राष्ट्रिय जनगणना २०६८ को प्रारम्भिक नतिजा

foreign_bound_nepali-censusराष्ट्रिय जनगणना २०६८ को प्रारम्भिक नतिजाअनुसार निम्न तथ्यहरु सार्बजनिक गरिएका छन् :

  • नेपालको जनसङ्ख्या २,६६,२०,८०९ जना पुगेको छ, जुन दश वर्षअघि (२०५८ साल) को जनसङ्ख्या २,३१,५१,४२३ को तुलनामा ३४,६९,३८६ ले बढी छ । विगत दश वर्षको सरदर बार्षिक वृद्धिदर १.४० प्रतिशत रहेको छ (दश वर्षमा १४.९९ प्रतिशत वृद्धि) । वि.सं. २०४८ देखि २०५८ सम्मको दश वर्षमा सरदर वार्षिक जनसङ्ख्या वृद्धिदर २.२५ प्रतिशत रहेको थियो ।
  • जनघनत्व – परिवार र घरको अनुपात १:१.१९ रहेको छ जसको (प्रत्येक १०० वटा घर/भवन वा आवासीय संरचनामा औसतमा ११९ परिवारहरू बसोबास गर्दछन्) ।
  • परिवारको आकार – शहरी क्षेत्रको परिवारमा सालाखाला ४.०५ जना छन् भने ग्रामीण क्षेत्रमा ४.८६ जना रहेका छन्। भौगोलिक क्षेत्रअनुसार हेर्दा हिमाली क्षेत्रमा सालाखाला ४.७४, पहाडमा ४.३४ र तराई क्षेत्रमा ५.०६ जना प्रतिपरिवार रहेको देखिन्छ । परिवारको आकार सबैभन्दा सानो काठमाडौंमा देखिएको छ जहाँको सालाखाला एक परिवारमा औसत ३.७१ जना पाइएको छ भने रौतहट, बारा, कपिलवस्तुमा अझै प्रतिपरिवार ६ जनाभन्दा बढी देखिन्छन् ।
  • अनुपस्थित जनसङ्ख्या – जम्माजम्मी १९,१७,९०३ जना अनुपस्थित अर्थात विदेसिएको देखिन्छन् जसमध्ये पुरूष १६,६३,२३७ (८६.७ प्रतिशत) र महिला २,५४,६६६ (१३.३ प्रतिशत) रहेको छ । दश वर्षअघि २०५८ सालमा घरपरिवारमा अनुपस्थित (विदेश जानेहरू) सङ्ख्या ७,६२,१८१ थियो, जसमध्ये पुरूष ६,७९,४६९ (८९.१ प्रतिशत) र महिला ८२,७१२ (१०.९ प्रतिशत) थिए ।
  • जनसङ्ख्या र लैंगिक अनुपात – नेपालको कुल जनसङ्ख्या २,६६,२०,८०९ मध्ये पुरूषको सङ्ख्या १,२९,२७,४३१ र महिलाको सङ्ख्या १,३६,९३,३७८ पुगेको छ । कुल जनसङ्ख्यामा पुरूषको सङ्ख्या ४८.५६ प्रतिशत र महिलाको सङ्ख्या ५१.४४ प्रतिशत रहेको छ ।

census_family size