कसरि १ सय १७ वर्ष सम्म टाठै छन संसारकै सबैभन्दा पाकि महिला?

संसारकै सबैभन्दा वृद्ध व्यक्ति एम्मा मोरानोले यहि नोभेम्बर २९ मंगलबार आफ्नो १ सय १७ औँ जन्मदिन मनाएकि छिन्। एम्मा १८०० को शताब्दिमा जन्मिएकि संसारकै एक मात्र जिवित व्यक्ति मानिन्छिन ।

emma-morano-oldest-living-person-117-birthday-celebration

सन १८९९ को नोभेम्बर २९ का दिन इटालिमा जन्मिएकि एम्मा उनका मातापिताका ८ सन्तानहरुमा पहिलो सन्तान हुन्। अहिले उनका सबै भाइबहिनि हरु बितिसकेका छन्। १९३८ मा आफ्ना पतिसँग उनको सम्बन्धविच्छेद भए पछि उनि एकल जिवन बिताइरहेकि छिन ।
 Continue reading

आमाबाट लत्याइएको अभागि छोराको पुकार (शारांश भिडियो सहित)

झुठ र एक अर्कामा आक्षेपमात्र लगाउने काम भएको हुनाले सत्य कुरा के हो भन्ने अन्योल भएको हुनाले मलाइ कञ्चन शर्मा रेग्मिको बारेमा फेरि अर्को चर्चा गर्न मन लागेको थिएन । तर, ३-४ दिन अघि उनको छोराले लेखेको एक मर्मिक भनाइ अहिले भर्खर पढें अनि यो आमा छोराको बिचको अनौठो संबन्धको बारेमा भने चर्चा नगरि मन नै मानेन ।

आफ्ना इन्जिनियर श्रिमान् र दुई इन्जिनियर भनिएका छोराहरुले वास्ता नगरेकोले सात वर्षसम्म सडकमा बिताउनु परेको भन्दै कान्तिपुर टेलिभिजनमा देखिए पछि कञ्चन शर्मा रेग्मि रातारात चर्चित बनिन् र सबैले सहानुभुति पनि पाइन । टक्सन गाडि चढेर हिंडने छोराहरुले सड्कमा बसेकि आमालाइ बाइबाइ गर्दै हिंडेको बताउने कञ्चनको अन्तर्वार्ता पछि कञ्चनका कान्छा छोरा सागर रेग्मि तिन दिनसम्म मुर्छित भएको बताएका थिए, उनका पुर्वपतिले । तिनै कञ्चनका कान्छा छोरा सागर रेग्मिले गाडि चलाउने अनुमति नै नभएको लाइसन्सको दुइवटा फोटो समेत राखेर फेसबुकमा एक स्मार्मिम स्ट्याटस लेखेका रहेछन। प्रस्तुत छ सागर रेग्मिले लेखेको लामो भनाइका मुख्य कुराहरु: (भिडियो अपलोड् हुँदैछ)

सागरले लेखेको लामो स्ट्याटसको साराँश यस प्रकार छ
 Continue reading

कञ्चन शर्मा रेग्मिको अन्तरवार्ताले ल्याएको हलचल

कान्तिपुर टिभिमा “सुमनसंग” कार्यक्रममा प्रस्तुत भएकि एक “आमा” को बिलौनाले ल्याएको तरंग एकाएक उल्टो दिशामा बग्न थालेको छ । आमालाइ हेलाँगर्ने इन्जिनियर छोराहरु र स्वास्निलाइ घरबाट निकाल्ने इन्जिनियर लोग्नेबाट पिडित भनेर सहानुभुति बटुलेकि कञ्चन शर्मा रेग्मिले भनेका कुराहरु गलत भएको प्रमाणहरु सार्बजनिक हुन थाले पछि पत्रकारले अनौठो र अबिश्वासलाग्ने खालको प्रस्तुति दिंनु अघि सामान्य सोधपुछ समेत नगरेको बुझ्न सकिन्छ । यो बिषयमा मैले केहि भिडियोहरु तयार गर्दैछु । सबै भन्दा पहिलो भिडियो थियो कञ्चनले आफ्नै रचना भनेर वाचन गरेको गजल – का रचनाकार कवि रवि प्राञ्जाल रहेछन । उनको रचना प्रकाशित भइ सकेको र २०६९ सालमा सजल न्यौपानेको स्वरमा रेकर्ड समेत भैसकेको रहेछ ।

