पुर्विय सभ्यताको उत्कृष्ट चाड, होलि को परिचय – फागु पुर्णिमा

अघिल्लो हप्ता मैले फागु पुर्णिमा को परिचय लेखेको थिएँ । यो भिडियोमा सो पोष्टमा भएको भन्दा धेरै जानकारि भएको हुनाले शेयर गर्दैछु ।

यसमा होलि शुरु हुनुका बिभिन्न किंबदन्ति र मान्यताहरु प्रस्तुत गरिएका छन। यो भिडियोले निम्न प्रश्नहरुको उत्तर दिनेछ :

  • हामिले होलि किन मनाउँछौं ?
  • होलिमा ठ्ड्याइने “चिर” को मतलव के हो ?
  • होलिको सन्धर्वमा हिरण्यकष्यपुका छोरा प्रल्हाद र होलिकाको कथा किन महत्वपुर्ण छ ?
  • कृष्णको गोपिनिसंगको रसलिला कसरि होलिसंग संबन्धित छ ?
  • कृष्णले गोपिनिहरुको लुगा किन लुकाइदिए र उनले के शर्तमा लुगा फिर्ता दिएका थिए ?
  • राम र रावणलाइ पनि कसरि होलिसंग जोडिएको छ ?
  • पहाडमा र तराइमा होलि किन भिन्दा भिन्दै दिनमा मनाइन्छ ?
  • होलि कसरि गौतम बुद्धको संधर्वमा पनि जोडिएको छ ?

होलिको बारेमा यो पोष्ट पनि हेर्नुहोस

फागु पुर्णिमा (होलि, बसन्त पुर्णिमा)

होलि परिचय

फाल्गुण पुर्णिमाको दिन मनाइने फागु पर्वलाई भारतमा “होलि” भनिने हुनाले सोहि नामको सिको गरेर आजकल नेपालमा पनि होलि नै भन्न थालिएको छ । फागु पर्ब वसन्त ऋतुको स्वागत गर्ने चाड पनि भनिन्छ । यस पर्वामा मानिसहरु आपसि मेलमिलाप र सदभावना बढाउन बिभिन्न रङहरुको प्रयोग गरेर हर्ष उल्लासपुर्व मनाइन्छ ।

holi_colors

फागुन शुक्ल अष्टमिका दिन काठमाडौँको वसन्तपुर गद्दि बैठकअगाडि रहेको मैलको रुखलाइ रङ्गिचङ्गि ध्वजापताकाले सिँगारि गाडिएको चिरमा पुजा गरेपछि फागु पर्ब शुरु भएको मानिन्छ । तेसै गरि ललितपुरमा पनि सोहि दिन चिर गाड्ने प्रचलन छ ।

फागुको दिन (पुर्णिमाको दिन) वसन्तपुरमा गाडिएको चिरलाई विधिपुर्वक ढालि बाजागाजाका साथ टुँडिखेलमा लगेर जलाउँछन् । सो चिरमा राखिएका ध्वजापताकाहरु औषधि उपचारमा काम लाग्ने भनेर खोसाखोस गरि लिने पनि गरिन्छ । तेस्तै चिरको खरानिको टिका लगाएमा अनिष्ट टर्ने पनि मानिसहरुमा बिश्वास छ । ललितपुरमा गाडिएको चिर भने फागुको दिनमा बागमतिमा लगेर सेलाउने गरिन्छ ।
 Continue reading

शिवरात्रि को परिचय

प्रत्येक वर्ष फागुन कृष्ण चतुर्दशिका दिन शिव उत्पत्ति भएको रात मानेर शिवरात्रि मनाइन्छ । शिवजिको पुजा गरेर मनाइने शिवरात्रिलाइ पुराणमा चार मुख्य रात्रिहरु मध्येको एक रात्रि भएको उल्लेख छ । अरु तिन रात्रि हरु कालरात्रि, मोहरात्रि, र सुखरात्रि हुन।

