संसद् त झगडा गर्ने ठाउँ पो रहेछ … विद्यार्थिको निकर्ष

नेपालको संसदको कारबाहि र बजेट प्रक्रियाको सम्बन्धमा प्रत्यक्ष जानकारि लिन भनेर जेठ १७ गते सोमवार संसद भवन पुगेका एक स्कुलका विद्यार्थिहरुले संसद र नेताहरुबारेमा नकारात्मक धारणा लिएर फर्केका छन् ।

https://www.youtube.com/watch?v=EWMDvgXRDBk

अक्सिडेन्टल पब्लिक स्कुलका १३ वर्षदेखि १६ वर्षसम्मका १४८ विद्यार्थिहरु संसदमा भएको लगातारको स्थगन र होहल्लाको कारणले बिचैमा फर्कन बाध्य भएका थिए ।अर्थमन्त्री विष्णु पौडेलले प्रस्तुत गरेको बजेटमाथि छलफलका लागि प्रस्ताव पेस गर्ने र अन्य सांसदहरूले बजेटका पक्षविपक्षमा धारणा राख्ने नियमित कार्यक्रम नेपालि कांग्रेसको बिरोधका कारण स्थगित भएको थियो ।

 Continue reading

चलचित्र संघले आन्दोलन गर्ने रे तर, के को लागि?

nepal_chalchitra_sangh_buildingनेपाल चलचित्र संघले चलचित्र विकास वोर्डको सोमबार सार्बजनिक गरेको १० बुँदे कार्यक्रम तथा नीतिको विरोध जनाएको छ । संघले यही मंगलवार जारी गरेको एक विज्ञप्तीमा  बोर्डको निर्णयले व्यवसायिक स्वतन्त्रतामाथि हस्तक्षेप गरेको उल्लेख गरिएको छ र सो को बिरोधस्वरूप संघले आन्दोलन गर्ने घोषणा पनि गरेको छ । नेपाल चलचित्र संघले यही चैत ८ गते केन्द्रिय समितिको विशेष भेला बोलाएर आन्दोलनको स्वरुप तय गर्ने पनि बताएको छ ।

अनौठो कुरा, केको बिरोध गरेको भन्ने नै प्रष्ट नपारिएको सो विज्ञप्ति पढदा संघलाइ आन्दोलन गर्न निहु मात्र चाहिएको भान पर्दछ । आन्दोलन भनेको त सबै बाटो बन्द भए पछि अन्तिम अश्त्रको रुपमा प्रयोग गर्नु पर्ने हतियारलाइ यस्तो सस्तो रुपमा प्रयोग गरेर कसरि समस्याको समाधान होला?

बिज्ञप्ति हेर्नुहोस:

 

chalchitra_sangh

एक पत्रिका संग कुरा गर्दै चलचित्र संघका उपाध्यक्ष प्रदिप उदयले बिहान कलेजका विद्यार्थीले कलेज छोडेर सिनेमा हेर्न गए भन्ने कारणले बिहानको शो नै बन्द गर्ने निर्णय जायज नभएको बताएका छन् । त्यस हिसाबले संघको आन्दोलन गर्नुको कारण हामीले हल बन्द गर्दैमा विद्धार्थी सप्रदैनन भन्ने कुरा संग मिल्छ।  तर त्यसो भन्दैमा आन्दोलन नै गर्नु पर्छ र ?

हाम्रो सुझाब:

  • पहिला बोर्डका पदाधिकारी संग बसेर छलफल गर्ने उनी हरुलाई हल बन्द गर्न किन जायज छैन भनेर सम्झाउने ।
  • बोर्डका पदाधिकारीहरु आफ्नो निर्णय सच्याउन मानेनन भने बैकल्पिक उपाय जस्तै – बिध्यार्थीहरु र उनीहरुका अभिबाबकहरुमा  चेतना  बढ्ने खालको कार्यक्रम संचालन गर्ने प्रपोज गर्ने ।
  • तेसो गर्दा पनि मानेनन भने बिहानको शो बन्द गर्दा हुने घाटाको परिपूर्ति सुनिश्चित हुने गरेर भाडा बढाउने वा अन्य कुनै उपायको बारेमा छलफल गर्ने ।
  • बोर्डका पदाधिकारीहरु यस्ता कुनै कुरा पनि नसुनेर आफ्नो अडानमा अडिग रहे भने आन्दोलनको रुपमा चलचित्र हलहरुलाई बोर्डले गरेको ज्यादतीको बारेमा फिल्म देखाउनु भन्दा अघाडी र सबै हलहरुमा जानकारी दिने खालको बिज्ञापन प्रसारण गर्ने, हस्ताक्षर संकलन गर्ने आदि कार्य गर्न सकिन्छ ।