हेर्नुहोस भिडियो रिपोर्ट :

अनि कञ्चन शर्मा रेग्मिले उनलाइ फोहरको थुप्रोबाट उठाएर ल्याएको कुरा गरेकि छिन अन्तरवार्तामा । तर चन्दा थापाले लेखेको एक लेख र उनले प्रस्तुत गरेका फोटोहरुले उनलाइ थापाले सड्क पेटिमा भेटेको बताएकि छिन ।

भिडियो हेर्नुहोस :


 Continue reading

फुटबल खेलाडिलाइ पुरस्कार – मुखले मात्रै, अघिल्ला दुइ पुरस्कार पनि पाएका छैनन

मलेसियामा सम्पन्न एएफसि सोलिडारिटि कप फाइनलमा विजयि नेपालि फुटबल खेलाडिलाइ बिहिबार प्रधानमन्त्रि प्रचण्डले बालुवाटारमा सम्मान गर्नुका साथै रु ३ तिन लाख नगद पुरस्कार पनि दिने घोषणा पनि गरे। अव प्रश्न उठेको छ के ति खेलाडिले त्यो तिन लाख पाउलान त ?

बिगत २०/२१ वर्ष सम्म एउटा पनि ठुला पदक जित्न नसकेको नेपालि फुटबलटिमले यो एक बर्षमा तिन वटा ठुला पदक हात पारेको छ । नेपालि खेलाडिको यस्तो सफलताले हौसिएको नेपाल सरकारले यसरि तीनवटा उपाधि जित्दा तीनै पटक आकर्षक पुरस्कार पनि घोषणा गरिएको थियो । तर, सो नगद पुरस्कार भने अहिले सम्म पनि खेलाडिको हात पर्न सकेको छैन ।

  • फागुनमा बंगलादेशमा भएको बंगबन्धु गोल्ड कपको उपाधि जित्दा सरकारले जनही दुइ लाख रुपैयाँ पुरस्कार दिने घोषणा गरेको थियो।
  • भारतमा भएको १२ औं दक्षिण एसियाली खेलकुद (साग) फुटबलको उपाधि जित्दा पनि सरकारले प्रत्येक खेलाडीलाई जनही पाँच लाख रुपैयाँ दिने घोषणा गरेको थियो ।
  • अहिले मलेसियामा सम्पन्न एएफसि सोलिडारिटि कप जितेपछि प्रधानमन्त्रिले तीन-तीन लाख रुपैयाँ दिने घोषणा गरेका छन ।

दुखको कुरा, यो रकम खेलाडिले कहिलेसम्म प्राप्त गर्छन् भन्ने कुरा सरकारलाइ नै थाहा छैन रे । युवा तथा खेलकुदमन्त्रि श्रिपाइलि भन्छन, मनपरि र कुनै मापदण्ड बिना नै घोषणा गरिने यस्ता पुरस्कार दिने प्रक्रियामा नै समस्या देखिएको छ । नेताहरुलाइ करोडौं उपचार खर्च दिन प्रक्रियामा कुनै समस्या नहुने खेलाडिलाइ पुरस्कार दिन समस्या हुने यो कस्तो बिडम्बना हो ?

