प्रचण्डपुत्र मानसिक तनाबमा

माओवादी अध्यक्ष प्रचण्डका पुत्र हाल मानसिक तनाबमा भएको खबर आएको छ । सोही तनाबका कारण हिजो देखि उनले आफ्नो फेसबुक एकाउन्ट पनि डिसेबल गरेका छन् ।

उनका बाबु, प्रचण्ड, मानसिक तनाबमा भएमा धुलिखेल वा माउन्टेन फ्लाइट जान्थे, तर उनका छोराले तेस्तो सिकेका छन् कि छैनन थाहा भएन । तर, अर्को हप्ता उनी माउन्टेन नै चड्ने भनेर तम्सिएका भने पक्कै हुन । सो को लागि सरकारले दिएको २ करोड खर्च गर्छन कि गर्दैनन त्यो भने हेर्न बाँकी नै छ । तनाबको कारण रहेको सो रकमको उपादेयता माथि बिभिन्न मानिसहरुले प्रश्न उठाउदै गर्दा प्रकाश भने "काग कराउदै गर्छ पिना सुक्दै गर्छ" भनेर फेसबुकमा लेख्ने गर्दथे ।

बिरोध गर्नुको कारण

नेपाल जस्तो गरिब मुलुकमा बिकासको लागि, अत्याबश्यक सामग्रीको लागि गर्ने खर्च नहुनु सामान्य हो र २ करोड भनेको सानो रकम होइन । हिमाल चड्न त्यो रकम खर्च गर्नुको साटो बिकास निर्माणमा खर्च गर्ने हो भने त्यति रकमले त एउटा सिंगै गाउलाइ खाने पानी को ब्यबस्था गर्न सकिने, वा एउटा झोलुंगे पुल नै बनाउन पनि पुग्ने जानकार हरु बताउछन । माओबादी नेता सिपि गजुरेलले त्यति रकम भए त दुर्गम स्थानमा एउटा अस्पताल नै बन्न सक्ने प्रतिक्रिया दिएका थिए ।

यसै सन्धर्बमा, बिश्व साईकलयात्री पुस्कर साहलाई सगरमाथा चढन ट्याक्समा छुट दिन गरेको आग्रहलाइ नेपाल सरकारले दिन नमानेको प्रसंग सम्झदै प्रचन्डपुत्र प्रकाश दाहाललाई दीएको २ करोड दिनुको औचित्य माथि पनि प्रश्न चिन्ह लागाइएको हो।

Puskar_shah_tax_rebate

तेस्तै, "माओवादी अध्यक्षका पुत्रको उट्पट्याङ कार्यलाई २ करोड दिएको" भन्दै युवासंघले हिजो राजधानीमा एक घण्टा चक्काजाम गरेको थियो।

बिरोधको रुपमा युवा संघ दोलखा कमिटीले गरेको प्रदर्शनमा एक जुलुसले नाराबाजी गर्दै चरिकोटका विभिन्न भागहरुको परिक्रमा गरेको पनि समाचार आएको छ।

फेसबुकमा त प्रकाश हिम पहिरोमा परेको भनेर एउटा झुठो खबर पनि फैलाइएको छ (तल चित्र हेर्नुहोस, नझुक्किनु होला भनेर रातो अक्षरले "यो झुठो हो" भनेर हामीले थपेको) ।  छेउमा, "यो तस्बिरमा भएका सबै काल्पनिक हुन् l कसैसंग मेल खान गएमा संयोग मात्र हुनेछ l जनता को २ करोड यसै पचाउन मिल्दैन l यसलाई एउटा व्यङ्ग को रुप मा मात्र हेरिदिनुहोला !!" भनेर लेखिएको भए पनि मानिसहरुले साँचै भएको ठानेर कमेन्ट गरिरहेका छन् l झुठो भनेर थाहा पाउनेले पनि बिरोध स्वरूप यस झुठको प्रचार गरिरहेका छन् l

fake_news
यसरी बिरोध भइ रहदा, प्रकाश र माओबादी पार्टिका आरोहीहरुले सो रकम नलिने घोषणा गर्नु नै उपयुक्त निकास होला भन्ने हामीलाइ लागेको छ l

अपडेट – ‘खबर भित्रको खबर’ टीभी कार्यक्रम: 

उपडेट:

नागरिक दैनिकका अनुसार – एकीकृत नेकपा माओवादीका अध्यक्ष पुष्पकमल दाहालका पुत्र प्रकाशलाई सगरमाथा आरोहणका लागि सरकारले २ करोड रुपियाँ उपलब्ध गराउन लागेको विरोधमा राजधानीका सबैजसो क्याम्पस अगाडि विद्यार्थीहरुले चक्का जाम गराएका छन्।

