पोखराबाट जोमसोम आइपुगेको नेपाल एयरलाइन्सको ट्विनअटर जहाज आज बिहान बिहान सवा ८ बजे बिमानस्थलमा बाट नजिकै दुर्घटनाग्रस्त भएको छ । विमानस्थलमा ल्यान्ड गरेको बिमान नरोकिएर नजिकै रहेको काली गण्डकीको बगरमा खस्न पुगेको कारण बिमानमा रहेका १८ जना मध्ये ७ जना घाइते भएको प्रारम्भिक प्रतिबेदन प्राप्त भएको छ । अहिले सबैको सकुसल उद्दार भइ सकेको समाचार छ ।

१८ जनामा ८ जना जापानिज र १० जना नेपाली नागरिक भएको पनि जानकारीमा आएको छ ।

नागरिकले मुस्ताङका प्रहरी नायव उपरीक्षक बसन्त रन्जितकारलाई उद्घृत गर्दै जनाए अनुसार सो दुर्घटनामा पाइलट सहित अन्य सात जना गम्भीर घाईते भएका छन्। घाइते हुनेमा क्याप्टेन दीपेन्द्र प्रधान, को-पाइलट सुरेश के.सी, एयरहोसटेज शान्तमाया तामाङ, जापानी नागरिक खाओदेश साचियो, फिरता एचआवा, र नेपाली नागरिक गोविन्द पहाडी रहेका छन् ।

फोटो – आनन्द सुबेदी