प्रधानमन्त्रिले भाषण गरे, “२१ वर्षयता फुटबलको क्षेत्रमा नेपालले ठुला पदक जित्न सकेको थिएन । तर, पछिल्लो १ वर्षमै नेपालले ठुला ३ पदक जितेको छ । नेपालको विजयि सुरुवात भइसकेको छ । यो जितले नेपालको गौरव बढाएको छ, नेपालीहरुको मनोबल उच्च भएको छ।”

अन्नपुर्णमा प्रकासित समाचार अनुसार मन्त्रि श्रिपाइलिले यो पटक भने, “सल्लाह र योजनाअनुसार नै पुरस्कार रकम घोषणा गरेका हौं । अहिलेको पुरस्कार तत्काल दिने तयारिमा छौं । पहिलाको रकमका बारेमा पनि म सकभर पहल गर्नेछु” भनेका छन । यि तिनैपटक राष्ट्रिय फुटबल टोलिको व्यवस्थापक रहेका एन्फाका कोषाध्यक्ष विराटजंग शाहिले पनि पुरस्कार रकमका बारेमा पहिलेको सरकारलाई पटकपटक ध्यानाकर्षण गराए पनि सम्भव नभएको गुनासो गरेका छन ।

आशा गरौं, धनढ्य सुजाता कोइरालाइ समेत पचासौंलाख बाँड्ने अहिलेको दानि सरकारले खेलाडिको दुइ/चार लाख पुरस्कार दिन ढिलो नगर्ला।

राप्रपा नेपाल र राष्ट्रिय प्रजातन्त्र पार्टिको बिच एकिकरण बक्तव्यमा भाषाको बिजोग

मैले शुरु देखि नै भनिरहेको हुँ नेपालि भाषामा ठुलो समस्या छ । मानिसहरुले भाषाको शुद्धतामा ध्यान दिन आवश्यक नै सम्झिँदैनन । यहि कुरा आजको एक घटनाले अझ बढि प्रष्ट्याएको छ ।

पहिलेका पञ्चहरुले खोलेको राष्ट्रिय प्रजातन्त्र पार्टि पहिले फुटे पनि अब यसका दुइ खेमा फेरि जुट्ने जमर्को गरिरहेका छन । आज राप्रपा नेपाल का अध्यक्ष कमल थापा र राष्ट्रिय प्रजातन्त्र पार्टिका अध्यक्ष पशुपति सम्शेर राणाले हस्ताक्षर गरेको प्रेस बिज्ञप्ति मा नेपालि भाषाको शुद्धतामा अतिनै खेलवाड भएको देखिन्छ । अहिले प्रचलित भाषाका नियम अनुसार सबै जसो शब्दहरु अशुद्ध देखिएका छन ।

अशुद्धताहरु:

  • ह्रस्व दिर्घ मा दिर्घ हुनु पर्ने धेरै शब्द ह्रस्व लेखिएका छन् । तर कुनै कुनै दिर्घ पनि लेखिएको हुनाले “आनन्दको नेपालि”बाट प्रभावित भएको भन्न पनि नमिल्ने हिसावले बिगारिएको छ ।
  • जोड्नु पर्ने शब्दहरु छुट्याइएका छन् । इन्टरनेटमा खोजिमा समस्या हुने हुनाले मलाइ यस्ता शब्दहरु छुट्टिएको नै मन पर्ने भए पनि ब्याकरणले तेसो भन्दैन ।
  • तेस्तै “ब” र “व” मा पनि समस्या देखिएको छ ।
  • अरु त अरु, हस्ताक्षर गर्ने पशुपति सम्शेरकै नाम पनि गलत लेखिएको छ ।

ट्विटरमा शेयर भएको एक ट्विट, जसमा भाषामा भएका गल्तिहरुलाइ औंल्याइएका छन् :

rpp-nepal-and-rastirya-pp-join

सौगात र सृष्टिको रोमान्स, फिल्म हल देखि रारा ताल सम्म

हालै सौगात मल्ल र सृष्टि श्रेष्ठ मुगुको रारा तालमा फेला परेका छन् । कसैलाइ थाह नदिइ, रारा ताल डेटिङ्मा पुगेको यो जोडिले कसैले चिनिहाल्छ कि भनेर तर्कि तर्कि हिंडेको खवर छ ।