प्रचण्डपुत्र प्रकाशको सगरमाथा आरोहण र मिडियासंगको गुनासो

नेकपा माओबादी प्रचण्ड पुत्र प्रकाश दाहाल सम्मिलित एक टिमले सगरमाथा चड्दैछ (फोटो सहित अंग्रेजी लेखको लिंक) भन्ने कुराको बारेमा हामीले बिगतमा लेखेका थियौं। यो अभियानको अलिअलि बिरोध त पहिले पनि भएको हो तर जब यसको खर्च २-३ करोड लाग्ने कुरा सार्बजनिक भयो त्यस पछि  बिरोधको स्वर अलिक बढेको छ । त्यहि कुरा लाइ इंगित गर्दै प्रकाशले आफ्नो फेसबुकमा यस्तो गुनासो गरेका छन्:

यो मिडियाले नि! गर्नु गर्यो !! राम्रो कामलाई राम्रो त भन्नु पर्छ. सगरमाथा चाद्नु शान्ति र संबिधानको लागि दबाबको रुपमा, लुम्बिनी र सगरमाथा नेपालमा हुदानी हामी किन पछी भनेर!!! हौशला दिनु त कता कता किन तेस्को बिरोध ! बास्तवमा नेपालमा केहि विकास हुन नदिनुमा यो मिडियाको मुख्य हात छ. गर्नुस बिरोध तर हाम्रो दबाबमुलक यात्रा रोकिने वाला छैन!! तपाईहरुको कामनै राम्रोलाइ नराम्रो भन्नु भए पछी!!!!

कुरा एक प्रकारले ठिकै हो । उहाँ हरुले कुनै काम नै बिताएर सगरमाथा चड्ने पनि होइन ।  केही कमेन्टहरु प्रकाश दहालको कुरामा सहमत छन्। समर्थन गर्ने कमेन्टहरु: "ठिक भन्नु भो", "ब्यबसायिकता नहुने हरु अलपत्रकारहरु ले त्यसो गरेको",  र उनको आरोहण  को सफलताका शुभकामना दिने खालका छन् । तर बिरोध गर्ने खालका कमेन्टमा भएका कुराहरु पनि नाजायज भने छैनन:

किरण बुढा मगर भन्छन, " सगरमाथा चढ्दा लाग्ने खर्चले बरु अन्य सामाजिक बिकासको लागि लगानी गर्दा अति सान्दर्भिक हुन्छ। मेची देखि महाकाली सम्म जनचेतना मुलक अभियान नराम्रो होइन समस्या सगरमाथा चढ्दा अनाबास्यक खर्च हुने त्यो ठुलो रकम हो चाहे त्यो दलित को नाममा होस चाहे त्यो कर्मचारीको नाममा होस्। दलित सागरमा चढ्दैमा समाजको आमुल उद्पिदन अन्त्य हुने पनि होइन र प्रकाश जीहरु सगरमाथा चढेर यावत समस्या को हल हुने पनि होइन यसमा बिचार गर्दा नै राम्रो र सरकारले पनि यी अनाबस्यक खर्च दिन बन्द गर्नु पर्छ। तसर्थ ३ करोड २ करोड सानो रकम होइन यसले ठुलै बिकासका कार्यहरु ग्रामिण भेगहरुमा सम्पन हुनसक्छ यता पट्टि सोच्दा बरु जनमत सिर्जना होला सगरमाथा चढेर जनमत सिर्जना होला वा संबिधान निर्माणमा दबाब सिर्जना होला भन्ने भ्रममा नपर्नु भए राम्रो हुने थियो।"

खेम थपलिया भने अझै खरो रुपमा उत्रिएका छन्, "प्रकाशजी, तपाईंको यो अभियान असान्दर्भिक र अवैज्ञानिक छ । यो तपाईंको ‘काम कुरा एकातिर कुम्लो बोकी ठिमीतिर’ भने जस्तै हो ।"

अर्का टेन्सन माइलो बन्दीपुरे लेख्छन, "तिन करोडले त रुकुम रोल्पामा सानो तिनो विकास पो हुन्छ त सरगरमाथा चढ्ने खर्च बरु त्यता खर्च गर्न सके त सबैले वाहा वाहा गर्थे होलानी । शान्तिकोलागि भनेर सगरमाथा चढ्दा सगरमाथाले शान्ति दिने होईन । त्यसैले त्यो रकम गरिव नेपालीहरुकोलागि विकास खर्चमा लगाए राम्रो । अब नेपालमा सगरमाथा चढेर विकास हुने भएत सबै जना सगरमाथानै चढ्थे होलान् नी ।"

लिविंग लुन्ग्खिम को भनाइ – "कम्रेड, देशको ढुकुटी रित्याएर नाम कमाउने प्रयास नगर्नु, त्यो २/३ करोड ले त पश्चिम नेपालका पिछडिएका गरिब बर्गका नेपाली हरुलाई शिप मूलक तालिम केन्द्र र कारखाना खोली दिने हो भने रास्ट्रको लगानीमा देश बासीलाई राहत पुग्थ्यो कि?"

