नेपालमा नयाँ बर्ष २०७१ शुरु भएको छ । नयाँ बर्षको उपलक्षमा हाम्रा सम्पूर्ण पाठकहरुलाई सुस्वास्थ र दीर्घायु अनि उत्तरोत्तर प्रगतिको कामना गर्दछौं ।

भिडियोमा पनि हेर्नुहोस:

तोयानाथको पञ्चाङ्ग अनुसार बिभिन्न राशिहरुको राशिफल निम्न छन्:

मेष- वर्षको पूर्वाद्धमा राम्रो छ । कार्तिक २५ देखि शनिको अढैया दशा सुरु हुन्छ । जग्गा-जमीन, व्यापार-व्यवसायमा खासै प्रगति हुने देखिँदैन । समग्रमा मेष राशीलाई यो वर्ष मध्यम फल प्राप्त हुनेछ ।

वृष- गृहस्थितिमा सुख प्राप्ति हुनेछ । नोकरीमा सन्तोषजनक स्थिति छ । राजनीतिमा खिचातानीले निराश हुनुपर्नेछ । सन्तानपक्षबाट अपेक्षित सुख हुनेछैन । वैदेशिक रोजगारीमा खिन्न हुनुपर्नेछ ।

मिथुन- यो राशीलाई पनि यो वर्ष मध्यम स्थिति रहनेछ । आमाबाबुको सदभावमा गिरावट आउने छ । परीक्षामा पनि सफलता पाउने सम्भावना कम छ । खर्च बढ्नेछ । नोकरीमा ख्याती कमाउने सम्भावना छ ।

कर्कट- यो राशीका लागि ०७१ सालको पूर्वार्द्धभन्दा उत्तरार्ध राम्रो छ । पठन-पाठनमा राम्रो छ । पापकर्मतिर मन जान सक्छ । शारीरिक कमजोरीले आँटेको काम पुरुा नहुने र मनमा अशान्ति बढ्ने देखिन्छ ।

सिंह- यो राशीलाई उत्तरार्धभन्दा वर्षको पहिलो ६ महिना बढी फलदायी देखिन्छ । कात्तिक २५ देखि शनि अढैया दशा लाग्ने छ । दाजुभाइ, आमाबुबा र साथीभाइको सहयोग पाइने छ । मौसमी रोगव्याधले सताउनेछ । नोकरीमा सामान्य सफलता पाइने छ ।

कन्या- यो राशीलाई पहिलो ६ महिनाभन्दा पछि राम्रो छ । बोल्दा होस पुर्‍याउनुपर्ला । राजनीतिमा सम्मानित हुने अवसर आउला । पति-पत्नीवीचको सम्बन्धले उग्ररुप लिन सक्ने छ । व्यापार व्यवसायमा खासै प्रगति छैन ।

तुला- यो राशीलाई कात्तिकसम्म मध्य साढेसाती दशा लाग्ने छ भने त्यसपछि अन्त्य साढेसाती दशा लाग्ने छ । त्यसैले यो वार्ष् खासै उत्साहवर्द्धक वर्ष छैन । यद्यपि राजनीतिले उल्लेख्य स्थानमा पुर्‍याउला । व्यापार व्यवसायमा सुधार आउन सक्छ ।

वृश्चिक- यो राशीलाई पनि ०७१ सालको छ महिना कटेपछि आद्य साढेसाती र त्यसपछि मध्य साढेसाती शनि दशा छ । त्यसैले यो वर्ष खासै फलदायी छैन । यद्यपि आमाबुबा वा नातेदारको आशिर्वादमा रमाउन पाइन्छ । पढाइ लेखाइमा अरुची एवं दाम्पत्य जीवनमा कटुता आउने देखिन्छ । गर्दै आइरहेको बाममा खासै चित्त नबुझ्न सक्छ ।

धनु- यो राशीलाई कात्तिकदेखि साढेसाती दशा लाग्ने छ । आँटेको काममा अड्चनहरु आउने छन् । इष्टमित्रहरु टाढिन खोज्नेछन् । सन्तान पक्षबाट सुख प्राप्त हुने देखिन्छ । पति-पत्नीवीचको सम्बन्ध सुमधुर रहनेछ ।

मकर- यो राशीका लागि ०७१ साल घाम-छाँयाँजस्तै सुभ-अशुभ दुबै रहने देखिन्छ । नोकरी र राजनीति फलदायी देखिन्छ । दाजुभाइ दिदी बहिनीको सम्बन्धले आघात पुर्‍याउने देखिन्छ । शत्रुहरु सल्बलाउनेछन् । भाग्य खस्किँदै गएको अनुभूति हुनेछ ।

कुम्भ- यो राशीका लागि पनि ०७१ साल शुभ-अशुभ दुबै खालको छ । बोली प्रधावकारी बन्ने छैन । राजनीतिमा खासै उपलब्धी छैन । पढाइ लेखाइ र व्यापार व्यवसाय राम्रै छ । शत्रुहरु निराश हुनेछन् ।

मीन-यो राशीफल भएका मानिसलाई कात्तिकसम्म शनिको अढैया दशा भए पनि त्यसपछिका महिनामा भने राम्रो हुने देखिन्छ । बौद्धिक स्थिति पनि अब्बल दर्जाको रहनेछ । बोलीको प्रभावले काम बन्ने छन् । भाग्य अलि कमजोर रहेकाले मनमा चिताएका काम पूरा नहुन सक्छन् । दाम्पत्य जीवन त्यति राम्रो देखिँदैन ।

Incoming search terms:

• नेपालो रासिफल