एकअर्काप्रति प्रतिस्पर्धा र ईर्ष्याको कारण बेला बेलामा चर्चामा आइरहने नेपाली फिल्मका कलाकार हरु एक आपसमा माया र प्रेमको बारेमा बिरलै सुन्न पाइन्छ । यस्तै बिरल घटना मध्यको एक घटना हो संचिता र ऋचालाइ दही च्युरा ख्वाउन गरिएको एक कार्यक्रम । केही समय अघाडी संचिता र अरुणिमालाइ तेसरीनै तीनजना अभिनेत्रीले दही च्युरा ख्वाएको घटनालाई सबैले स्वागत गरेका थिए । अघिल्लो पटक दही च्युरा ख्वाउने मध्येका रेखा थापा र रेजिना उप्रेती उपस्थित नभए पनि अन्य धेरै कलाकारको उपस्थिति रहेको यो कार्यक्रम पहिले अरुणिमाको घरमा भएको भन्दा ठूलो थियो । यस्ता प्रकारका कार्यक्रमले एक अर्कामा रहेको द्वेष कम गर्नुका साथै मिलेर काम गर्ने प्रेरणा पनि मिल्ने कलाकारहरु बताउछन  ।

पहिलो पटक आमा बन्न्लागेकी ऋचा घिमिरे छोरा पाउनेमा पूर्ण आशाबादी थिइन भने पहिलो सन्तान एक बर्ष पनि नहुदै सात महिनाका गर्भवती सञ्चिता दुवैचोटी दही च्युरा खाना पाएर मख्ख थिइन । सधै ५०-५५ केजी को हाराहारीमा रहने ऋचा अहिले ७७ किलोकी भएकी छिन । डाक्टरले असार २४को डेट दिएकोले सोही दिनको व्यग्रताका साथ प्रतिक्षा गरिरहेकी ऋचालाइ अभिनयमा फर्किने कुनै हतार नभएको बताएकी छिन ।  अर्की गर्भवती नायिका संचितालाइ डाक्टरले साउन २५ को डेट दिएको छ ।

संचिताले आफ्नो काखे छोरो लिएर नआएपनि नायिकाहरु अरुणिमा र मेलिनाले आफ्ना काखे छोरीहरु लिएर आएका थिए ।

यो बारेमा बिस्तृत बिबरण हामीले अंग्रेजीमा पनि पोस्ट गरेका छौँ ।