दु:ख पाएका र कष्टपुर्ण जिवन बिताइरहेका प्राणिहरुको हृदयमा धर्मको उदय गराउने शिवरात्रिको दिन शिवको अति प्यारो दिन पनि मानिन्छ । तेसैले व्रतहरुमा शिवरात्रिको ब्रतलाइ सर्वाेत्तम व्रत मानिन्छ भने यस पर्वलाइ पर्वको राजा मान्ने पनि प्राचिन जनबिश्वास छ । यस दिन शिवभक्तहरु स्नान गरि शुद्ध भएर शिव मन्दिरमा पुजाअर्चना गरी व्रत बस्ने र शिवको प्रिय वस्तुहरु दुध, धतुरो र बेलपत्र चढाउने गर्छन् । यसरि शिवरात्रि मनाउँदा भोग र मोक्ष दुवैको प्राप्ति हुने बिश्वास गरिन्छ ।

शिवरात्रिका दिन उपवास बसेर “ऊँ नमः शिवाय” मन्त्र जप्दा सर्वसिद्ध भइ यमलोक जानु नपर्ने पनि धार्मिक विश्वास रहेको छ । निर्जल व्रत, रात्रि जागरण, चार प्रहरको पुजा, शिवलिङ्गमा दुग्धाभिषेक र शिव महिमा किर्तन गर्नु शिवरात्रि पुजा अर्चनाका प्रमुख अङ्ग मानिन्छन् । यस पर्वमा हिन्दु धर्मावलम्बिहरुले पशुपति र देशका अन्य शिवालयहरुमा भगवान शिवको पुजा र आराधना गर्ने प्रचलन छ। तेस्तै, केदारनाथको शिरको रुपमा पुजिने भक्तपुरको डोलेश्वर महादेव मन्दिरमा पनि शिवरात्रिमा घुइँचो लाग्ने गरेको छ । अरु दिन मन्दिरभित्र प्रवेश गर्न नपाइने डोलेश्वरमा मध्यरातमा मन्दिरमा विशेष पुजा गरेपछि बिहान ४ बजेदेखि सर्बसाधारणको दर्शनका लागि मन्दिरको चारैवटा ढोका खुल्ला गरिएको हुन्छ ।

पशुपति मन्दिरमा शिवरात्रि

शिवका विभिन्न १२ ज्योतिर्लिङ्गहरु मध्ये पशुपतिनाथ एक भएको हुनाले पशुपतिको भिन्दै महत्व रहेको छ। शिवरात्रिमा पशुपति मन्दिरमा दर्शन, उपासना तथा पुजा गर्दा वुद्धि र विवेकको अभाव तथा मोह र मायाको अन्धकारमा रहि बन्धन वा पाशमा रहेकालाइ मुक्ति मिल्ने विश्वास गरिन्छ। शिवरात्रिमा पशुपतिनाथ मन्दिरमा दर्शनका लागि भारत लगायत विभिन्न देशबाट साधुसन्तहरु आउने गर्छन।

नेपालका बिभिन्न स्थान तथा भारतका बिभिन्न स्थानबाट आएका साधुसन्त मन्दिरको आसपास क्षेत्र, श्लेषमान्तक, राम मन्दिर, अन्नपूर्ण भण्डारलगायत स्थानमा धुनि जगाउँने, शक्तिको पुजा गरि खरानि घस्ने तथा गाँजा खाँदै निश्चिन्त भइ जीवन जगतको चिन्तन तथा परमात्माको साक्षात्कार गर्छन। त्यसका साथै उनिहरु विभिन्न भजन किर्तन पनि सहभागि हुन्छन्।

