लामो सयमा नेपाली फिल्म क्षेत्र बाट टाढिएका निखिल उप्रेती फेरि एक्सन रोलमा नै फर्किएका छन्।

बिहानैदेखि राजधानीमा झरी परिरहे पनि यही सोमबार गर्ने भनेको फिल्म ‘लुटेरा’को शुभमुहुर्त गरेरै छोडिएको छ । गौशलास्थित पशुपतिनाथ मन्दिरमा सोमबार बिहान यो फिल्मको मुहुर्त गरिएको हो । फिल्म वितरकका रुपमा चिनिएका गोपाल कायस्थले यो फिल्म बाट निर्माणमा हात हाल्न लागेका हुन ।

भिडियो रिपोर्ट:

पानीको बीचमा सिनेकर्मीहरु छाता ओडेर सो मुहुर्त समारोहमा सहभागी भएका थिए । सो समारोहमा क्ल्याप ठोक्ने काम एमाले सभासद रामवीर मानन्धरले गरे भने फिल्मका कलाकारहरु निखिल उप्रेती, निशा अधिकारी, सविन श्रेष्ठ, हर्षिका श्रेष्ठ र अमित श्रेष्ठले संयुक्त रुपमा मुहुर्त सट दिएका थिए ।

मुहुर्त संगै ‘लुटेरा’को नियमित छयांकन पनि सोमबारबाटै सुरु गरियो । निखिल उप्रेती, निशा अधिकारी, प्रियंका कार्की, सबिन श्रेष्ठ, हर्षिका श्रेष्ठ र अमित श्रेष्ठको मुख्य भूमिका रहने यो फिल्मलाई दयाराम दहालले निर्देशन गर्दैछन ।

मौनता श्रेष्ठको लेखन मा बन्ने ‘लुटेरा’लाई शिव ढकालले खिच्नेछन भने बसन्त सापकोटाले सँगीत सिर्जना गरेका छन् । काठमण्डौ र बिरगञ्जका बिभिन्न लोकेसनमा फिल्मको शुटिंग हुने छ ।