युट्युबमा अपलोड भएको “कालि” शिर्षकको कविताको कारणले चर्चित भएकि कवियत्रि उज्वला महर्जनको अर्को “रोटि” शिर्षक को कविता प्रश्तुत छ| यो कवितामा हाम्रो समाजमा भएका राम्रो कुराको प्रशंशा नगर्ने तर नराम्रो कुराको गुनासो गरि रहने मानिसहरुलाइ लक्षित गरेर व्यंग्य गरिएको छ |

यो कविता उज्वलाको आफ्नै आवाजमा रेकर्ड गरिएको छ र यसलाइ निम्न भिडियो मा सुन्न सकिन्छ :

https://www.youtube.com/watch?v=PKQLxv0g3us

रोटि

मेरो रोटि फुलेन
मेरो रोटि फुलेन
फुल्यो त रोटि गोलो बनेन
बन्यो त रोटि नरम भएन
भयो त रोटि साइड साइडमा अलि पाकेन
हर दिन मेरो रोटि तपाइलाइ रोटि लागेन
धेरै दिनको प्रयास पछि
जव रोटि फुर्र तकिया झैं फुल्यो
पुर्णिमाको जुन बन्यो
दुइ औंलाले टुक्रिने कमलो मन बन्यो
र
मिडियम रेयर लाइ बिर्सेर वेल डन बन्यो
तब भने तपाइले केहि बोल्नुभएन
कि अब मेरो रोटि अब रोटि भएन
कि अब तरकारि तिर लाग्ने हो ?

उज्वलाको “कालि” यहाँ सुन्नुहोस :