भाइ टिकाको साइत दिन भरि नै, ११:५२ मिनेट सबै भन्दा राम्रो

नेपाल पञ्चाङ्ग निर्णायक समितिले यसवर्षको भाइटिकाको उत्तम साइत कात्तिक १६ गते मङ्गलबार मध्याह्न ११ बजेर ५२ मिनेटमा रहेकाे बताएको छ । सबै भन्दा राम्रो समयको लागि समय तोकिएको भए पनि पञ्चाङ्ग निर्णायक समितिका अध्यक्ष प्रा डा रामचन्द्र गौतमका अनुसार टिका लगाउनै नहुने समय दिन भरि नै नभएकाले हुनाले भाइटिकाको दिन जुनसुकै समयमा टिका लगाए पनि हुन्छ ।

तिहार अर्थात यमपञ्चक कात्तिक कृष्ण त्रयोदशि देखि कात्तिक शुक्ल द्वितियासम्म ५ दिन मनाइन्छ । तिहारको बारेमा जानकारि दिन मैले एक भिडियो पनि बनाएको छु :

तिहारको शुभकामना – तिहारका ५ दिनको परिचय

यो वर्ष (२०७३ सालमा) तिहार कार्तिक १२ गते शुक्रबारबाट बाट शुरु हुँदै छ । यस अवसरमा सबै पाठकहरु लाइ तिहारको मुरि मुरि शुभकामना छ ।

अव यो बर्षका तिहारका पाँच दिन निम्न कहिले कहिले परेका छन भन्ने बारेमा:

  • कार्तिक १२ – यमपंचक आरम्भ, काग तिहार
  • कार्तिक १३ – कुकुर तिहार
  • कार्तिक १४ – लक्ष्मि पुजा, गाइ तिहार
  • कार्तिक १५ – म्ह पुजा, गोबर्धन पुजा, गोरु पुजा
  • कार्तिक १६ – भाइ टिका

तिहारका यि दिनहरु को महत्व को बारेमा निम्न भिडियोमा प्रकाश पारिएको छ:

 Continue reading

Incoming search terms:

  • तिहार को बारेमा
  • नेपाली दसै तिहारको भिडीयो
  • नेपाली दिदि भाइ सेक्सि कथाहरु

दशैँमा टिका लगाउँदा भन्ने मन्त्र – आयु द्रोण सुते, जयन्ती मंगला काली

दशैंको उपलक्षमा शुभकामना आदान प्रदान गर्नुका साथै बडा दसैँको दिन (दशमि) देखि सबैले आँफु भन्दा ठुलाबडाहरुसंग टिका लगाएर आशिर्बाद लिने चलन छ । यसरि टिका लगाइदिंदा निम्न मन्त्रहरु जप गरिन्छ । यि मन्त्र पनि पुरुषलाइ छुट्टै र महिलालाइ छुट्टै हुन्छ:

पुरुषलाई टिका लगाइदिंदा भन्ने आशिर्बाद

आयुर् द्रोणसुते, श्रृयं दशरथे शत्रुक्षयं राधवे
ऐश्वर्य नहुषे, गतिश्च पवने, मानं च दुर्योधने ।।

सौर्य शान्तनवे, बलं हलधरे सत्यं च कुन्ति सुते
विज्ञानं विदुरे भवतु भवतां किर्तिश्च नारायणे ।।

महिलालाई टिका लगाइदिदा भन्ने आशिर्बाद

जयन्ति मंगला कालि,
भद्र-कालि कपालिनि।

दुर्गा क्षमा शिवा धात्रि,
स्वाहा स्वधा नमोऽस्तु ते।
 Continue reading

Incoming search terms:

  • आयुद्रोण सुते
  • आयु द्रोण सुते
  • दशै शुभकामना आयु द्रोन सुते
  • दसैंमा दिने मन्त्र
  • आयु द्रोण
  • आयु द्रोण सुते श्री
  • कालि टिका सिरियल

दशैं / दसैंका शुभकामना एसएमयस (Dashain SMS)

बडा दशैंको अबसरमा सम्पुर्ण साथिभाइ, मान्यजन तथा इस्टमित्रहरुमा
सुख, शान्ति, समृद्धि, उन्नति, प्रगति, सु-स्वास्थ्य र दिर्घायुको
हार्दिक मगंलमय शुभकामना!