दुइ महिना अघि “झुम्कि”हेर्न फिल्म हल छिर्दै गरेका सौगात र सृष्टि हालै सुदुर पश्चिमको रारा तालमा ४ दिन लामो डेटिङ् सकेर फर्केका छन । रारामा उनिहरुलाइ संगै देख्ने मेरा एक मित्रबाट प्राप्त खवर अनुसार अनुसार, उनिहरु राराको डाँफे लजमा कार्तिक २५ गते बिहीबार सम्म बसेका थिए। उनिहरुको लामो बसाइ त्यो बेला छोटियो जव एक फिल्मको शुटिंग टोलि त्यहाँ पुग्यो । “हिटलर” फिल्म शुटिंग टोलि रारा पुगे पछि सौगात र सृष्टिको जोडि हतार हतार त्यहाँबाट प्रस्थान गरेको थियो ।

सौगातका प्रेम र अफेयरहरु

केहि समय अघि सौगात मल्ल र सरिता गिरि बिचको प्रेम लामो र घनिष्ट रहेको थियो । सरिता गिरिले एसएलसि पास गरेपछि बिरेन्द्र हमालको एम आर थियटरमा अभिनय सिक्न जाँदा भेटेका सौगातसंगै यति घनिष्ट सम्बन्ध भयो कि उनिहरु करिव दश बर्ष प्रेम सम्बन्धमा रहे । तर, यो जोडि सन २०१० ताका छुट्टिएपछि सौगात एक्लो भएका थिए । सरिता भन्छिन, “परिवारलाइ खुशि राख्न हामि छुट्टिएका हौं ।”
 Continue reading

सुजातालाइ ५० लाख, सर्बत्र बिरोध; उपचार खर्च भनेर कसले कति रकम पाएका थिए ?

कांग्रेस नेतृ सुजाता कोइरालालाइ उपचार खर्च भनेर रु ५०,००,००० दिएको बिरोध भइ रहँदा, उनका स्वकिय सचिव लक्ष्मण थपलियाले अरु नेताले उपचार खर्च लिन हुने सुजाताले किन ननुहुँने भनेर प्रतिप्रश्न गरेका छन् । पहिला पनि बाडिएको सहि हो र सरकारि तवरमा यसरि मनपरि पैसा बाँड्ने चलनको अन्त्य नभइ नहुने भएको छ ।

स्तन क्यान्सरको उपचारको लागि सुजाता सिंगापुर तिर गइ सकेकि छिन् । बिरोधको बारेमा भिडियो रिपोर्ट :

https://www.youtube.com/watch?v=sokI3S-yAsk

उपचार खर्च भनेर राज्य ढुकुटिबाट कसले कति कति रकम लिए भन्ने बारेमा निम्न सुचिले प्रष्ट पार्दछ ।

उपचारखर्च पाउने भाग्यमानिहरु

  • पुर्वप्रधानमन्त्रि स्व. शुशिल कोइराला १ करोड ९१ लाख ८१ हजार ३ सय ७३
  • पुर्वप्रधानमन्त्रि केपि शर्मा ओलि १ करोड २६ लाख ३५ हजार १ सय ३७
  • पुर्वराष्ट्रपति डा. रामवरण यादव– ६० लाख
  • पुर्वप्रधानन्यायाधिश रामकुमारप्रसाद साह ५० लाख ३९ हजार १ सय ७
  • पुर्वपरराष्ट्रमन्त्रि चक्रप्रसाद बाँस्तोला ५० लाख
  • माओवादि नेता नारायणकाजि श्रेष्ठ– ३८ लाख
  • पुर्वसांसद स्व. रामनाथ ढकाल ३२ लाख १८ हजार ४ सय २१
  • पुर्वगृहमन्त्रि गोविन्दराज जोशि २७ लाख ८० हजार
  • पुर्वप्रधानमन्त्रि डा. तुलसि गिरि २५ लाख
  • पुर्वउपसभामुख पुर्णकुमारि सुवेदि २५ लाख
  • कांग्रेस नेता खुमबहादुर खड्का– २० लाख
  • पुर्वपरराष्ट्रमन्त्रि स्व. साहना प्रधान १३ लाख ६४ हजार ३ सय ६५
  • पुर्वराज्यमन्त्रि महेन्द्र यादव ७ लाख ८८ हजार १ सय ६५
  • पुर्वप्रधानमन्त्रि लोकेन्द्रबहादुर चन्द ५ लाख
  • पुर्वअर्थमन्त्रि रामशरण महत २ लाख ८३ हजार ८ सय ९७