तपाईहरुलाई कस्तो लाग्छ कमेन्ट गर्नु होला ।

prakash_dahal-sagarmatha

प्रचण्ड तनाव र माउन्टेन फ्लाइटको बिज्ञापन

माओवादी अध्यक्षले राजनीतिक तनाव कम गर्न भनेर हिजो हिमालहरुको बीच उडाइने ‘माउन्टेन फ्लाइट’ को सयर गर्नुभएको छ । आफ्नो परिवार र उनी निकट नेता र उनका परिवारको साथमा गरिएको यो खबर पत्रिकाहरुमा छापिएका थिए ।

prachand_mountain_flight

प्रचण्डका साथ हिमाल सयरमा निस्कने नेताहरुमा कृष्णबहादुर महरा, जनादर्शन शर्मा प्रभाकर, पर्यटन तथा नागरिक उड्डयनमन्त्री लोकेन्द्र विष्ट मगर र तीनैजना नेताका परिवार थिए । साथै प्रचण्डका भतिजा समीर दाहाल र पुत्र प्रकाश पनि सोमबार बिहान ६ बजेर १५ मिनेटदेखि ७ बजेसम्मको माउन्टेन फ्लाइटमा संगै थिए । पहिले पहिले राजनीतिक तनाव भएको बेलामा धुलिखेल रिसोर्ट जाने गरेका प्रचण्ड अब तनाब कम गर्ने नयाँ नयाँ उपय हरु पत्ता लगाउन थालेको भान हुन्छ ।

प्रचण्डलाइ तनाव हुनु र माउन्टेन फ्लाइटमा जानु कुनै बिरोध गर्नु पर्ने बिषय त होइन तर, मानिसहरुले उनको प्रचण्ड तनावलाई हिमाली हावाले शितलता प्रदान गर्नको लागि जम्बो टिम नै किन जानु परेको होला भन्ने जिज्ञासा गरिरहेका छन् ।

यो सयरले एक हिसाबले माउन्टेन फ्लाइट र यती यरलाइन्सको बिज्ञापन पनि गरिरहेको बुझ्न सकिन्छ । (फोटो क्रेडिट – प्रकाश दाहाल)

साताका पोस्टहरु ( माघ ६ सम्म)

पौष २९ (जनवरी 14, 2012)

पौष ३० (जनवरी 15, 2012)

  • Nepali Movie – Carrang Gang – नेपाली फिल्म क्यारेंग ग्यांग – स्टारकास्ट नभएको यस द्वन्दात्मक यस फिल्म को अपार सफलता पछि यसको दोश्रो भाग पनि बनेको थियो.  दोश्रो भागमा निखिल उप्रेती लगाएतका नाम चलेका कलाकारले अभिनय गरेका थिए.
  • Earthquake Safety Day – 16 January – भूकम्पीय जोखिम र यसको समाधानको बारेमा जन चेतना जगाउने उद्देश्यले यो दिनमा बिभिन्न कार्यक्रमहरु गरेर मनाइन्छ – सोही बारेमा छोटो बिबरण.

माघ १ (जनवरी 16, 2012)

माघ २ (जनवरी 17, 2012)

  • Maghe Shakranti different moods and modes of celebrations माघे सक्रान्ती पर्बको उपलक्षमा भएका कार्यक्रमको झलक – पार्टी, गोरु जुधाई र खाना हरुको फोटो.

माघ ३ (जनवरी 18, 2012)

माघ ४ (जनवरी 19, 2012)

  • Loot – A Nepali movie review – नेपाली फिल्म ‘लुट’ को समीक्षा. यस फिल्म बर्षकै उत्कृस्ट फिल्म हुने सम्भाबना प्रबल रहेको छ.
  • Youth organizations announce phase-wise protest programmes against fuel price hike – नेपालमा पेट्रोलियम पदार्थमा भएको हालैको मूल्यवृद्धिको बिरोधमा युवा संगठनहरुको आन्दोलन.

माघ ५ (जनवरी 20, 2012)

  • Prachanda’s new house / Everest Bank building / owned or leased ? – नेकपा मावोबादिका अध्यक्ष पुष्पकमल दाहाल भब्य नयाँ निवासमा. कान्तिपुर फोटो बिबाद र प्रचण्डपुत्र प्रकाशको स्पस्टीकरण.

माघ ६ (जनवरी 21, 2012)

  • Nepal Army Officer injured while defusing bomb – बम निस्क्रिय पार्ने क्रममा नेपाली सैनिक जवान घाइते भएको सम्बन्धी समाचार.