यि शुभकामनाहरु तयार गर्न धेरै जनाको मेहनत लागेको छ मैले चाँहि जम्मा मात्रै गरेको हुँ:

सबैको निधारमा टिका र जमरा होस
सत्रु जति सबै तपाइँकै कमारा होस
नवदुर्गा भवानिको लागोस आशिर्वाद
तपाइ फुल अनि पछिपछि भमरा होस
दशैको शुभकामना

***
निधारमा रातो टिका होस्
कानमा सिउरिएको जमरा होस् ।
आत्मियता नै आशिर्वाद मिलोस्
सधै सधै जीवन शुखमय होस् ।
सबैमा शुभ दशमिको शुभकामना !!!!

***
भकारिभरि धान होस्, मुसा नलागोस
जति बोत्तल चढाए पनि नशा नलागोस
बडा दसैं २०७३ आनन्दको होस्
सबैजनालाइ दसैं लागोस, दशा नलागोस

***

यो बडा दशैं, यो कडा दशैं!
यो नरम दशैं, यो गरम दशैं।
यो भब्य दशैं, यो सभ्य दशैं।
सुभावना दशैं, शुभकामना दशैं!

***

वि = विजयको प्रतिक बनोस्
ज = जहाँ भएपनि दु:ख नहोस्
या = यात्रा गर्दा काँडाले पनि नरोकोस्
द = दशैँको
श = शुभकामना
मि = मित्रहरुमा

***

सबैको घरमा हाँसो, खुशि लिएर आओस्
दशा नबनोस्, आनन्दै आनन्द छाओस्
सबैको फलोस् फुलोस्, सुभकामना दसैंको

****

कसैलाई दास नहोस्
कसैलाई पिडा नहोस्
खुशीले गोजी भरियोस्
दुख सारा रित्तियोस्
हासोलाई आसुले नछेकुन
दुश्मनी सारा सकिनु
दसैंको रंगले सबै भरियोस

***
टिका होस निधारमा,
पहेंलो जमरा होस कानमा,
सुख शान्ति,संमृद्धि, हाँसो खुशि छाओस नेपाली मन,मनमा
०७३ सालको बडादशैँ शुभकामना
***


 Continue reading

Incoming search terms:

  • दशैं को शुभकामना र। फोटो हरू
  • नवदुर्गा भवानिको कथा

आधुनिक दशैंमा पुराना शुभकामना किन काम लाग्दैनन?

पहिले पहिले दशैं जबर्जस्ति नै मान्नै पर्थ्यो किनकि बिश्वकै “एकमात्र हिन्दु राष्ट्र”मा दशैं सबै भन्दा ठुलो पर्ब थियो । आजकाल हिन्दु राष्ट्र भन्न छोडे देखि मनाउने नमनाउने आ-आफ्नो छनोट । ल हेर्नुस यस्तो आदेश छ:

बिदेशमा दशैं

आजका धेरै नेपालि देशबाट लखेटिएका छन । बिदेशमा नेपालमा जस्तो धुमधामका साथ दशैं मनाउने बाताबरण नै मिल्दैन । छुट्टि मिलाउनु देखि साथिभाइ परिवार भेट गर्ने मौका नै मिल्दैन । तेसैले बिदेशको दशैं दुखिया हुछ – घर परिवारको सम्झनामा रुंदै मनाउनु पर्ने हुन्छ । नेपालमा दशैं आउँदा चोर्ने कुरा हुन्थ्यो। बालबालिकाले गाँउथे :

द्शैं आयो
खाउँला पिउँला
कहाँ पाउँला
चोरि ल्याउँला
धत् पापि, तँलाइ छोडि छुट्टाइ बसौंला ।

