शुक्रबार – आशा लाग्दो नयाँ साप्ताहिक प्रकाशन

shukrabar-cover"तिमीले रिपब्लिक मिडियाको शुक्रबार भन्ने पत्रिका पढ्ने गरेको छौ ? कस्तो राम्रो लाग्छ मलाई त!" मेरो एक मित्रले २ साता अघि मसंग सोधेको थियो| मैले भने पढ्न भ्याएको रहेनछु|

पुस्तक पसलहरुमा सो पत्रिका नदेखेको पनि हैन तर कुनै पत्रिकाको परिशिष्टअंक होला भन्ने सोचेको थिएँ| जब अघिल्लो हप्ता "तिन ट्रेजेडी" शिर्षकमा नायक राजेश हमालको फिचर स्टोरी सहित पत्रिका पसलमा देखे अनि मन थाम्नै नसकी किने र सबै पानाहरुका  प्राय जसो लेखहरु पढे पनि | जे होस् राम्रो अनि ज्ञान बर्धक लग्यो | त्यो ११ औ अंक थियो अनि हिजो मात्र १२औ अंक किनेर पढे पछी भने केहि टिप्पणी गर्न मन लग्यो |

साइजमा ठ्याक्कै "साप्ताहिक" जस्तो अनि साप्ताहिक रुपमै प्रकाशित हुने "शुक्रबार" कतै "साप्ताहिक" को प्रतिद्वन्दीको रुपमा त आएको हैन भन्ने सोचाई पहिलो पटक पढ्दा नै आएको हो | यो नितान्त मेरो बिचार हो र म जस्तै आम पाठकहरुले पनि यस्तै सोचेको हुनु पर्छ भन्ने पनि मेरो अनुमान हो दुवै प्रकाशनले यसलाई कसरी लिएका छन त्यो आफ्नो ठाउँमा छ | यधपी मिडियाहरु बीच भयङ्कर प्रतिस्पर्धा चलिरहेको त हामीले देखेकै छौ| स्वच्छ प्रतिष्पर्धा हुनु त राम्रै हो | त्यसो हुँदा हामी पाठकहरु पनि आफ्नो रुची अनुसारको सामग्री छानेर अध्ययन गर्न सक्छौ |

जे होस् पत्रिका लगातार २ हप्ता किनेर पढें| सर्बप्रथम त निलो पृष्ठभूमिमा सेतो अक्षरले लेखिएको "शुक्रबार" नाम नै मलाई आकर्षक लागेको पक्ष हो| बिज्ञापन मिडियाको अभिन्न अंग हो त्यो अलग कुरा…. बिज्ञापनको क्रम यसमा पनि बिस्तारै बढ्दै जाला तर हाललाई सबै पृष्ठहरुमा रंगीचंगी बिज्ञापनले नढाकेको र पुरापुर लेखहरुले भरिएको सफा पत्रिका हातमा पर्दा मेरो पैसा खेर गएनछ भन्ने सोचाई मनमा आयो | समाज, अर्थ, शैली, साहित्य, प्रबिधि, मनोरंजन, स्वास्थ्य आदिसंग सम्बन्धित लेखहरु बिस्तृत रुपमा अनुसन्धान गरेरै लेखिएको जस्तो लाग्यो| विदेशको काम, म बिद्रोह गर्छु, जीवन सम्बाद जस्ता खुराकहरु नयाँ लागे | छापिएका तस्बिरहरु पनि परिवार बीच हेर्न मिल्ने  खालकै छ अझ शुक्रबारको नाममा बिहिबार नै बजारमा पुग्ने यसको शैलीमा कस्तो अभिप्राय होला तपाईहरु आफै विचार गर्नुस त?समग्रमा पत्रिका राम्रै लाग्यो बरु मुल्यको बारेमा भने महँगो भो भन्ने पाठक प्रतिक्रियाहरु आइरहेका छन |त्यसमा अलि लचिलो हुन सके र अझ समय सान्दर्भिक ज्ञानबर्धक लेखहरु ल्याउने गरे पक्कै पनि यसले आफ्नो उचाई लिनेछ|

