जनजिब्रोमा ठूलो एकादशी भनेर मनाइने हरिवोधनी एकादशीमा हिन्दू धर्मावलम्बीहरुले विष्णुको पूजा आराधना गरेर मनाउछन । कात्तिक शुक्लपक्षको दिनलाई हरिवोधिनी एकादशी मानेर ब्रत बसेमा पापको नाश हुने, पुण्य प्राप्त हुने र मोक्ष प्राप्त हुने बिश्वास गरिन्छ ।

आषाढ शुक्ल एकादशीको दिनमा रोपिएको तुलसीलाई आजको दिन पूजा गरेर विवाह गर्ने चलन पनि रहेको छ ।

हरिवोधिनी एकादशीका दिन व्रत बसेर फलाहार जस्तै तरुल, पिँडालु, सखरखण्ड, सातु, पाकेको फर्सी आदि खाने चलन पनि छ ।

ठूलो एकादशीका दिन देशका बिभिन्न स्थानहरुमा मेला लाग्ने चलन पनि रहेको छ ।