बिदेशमा चोर्न मिल्दैन। के गरेर दशै गित गाउलाने होला त? लौ, मैले बिदेशमा गाउन मिल्ने दशैं गित पनि बनाएँ । यसलाइ मिलाउन र परिमार्जन गर्न पुर्ण रुपमा छुट छ। कतै कपि पेष्ट गर्न पनि छुट छ ।

बिदेशमा, दशैं आयो
पार्टि जाम्ला
कसरि बिदा पाम्ला
सिक कल हानम्ला
धत् पापि, तँलाइ छोडि छुट्टै बसम्ला!

dashain-rhyme-bideshma-dashain-aayo

ल हेर्नुस बिदेशमा दशैं मनाइदिन जाने कलाकारहरु कहाँ कहाँ जांदै रहेछन ।

धार्मिक दशैं

शुभकामना पनि अब त पहिले जस्तो “महान हिन्दु चाड” भनेर भन्न त्यति सान्धर्भिन नहुन सक्छ । किनकि केहि बर्ष पहिले एकजनाले हाँसो गरेको थियो :
उसले गायिका अन्जु पन्तलाइ एउटा शुभकामना पठाएको थियो रे । पठाउँदा सम्म त हिन्दु नै थिइन, सुभकामना पुग्दा त क्रिश्चियन भै सकेकि रैछिन । बडो समस्या भयो रे। उसले पठाएको शुभकामना यस्तो थियो रे :

बिजय दशमिको शुभ अवसरमा तपाइलाइ
गणेशको जस्तो शिद्धि,
सरस्वतिको जस्तो वुद्धि,
बिदुरको जस्तो निति,
बिष्णुको जस्तो कृति,
लक्ष्मिको जस्तो सम्पति,
र भबानिको जस्तो शक्ति प्राप्त होस
महान हिन्दु चाड दशैंको शुभकामना!

हुन त, माथिको कुरा जोक बनाएको होला, तर अहिलेको अबस्थामा यस्तै घट्ना नहोला भनेर भन्न पनि सकिंदैन । तेसैले आजकाल मैले कसैलाइ पनि देब/देबिको नाम, हिन्दु भन्ने शब्द भएका शुभकामना पठाउन नै छोडिदिएँ ।

देश भित्र डलर खनिएको खनियै छ । यस्तो अबस्थामा पठाउँदा हिन्दु नै भएको ब्यक्ति पनि शुभकामना पुग्ने बेला सम्ममा धर्म परिबर्तन भएर क्रिष्चियन भइ सक्ने सम्भाबना प्रचुर मात्रामा देखिन्छ। पछि पछुताउनु भन्दा पहिल्यै सजग हुनु बुद्धिमानि हुन्छ। आजकाल मेरा शुभकामनामा “माता दुर्गा भबानि दाहिने” पनि हुन्नन । तिहारमा “लक्ष्मिले बास” पनि गर्दिनन । आजकालका मेरा शुभकामनामा बडो समावेशि भएका छन्:

  • दशैंमा घरजाने बस/प्लेनको टिकट पाइयोस।
  • बस बाटो बाटै सकुशल गन्तब्यमा पुगोस। ड्राइभरले नै चलाओस, कण्डक्टर पैसा उठाउन नै ब्यस्त होस।
  • खानेकुरामा थोरै मात्र मिसावट होस्। (मिसावट नहोस भन्यो भने पत्याउँदैनन।)
  • उडाएको चंगाले अरु सबैको चंगा चेट गरोस, माजामा मिसावट नपरोस ।
  • दशैँ सबैलाई लागोस्, दशा कसैलाई नलागोस् ।
  • चंगा होस, दंगा नहोस ।
  • तासमा माल परोस, जाल नपरोस । गलामा हार परोस। तर तासमा हार नपरोस्

