दुईवर्षअघि एक म्यागजिनमा प्रकाशित गर्न खिचिएको एक फोटो गत मंगलबार फस्टलुक सार्वजनिक गरिएको एक फिल्मको पोस्टरमा देखिएपछि त्यस फोटोका फोटोग्राफर कमल श्रेष्ठले यसरी प्रतिक्रिया दिए :

चलचित्र "धुवाँ" ले फोटोग्राफर संग कुनै अनुमति नै नलीइ निशा अधिकारीको फोटो आफ्नो चलचित्रको कमर्सियल पोस्टर डिजाइन तयार गरि फस्ट लुक बाहिर ल्याएको छ , निशा अधिकारी को सो फोटो मैले चलचित्र "धुवाँ" को लागि नभई अर्कै पर्पोज को लागि शूट गरेको थियो ..

फिल्मका लेखक अनुप सापकोटाले सो पोस्टर आफुले बनाएको स्विकार गर्दै उनले यस्लाई आफ्नो "व्यक्तिगत प्रयोजनको लागि" भनेर बनाएका बताएका छन । तर, पोस्टरको डिजाइन र यसलाई बनाउँन लाग्ने मेहनत हेर्दा सापकोटाको कुरा पत्यारलाग्दो भने लाग्दैन ।

रामप्रसाद रिजालको निर्माणमा बनेको ‘धुवाँ’लाइ लक्ष्मण रिजालले निर्देशन गरेका छन् भने यस फिल्ममा आर्यन सिग्देल र निशा अधिकारीको मुख्य भूमिका रहेको छ। यस अघि, यस फिल्ममा आर्यानलाई ८ लाख १ हजार ५ रुपैयाँमा साईन गराएको कुरा पनि धेरैले पत्याएका थिएनन । यो पोस्टर बिबाद पनि नेपाली चलचित्र बजारमा प्रचार प्रसारको लागि गरिने प्रोपोगाण्डाको अर्को रुप हुन सक्ने सम्भाबनालाइ पनि नकार्न सकिदैन ।