नेपाली सिनेमा ‘हाइवे’ले बर्लिन फिल्म फेस्टिभलमा वर्ल्ड प्रिमियर गर्ने भएको छ । जर्मनीको बर्लिनमा फेब्रुअरी ९ देखि १९ सम्म आयोजना हुने सो फेस्टिभलमा ११ देशका फिचर फिल्म मध्य ‘हाइवे’ पनि छनौट भएको हो । सन् १९७८ मा शुरु भएर प्रत्येक बर्ष आयोजना हुने बर्लिन फिल्म फेस्टिभलमा नेपाली फिल्म छनौट भएको यो पहिलो पटक हो ।
नेपालमा हुने राजमार्गमा बन्द र हड्ताल र तेस्ता घटनाले नेपाली जनजीवनमा पर्ने प्रभाब बिषयमा केन्द्रित भएर बनाइएको यो फिल्ममा सौगात मल्ल, कर्मा, विनय श्रेष्ठ, इलम दीक्षित, ऋचा शर्मा, दयाहाङ राई, राजन खतिवडा आदिको मुख्य भूमिका रहेको छ । निर्देशक दीपक रौनियार निर्देशित र समिरमणी दिक्षीतले निर्माण गरेको यो फिल्ममा अमेरिकी कम्पनी लुर्भुचरले सह–लगानी गरेको छ ।
यस फिल्म निर्माणको लागि गरिएको अनलाइन फण्ड संकलनबाट अमेरिकी डलर ३३ हजार ६ सय ४७ (करीब २७ लाख रुपैंया) पनि संकलन गरिएको थियो ।
मनोनीत ११ फिल्महरु :
- बुगिस स्ट्रिट रिडक्स – योनफान, हङकङ
- चेरी – स्टेफन इलियट, अमेरिका (वर्ल्ड प्रिमियर)
- चोको – जोन्नी हेन्ड्रिक्स हिनेस्ट्रोजा, कोलम्बिया (वर्ल्ड प्रिमियर)
- ग्लाउबे, लाइबे, टड – पिटर केर्न, अस्ट्रिया (वर्ल्ड प्रिमियर)
- हाइवे – दीपक रौनियार, नेपाल/अमेरिका (वर्ल्ड प्रिमियर)
- आइरन स्काइ – टिमो भुओरेन्सोला, फिनल्यान्ड/नेदरल्यान्डस्/अस्ट्रिया/जर्मनी (वर्ल्ड प्रिमियर)
- लभ बाइ डोज – निउ चेन-जेर, चीन/ताइवान
- म्यान अन ग्राउन्ड – अकिन ओमोटोसो, दक्षिण अफ्रिका
- माइ ब्रदर डेभिल – स्याली एल होसेनी, बेलायत (वर्ल्ड प्रिमियर)
- रेन्टानेको – नाओको ओगिगामी, जापान (वर्ल्ड प्रिमियर)
- द कन्भोइ – एलेक्सी मिज्गिरेभ, रुस (वर्ल्ड प्रिमियर)
One thought on “‘हाइवे’ बर्लिन फिल्म फेस्टिभलमा”