के प्रचण्डलाइ इस्कुस मन पर्न थालेकै हो त ? (छठ मनाउने प्रसंगमा)

प्रधानमन्त्री पुष्पकमल दाहाल, प्रचण्डले छठ पर्व मनाएको समाचारले मलाइ अचम्म लागेको छ । प्रचण्डले यो धार्मिक चाड्मा समावेश भएर मुर्तिपुजा गरिरहेको फोटो देखेर मलाइ अनौठो लाग्नुको मुख्य कारण हो उनले दशैं र तिहारलाइ धार्मिक चाड भनेर नमनाउनु ।

दशैं तिहार धार्मिक भन्दा पनि सांस्क्रितिक पर्व भै सकेको तर्क गर्नेले अमेरिकि राजदुतले दशैंको टिका लगाएको उदाहरण पनि प्रस्तुत गरेका थिए । अमेरिकि राजदुतले टिका लगाउँदा प्रधानमन्त्रिले बहुशंख्यक नेपालिले मनाउने दशैं नमनाएको घोषणा गर्नु अचम्म लाग्दो कुरा त थियो नै तर उनको ब्यक्तिगत कुरो भनेर मैले त्यो बेलामा यो बारेमा चर्चा गर्नु आबश्यक ठानिन ।

केहि दिन अघि प्रचण्डले सोहि तर्कका साथ तिहार पनि मनाएनन । समाचारमा अमेरिकि राष्ट्रपति सपरिवार दिपावलिको कार्यक्रममा सहभागि भएको समाचार पनि आएका थिए। तर, त्यो बेला पनि मलाइ चर्चा गरिरहन आबश्यक लागेन ।

तर, तिनै ब्यक्ति छठमा सामेल हुँदा पुर्ण रुपमा धार्मिक ब्यक्ति भएको देख्दा चाँहि मलाइ अचम्म लागेको छ ।

https://www.youtube.com/watch?v=dbvmx5GG9OA

यसै संधर्वमा प्रचण्डको छठमा आरधना पछि सामाजिक संजाल ट्विटरमा देखिएको ब्यंग्य मलाइ चित्त बुझ्दो लाग्यो । के प्रचण्डको भारतसित लभ परेकै हो त ?

us-ambassador-to-nepal-dashain-tihar

धुर्मुस सुन्तलिको गिरान्चौरबासिलाइ संदेश – चन्द्रमा छुने उद्देश्य लिनु

हास्य कलाकार धुर्मुस र सुन्तलि को प्रयासमा निर्माण गरिएको गिरान्चौर एकिकृत नमुना बस्तिमा ६५ घर का साथ साथै एउटा सामुदायिक भवन पनि निर्माण गरिएको छ । त्यहाँ बगैचा र बाल उद्यानसँगै एउटा रेकेटको स्तम्भ पनि निर्माण गरिएको छ । घर बस्न, सामुदायिक भवन जम्मा हुन, बच्चाहरु खेल्ने स्थान, रमणिय बगैंचा आदिको सबैको आ-आफ्नै उद्देश्य छन । तर, त्यहाँ निर्माण गरिएको रकेट स्तम्भको चाँहि कुनै काम देखिँदैन । हुन त रकेटले राम्रो र बस्तिलाइ आकर्शक देखाएको छ । उक्त स्तम्भमा लेखिएको महाकवि लक्ष्मि प्रसाद देवकोटाको भनाइ “उद्धेश्य के लिनु उडि छुनु चन्द्र एक”ले अझ सुनमा सुगन्ध थपिएको छ ।