यति भन्दा भन्दै पनि तपाइलाइ पुरानै दशैंका शुभकामना प्यारा लाग्छन भने सम्बत २०७२ का दशैंका शुभकामना यहाँ छन

भाषा सम्बन्धि नोट:
ब र व को प्रयोगको बिषयमा :
– बिस्व – मा अन्तिम “व” लाइ “ब” बनाउन मिलेन
– परिवार लाइ “परिबार” भन्ने पनि सुनिने भए पनि “वार” नै ठिक जस्तो लाग्यो

सम्झनामा दशैं, अघिल्लो बर्षका उत्कृष्ट ५ फोटाहरु

बिगत ४-५ बर्षहरु देखि मैले नेपालि सेलिब्रेटिहरुले दशैंको बेलामा टिकालगाएका फोटाहरु मेरो वेबसाइटका पाठकहरुलाइ पस्कंदै आएको थिएँ । अघिल्लो बर्ष पनि बिगत जस्तै दशैंको बेला नेपालि अभिनेता र अभिनेत्रिहरुले दशैंको टिकालगाएका फोटाहरु पाठकहरुलाइ बाँडने सोचले जम्मा गर्न थाँलेको थिएँ । तर, आजकल सोसल मिडियाको कारण आँफुलाइ चाखलाग्ने सेलिब्रेटिहरुको फोटो आँफैले फलो गरेर हेर्न मिल्ने हुनाले मैले जम्मा गरेर प्रस्तुत गरिरहन आवश्यक नै नहुने जस्तो लाग्यो । अझ फोटोहरुको बाढिनै आउने हुनाले ति सबै फोटो जम्मा गरेर प्रस्तुत गर्नु नै अनावश्यक जस्तो लाग्यो । अघिल्लो बर्ष देखि म ट्विटरमा पनि बढि नै सक्रिय हुन थालेको हुनाले ति फोटाहरु ट्विटरका साथिहरु बिच बाँडेको थिएँ । ति सबै फोटो वेबसाइटमा राख्दा पनि खासै चाखलाग्दो होला जस्तो लागेन । जब फोटा धेरै हुन्छन, मानिसहरुलाइ सबै फोटो हेर्ने जाँगर पनि लाग्दैन तेसैले, रमाइला र चाखलाग्दा थोरै फोटाहरु मात्र जम्मा गर्ने सोच त बनाएर यो एउटा भिडियो तयार गरेको थिएँ उत्कृष्ट ५ फोटाहरुको मात्र चर्चा गरेर।

आज मैले सोहि भिडियोको भुमिका थप गरेर प्रस्तुत गरेको छु :

फोटो १: दशैंको अघिल्लो दिन अभिनेत्रि करिश्मा मानन्धरले कलाकारहरुलाइ उनको घरमा निम्तो दिएकि थिइन । तर, भारतिय नाकाबन्दिका कारण खाना पकाउने ग्याँसको समस्याको कारणले निम्तो दिएका कलाकारहरुलाइ खुवाउने खाना पकाउने नै समस्या भयो। उनले जुक्ति निकालिन, उनको घरमा भएको शुटिंग स्टुडियोको प्रयोग गर्ने । उनले नेपालको गाँउले परिबेशको शुटिंग सेटमा दाउरा बाल्ने चुलो बनाएर खाना पकाउन थालिन र सो फोटो फेसबुकमा शेयर गरिन । यस अघि, भुइचालो आँउदा पनि उनले शुटिंग सेटको अस्थाइ आवासमा बसेकि थिइन । यो फोटोले भारतिय नाकाबन्दिले पारेको असरको एउटा झलक दिने हुनाले यसलाइ ऐतिहांसिक फोटो नै माने पनि फरक पर्दैन ।
 Continue reading

तिजको परिचय र तिजका अन्ध बिश्वासहरु

happy_teej(तिजका गीत सुन्नको लागि क्लिक गर्नुहोस | यो बर्ष फिल्मि कलाकारहरुले मोडलिंग गरेका तिज गित् यहाँ जानुहोस)

