्रकार बन्न कुनै रहर छैन । तेसैले मेरो प्रस्तुति कुनै पनि पत्रकारको भन्दा फरक हुन्छ ।

दोश्रो कुरा, म अनुसन्धानमा बिश्वास गर्छु । कुनै पनि बिषयमा स्क्रिप्ट लेख्नु भन्दा अघि म बिभिन्न माध्यमहरुमा अनुसन्धान गर्ने गर्छु तेसैले, कतिपय मानिसहरु मैले गरेको प्रतुति बाट अचम्म मान्छन ।

तेस्रो कुरा, म जस्तो निष्पक्ष अरु कोहि हुनै सक्दैन । किनकि मेरो कुनै पनि सेलिब्रेटिसंग चिनजान छैन र मैले उनिहरुसंग सिधा सम्पर्क पनि गर्दिन । म अनुशन्धान गर्छु र उनिहरुको बारेमा सत्य तथ्य कुराहरु समेटेर भिडियो बनाउँछु । चिनजान र सम्पर्क नहुने हुनाले कुनै पनि कुरालाइ निष्पक्ष रुपमा प्रस्तुत गर्न सक्छु । तेसैले जसको बारेमा भिडियो बन्यो उनिहरु नै अचम्मित हुन्छन । उनिहरुलाइ भिडियो शेयर गर्न पनि भन्दिन ।

चौथो कुरा, सेलिब्रेटिहरु पनि प्रभावित हुन्छन । दर्शक त भए भए मैले जसको भिडियो बनाएको छु उनिहरु पनि प्रभावित हुन्छन् । उदाहरणको लागि अहिले भर्खर राजेश हमालको नक्कल गर्ने डा. हरि शर्माले कमेन्ट गर्नु भएको छ : “भिडियो हेर्दा रमाइलै लाग्यो । साथिहरुले लिंक पठाएर मात्रै थाह पांए यो भिडियोको बारेमा .. नाइस भिडियो .. आनन्द नेपाल जि ले चाँहि यो भिडियो बनाउँदा मेरो बारेमा इन्फर्मेसन कहाँ बाट पाउनु भयो ? ”  (यसको उत्तर “दोश्रो कुरा”मा छ)

 Continue reading

नेपालको एक अग्रिणि अनलाइन पत्रिका रातोपाटिले बडो कष्टका साथ, मेरा भिडियोहरुमा मैले बोलेका कुरालाइ हुबहु उतारेर लेख बनाएर छाप्न थालेको रहेछ । यसरि मैले मेहनेत गरेर तयार गरेको कुरा समेटेर लेख बनाएको तर, आफुलाइ कुनै क्रेडिट नदिएको देख्दा शुरुमा साह्रै रिस उठेको थियो । तर, केहि क्षणको मनन र मन्थन पछि मलाइ केट्केटि पाराले रिसराग राख्न सुहाउँदैन भन्ने ज्ञान प्राप्त भएको छ । यसरि नयाँ सोचले हेर्दा मलाइ त्यति दुख पनि लागेको छैन । अझ भन्नु पर्दा त, मलाइ खुशि पो लाग्न थालेको छ । मैले गरेको मेहनेत कसैलाइ त काम लाग्ने बनेको रहेछ । कोहि कसैले त “यि मैले यस्तो राम्रो लेखें ” भनेर फुर्ति लाउन पाएको रहेछ । यस्तो दिव्य ज्ञान प्रदान गर्ने रातोपाटि प्रति म आभारि छु, आभारि रहिरहने छु।

आजभोलि, रातोपाटिले मैले बोलेका कुरालाइ हुबहु सार्न थालेपछि मलाइ अझ बढी जिम्बेवारिबोध भएको छ। अझ मेहनत गरेर अझ राम्रो भिडियो बनाउने जाँगर चलेको छ । हो, आगामि दिनमा तपाइले मेरो भिडियोमा “रातोपाटि इफेक्ट्स” अवश्य नै देख्नु हुनेछ ।

रातोपाटिले मेरा भिडियोमा भएका गल्ति लाइ सुधारेर र कमिहरुमा बिवरण थप गरेर पुर्ण लेख तयार गरिदिंदा मलाइ मेरो स्क्रिप्ट लेखनमा सुधार गर्न पनि सहयोग मिलेको छ ।

पहिला पहिला त दिनमा जेनतेन एउटा भिडियो बनाउँथें । अब, रातोपाटिको सुबिधाको लागि भए पनि दुइ वा त्यो भन्दा बढि भिडियो बनाउनु पर्ने भएको छ । यसरि धेरै भिडियो बनाउँदा उनिहरुलाइ राम्रो राम्रा लेख प्रकाशन गर्न र पाठकहरुलाइ खुशि राख्न सहयोग पुग्ने मलाइ बिश्वास लागेको छ ।
 Continue reading