अन्तमा पत्रिकाहरुले  प्रतिस्पर्धाको बजारमा आफुलाई स्थापित गराउन होस् या आफ्नो भैरहेको स्थान कायम गर्न आफ्नो सामग्रीहरु गुणस्तर युक्त होउन भन्ने ख्याल त राख्नै पर्छ साथै "साप्ताहिक" र "शुक्रबार" जस्ता पत्रिकाहरुले जनसुझाबलाई पनि उत्तिकै स्थान दिने हो भने अझ राम्रो हुन्थ्यो| आखिर पाठकहरुको सुझाब भनेको आफुलाई परिस्कृत गर्ने माध्यम पनि त हो| अनि, बिज्ञापन सामग्रीहरुलाई पनि अझ ब्यबस्थित बनाउने जसले गर्दा पत्रिका हेर्दा फोहोर जस्तो नलागोस बरु जताततै फोहोर नगरी निश्चित पानाहरुमा  मात्र बिज्ञापनलाई स्थान दिने बनाउने हो कि ?बरु बजार पिट्ने नाममा जे पायो त्यही बिना अनुसन्धान वा सोध खोज छाप्ने,अस्वाभाभिक लाग्ने तस्बिरहरुले पत्रिका भर्ने गर्ने हो भने बजार बिक्रि त बढ्ला तर पाठकहरुको मन र बिश्वास जित्न भने कदापि सक्दैन| त्यसकारण प्रकाशन पक्षले यसमा पनि बिचार पुर्याउनु उत्तम होला|

Incoming search terms:

  • साप्ताहिक

इन्जिनियर र आर्किटेक्ट का कामहरु

प्रश्न – मैले भर्खर +२ सकें, अब इन्जिनियरिंग पढ्ने बिचार छ | तर, यति धेरै प्रकारका इन्जिनियर हुँदा रहेछन – कुन पढ्न ठिक होला? (राम सापकोटा, पार्दी पोखरा)

engineer उत्तर – कुन बिषयलाइ छान्ने भन्ने कुरा भविष्यमा कुन क्षेत्रमा काम गर्न मन लागेको हो तेसैले निर्धारण गर्दछ |  तपाईलाई इन्जिनियर पढ्न किन मनलागेको हो भन्ने खुलाउनु भएको भए उत्तर दिन सजिलो हुने थियो, किनकी सोही कारण बाट नै कुन क्षेत्रमा आकर्षण देखेर तपाइले इन्जिनियर बन्न मन गर्नु भएको भन्ने थाहा हुने थियो | जस्तो, कुनै इन्जिनियरले घर, सडक आदि बनाएको देखेर पढ्न मन लागेको हो भने सिभिल पढ्नु ठिक होला |

मैले कुन इन्जिनियरले के काम गर्छ भनेर तल लेखेको छु | आफ्नो मन लागेको बिषय छानेर पढे हुन्छ | कुनै पनि एउटा बिषय आफैमा अर्को बिषय भन्दा राम्रो वा खराब नहुने हुँदा जुन बिषय लिएर पढे पनि राम्रो संग पढेमा भविष्य उज्ज्वल हुन्छ |

सिभिल इन्जिनियर – भवन, सिँचाइ, सडक, खानेपानी, ढल निकास आदिको निर्माण तथा मर्मत ।

सडक इन्जिनियर, स्टकचर इन्जिनियर, वाटर रिसोर्स इन्जिनियर आदि

इनभाइरोमेन्ट इन्जिनियर – बातावरण तथा सेनिटेसन सम्बन्धी काम ।

आर्किटेक्चर – आर्किटेक्चरल नक्सा हरू साथै भवन निर्माणमा सुपरिवेक्षण ।

इलेक्ट्रिकल इन्जिनियर – विद्युतिय उपकरण सञ्चालन, मर्मत तथा सञ्चालन ।

इलेक्ट्रोनिक्स इन्जिनियर – इलेक्ट्रोनिक तथा सञ्चार उपकरण सञ्चालन र मर्मत ।

मेकानिकल इन्जिनियर – फ्याक्ट्री मेसिनरी संचालन, तथा मर्मत ।

इन्डस्ट्रीयल प्रोडक्सन इन्जिनियर, माइनिंग इन्जिनियर, अटोमोबाइल इन्जिनियर, रेफ्रिजेसन एन्ड एयरकन्डिसिनिङ इन्जिनियर 

कम्प्युटर इन्जिनियर – कम्प्युटर सफ्टवेर निर्माण र हार्डवेएर मर्मत तथा जडान।

सिस्टम इन्जिनियर, सफ्टवेर इन्जिनियर, नेटवर्क इन्जिनियर,

तपाईको उज्ज्वल भविष्यको कामना का साथै प्रश्न सोध्नु भएकोमा धन्यबाद |