आज नेपालमा हिन्दु महिलाहरुको सबै भन्दा ठुलो पर्ब, हरितालिका तिज, मनाइँदै छ । परापुर्बकालमा पार्वतिले महादेवलाइ पति पाउनका लागि कठोर व्रत गरेको प्रसंगलाइ आधार मानेर तिज मानाउने गरेको बिश्वास गरिन्छ ।

यस पर्बमा अबिबाहित महिलाहरुले महादेव जस्तै सुयोग्य र आदर्श वर पाउँ भनेर ब्रत लिने गर्दछन भने बिबाहित महिलाहरुले आफ्नो पतिको सुख, समृद्धि, दिर्घायु र सुस्वास्थ्यको कामना गरेर ब्रत लिने गर्दछन ।

तिजका प्रमुख पाँच बिशेषताहरु:

  • भोकै ब्रत
  • रातो सारि (दुलहिको जस्तो पहिरन)
  • तिजका गितहरु
  • तिजका नाचहरु
  • शिवको पुजाअर्चना

तिज भाद्र शुक्ल द्वितिया देखि पञ्चमि सम्म ४ दिन मनाइन्छ।

  • पहिलो दिन – दर खाने (राति अबेर खायो भने भोलिपल्ट दिन भर भोकै बस्न सजिलो होस भनेर)
  • दोश्रो दिन – ब्रत बस्ने दिन (नाचगान र पुजा अर्चना)
  • तेश्रो दिन – गणेश चतुर्थि
  • चौथो दिन – ऋषि पन्चमि (पुजा अर्चना गर्ने दिन)

भिडियो परिचय:

दर खाने

तिजको दिन जल समेत नखाई ब्रत बस्नुपर्ने हुनाले तिजको अघिल्लो दिन बिभिन्न परिकार तथा मिष्ठान्नहरु तयार गरि ब्रतालुहरुले दर खाने प्रचलन छ ।दरमा ठाँउ अनुसार मिठा-मिठा परिकार खाने गरिन्छ । बिशेष गरि खाने कुराहरुमा खीर, सेलरोटि, केरा/फलफुल आदि मिष्ठान्न भोजनहरु  हुन्छन। तर, आजकाल अरु बिभिन्न परिकारहरु सर्ब सुलभ रुपमा उपल्ब्ध हुने हुँनाले दरका परिकारमा पनि आधुनिकता आएको छ।

पहिला दर बिहान उज्यालो हुनु भन्दा पहिले खाइ सक्ने चलन भए पनि  आजकाल घडिको सर्बसुलभताका कारण मध्यरात १२ बजे अघि नै दर खाने चलन बसेको छ। चिनजानका साथिहरु, नातेदार आदिलाइ बोलाएर दर खुवाउने प्रचलन पनि रहेको छ । आजकाल तिज आउनु भन्दा धेरै अघिदेखि नै दर खाने बहानामा जमघट गर्ने प्रचलन बढेको छ।

तिजमा माइतिले (चेलिका बाबु आमा वा दाजुभाइले) छोरि/चेलिलाइ घरमा बोलाएर संगै बस्ने, मिठा-मिठा परिकार खाने र दुख सुख साटासाट गर्ने पुरानो चलन हो । माइत जाने, घरका दुखसुखका कुरा बिसाउने साथि संगिहरुलाइ भेटने हिसाबले तिज र दर खाने प्रचलन पहिलेका महिलाहरुमा छुट्टै महत्व राख्ने गर्दथ्यो ।
 Continue reading

Incoming search terms:

  • नेपालि गित तिज मुफत
  • नेपालि तिज भिडियो २०७४
  • नेपालि तिज भिडियो
  • तिज
  • नेपालि तिज गित 2073
  • नेपाली तिज भिडीयो