भिडियो रिपोर्ट हेर्नुहोस :

सो स्तम्भको बारेमा धुर्मुस भन्छन्, “रकेटको गतिमा काम गरेमा मात्र देश बन्छ।”

धुर्मुस बाट प्रेरणा लिएर देश बनाउने गति तिब्र होस्, मेरो शुभकामना छ ।

भारतिय राष्ट्रपति फिर्ता, भ्रमणलाइ अनाबश्यक महत्व

भारतिय राष्ट्रपति प्रणव मुखर्जि नेपालको तिन दिने नेपाल भ्रमण पुरा गरि नोभेम्बर ४ तारिख शुक्रबार स्वदेश फर्केका छन । उनि फर्के लगत्तै सरकारले राष्ट्रपति बिद्यादेबि भण्डारिको भारत भ्रमणको तयारि सुरु गरेको छ। के नेपालको राष्ट्रपतिको भ्रमणको बेला सार्बभौम राष्ट्रले एक अर्काको पैंचो तिरे जस्तै भारतले पनि सार्बजनिक बिदा देला त? चाखलाग्दो बिषय भएको छ ।

pranab-mukharjee-return-back

भारतका राष्ट्रपतिको यो नेपाल भ्रमण अठार बर्षपछि भएको हो । यहि कात्तिक १७ गते नेपाल आएका राष्ट्रपति मुखर्जिले नेपाल भ्रमणका क्रममा उच्चस्तरिय भेटघाट गर्नुका साथै उनलाइ काठमाडौँ र जनकपुरमा नागरिक अभिनन्दन गरिएको थियो । भ्रमणका क्रममा बिभिन्न उच्चस्तरिय कार्यक्रममा सरिक भएका राष्ट्रपति मुखर्जिले काठमाडौँको पशुपतिनाथ र जनकपुरको राम जानकि मन्दिरमा बिशेष पुजा पनि गरेका थिए । स्वदेश प्रस्थान गर्नु अघि उनले पोखरा भ्रमण गरेर त्यहाँ आयोजित भारतिय पेन्सन क्याम्पको एक कार्यक्रमलाइ सम्बोधन पनि गरेका थिए ।

राष्ट्रपति आउँदा सार्बजनिक बिदा दिएकोमा बिरोध

भारतिय राष्ट्रपतिलाइ अनाबश्यक महत्व दिंदै सार्बजनिक बिदा दिएको मा बिभिन्न बिरोध कार्यक्रम हुँदै गर्दा नेपाल सरकारका सबै काम कारबाहि ठप्प भएको आभाष भएको थियो । अझ, उनको बिदाइमा नेपालका सबै उच्च पदस्त ब्यक्तिहरु उपस्थित हुँदा नेपालमा भारतको चाकरि गर्नु बाहेक अरु कुनै पनि काम नहुने जस्तो देखिएको थियो ।

मुखर्जिको बिदाइमा सहभागि पदाधिकारिहरु

  • राष्ट्रपति बिध्यादेबि भण्डारि
  • उपराष्ट्रपति नन्दबहादुर पुन
  • प्रधानमन्त्रि पुष्पकमल दाहाल‘प्रचण्ड’
  • उपप्रधानमन्त्रि बिमलेन्द्र निधि
  • उपप्रधानमन्त्रि कृष्णबहादुर महरा
  • मन्त्रिगण
  • संवैधानिक निकायका प्रमुख
  • सुरक्षा निकायका प्रमुख

यि बाहेक राजदुत र उच्च सरकारि अधिकारि पनि उपस्थित थिए ।


 Continue reading