संघले बुझ्नु पर्ने कुरा – चलचित्र विकास वोर्ड २०५७ सालमा मात्रै स्थापित भए पनि यसको स्थापना नै हस्तक्षेप गर्नको लागि भनेर भएको हो । तेसैले अनाबस्यक कुरामा हस्तक्षेप हुन लाग्यो भने चलचित्र संघ जस्ता संगठनले झगडा गर्नु भन्दा यस बारेमा छलफल गर्ने र जानकारी दिने कार्य गर्दा बढी उपयोगी हुन्छ भन्ने हामीलाई लाग्छ ।

नेपाल चलचित्र बिकास बोर्डको विद्धार्थी सपार्ने सपना

एक जना साथीले सोद्दै थिए, "फिल्मका बिहानका शो बन्द गर्दैमा बिद्यार्थी सप्रन्छन ?"

नेपाल चलचित्र बिकास बोर्डलाई सोध्ने हो भने त पक्कै सप्रन्छन । उनीहरुको बिचारमा संसारभर भएका मनोरंजनका सामाग्री मध्ये बिद्यार्थी बिगार्ने नेपाली सिनेमा हल मात्र हुन ।

तेसो भन्दैमा बिद्यार्थीले फिल्म हेर्न नपाउने भन्ने कहाँ छ र ? साइबर त खुलै हुन्छन, इन्टरनेटमा जे जे हेरे पनि भइ हाल्यो नि  । तै पनि, केही बर्ष अघाडी कुन चाहिँ युवा फिल्म नेपाली फिल्म हलमा गई गई फिल्म हेर्थे र अब जानु पर्ने ?  विद्धार्थीहरुलाई त खासमा भन्ने हो भने सबै फिल्म हलहरु बन्दै गरिदिए पनि केही फरक पर्दैन । फरक पर्ने त हल मालिक र नेपाली सिनेमालाई मात्रै हो ।

film_dev_board_Page_2बिकास बोर्डका पदाधिकारीहरुले हलका शो घटाएर कस्तो खालको चलचित्र बिकास गर्ने योजना बनाएका होलान बुझ्न गाह्रो छ । नेपाल चलचित्र बिकास बोर्डको कार्य चलचित्रको बिकास गर्ने हो कि विद्धार्थी सपार्ने? यसरी बिभिन्न निकायहरुले आफू खुशी विद्धार्थीको हक हितको लागि बलिदान दिन थाले पछि शिक्षा मन्त्रालयको काम हलुका भयो होला ।

चलचित्र बिकास बोर्डको विद्धार्थी सपार्ने बहाना कति फितलो छ भन्ने कुरा तलका बुंदाहरुले प्रष्ट हुन्छ :

  • चलचित्र बिकास बोर्डको काम चलचित्र बिकास गर्ने हो विद्धार्थीको हितको बारेमा सोच्ने अन्य निकाय छन्  । बोर्डलाई अरुको क्षेत्राधिकार भित्र हात हाल्ने कुनै अधिकार छैन ।
  • बिहानको शो विद्धार्थीले मात्रै हेर्छन भन्ने कुनै तथ्यांक छैन  । यो शो अन्यले विद्धार्थीले भन्दा बढी अन्य बर्गले हेर्ने गरेको प्रष्टै देख्न सकिन्छ ।
  • साच्चिकै विद्धार्थी सपार्नेको हो भने बिहानको शो बाट उठेको विद्धार्थीहरुको चेतना वृद्धि गर्ने कार्यक्रम पो संचालन गर्नु पर्थ्यो ।
  • कतिपय कलेज विहान सञ्चालन हुन्छन् भने अरु दिउसो – त्यस हिसाबले बिहान होस् या दिउसो, कुनै पनि शोले विद्धार्थीहरुलाइ असर गर्न सक्छ ।
  • फिल्महरु विद्धार्थीको लागि हानिकारक हुन्छन भन्ने कुरा के आधारमा भन्न सकिन्छ? के कुनै विद्धार्थी फिल्म हेरेकै कारण बिग्रेको कुनै तथ्यांक छ ?
  • फिल्म हेरेर विद्धार्थी बिग्रंछन् भन्नु फिल्म निर्माता, निर्देशक आदिको क्षमताको अपमान हो ।

हामी चलचित्र बिकास बोर्डले विद्धार्थीको भविष्यको चिन्ता गर्ने समय चलचित्रको भविष्यको बारेमा सोचेर बिताओस भन्ने कामना गर्दछौं  । 

चलचित्र बिकास बोर्डको नीति तथा कार्यक्रमको पूर्ण पाठ यहाँ पोस्ट गरिएको छ