‘मिस यू’ले नै नम्रतालाइ मिस गर्दा

miss_u_logoयो शुक्रबार, २०६८ फाल्गुन ५, नेपाली रजतपटमा  तीन नेपाली सिनेमाहरु रिलिज भए । ती भिन्न भिन्न कथाबस्तुका सिनेमा मध्ये, दिलीप रायमाझीको "मिस यू" ले अलिक बढी नै प्रचार प्रसार पायो । नयाँ पुस्ताका फिल्म मेकरहरुले बनाएको र युबा पुस्तालाई नै भनेर बनाइएको यस फिल्ममा नम्रता श्रेष्ठ  दिलीप रायमाझी र बरुण राणाको  मुख्य भूमिका रहेको छ । निर्देशक शुरेश दर्पणले राम्रो फिल्म बनाए पनि बरुण राणा रोल फितलो भएको र फिल्ममा कौतुहलताको कमी भएको हुनाले फिल्म त्यति राम्रो नबनेको (लिंक, अंग्रेजी लेख) हाम्रा फिल्म समीक्षक रौनक निरौला बताउछन ।

नम्रता श्रेष्ठको कमब्याक फिल्मको रुपमा हेरिएको "मिस यू" का प्रमोशन कार्यक्रममा नै नम्रता नगईदिनाले ती कार्यक्रममा नम्रताको अभाब खड्किएको थियो । नम्रता "मिस यू"का कुनै पनि कार्यक्रममा नदेखिनुको कारण बारेमा दिलीप रायमाझीले झारा टार्ने हिसाबले यस्तो उत्तर दिए:

उहाँको व्यवस्ताका कारण पनि हुन सक्छ तर कतिपय इभेन्टमा हामीले नै बोलाएका छैनौं । चलचित्र सुटिङका क्रममा केही गलत बुझाइहरू हुन सक्छन तर त्यो कुरालाई लिएर बसिरहनु पनि हुँदैन । यो उहाँको कुरा हो ।

उनीहरु भित्रको भित्री कुरा त उनीहरुनै जानुन, तर कसैसंग रिस उठ्यो भनेर फिल्मका दर्शकहरुलाई कुनै पनि पक्षले हेलाँ गर्नव नहुने हो।

Miss_U_posters_6

हल्ला चले अनुसार नम्रता र दिलीप रायमाझी बीचमा खिचिएको बेडसिनको विषयमा नम्रतालाइ चित्त बुझेको थिएन । बिबादको कारण अर्कै एकजना केटीसँगको बेडसिनको दृश्यलाई नम्रताको दृश्यमा जोडिएको थियो, तर नम्रताले बिरोध गरे पछि फेरी उनकै बेडसिन राखिएको बताइएको छ ।

हल्ला साँचो हो भने, यसरी केटाकेटी खेलेको जस्तो एउटा सिनको लागि झगडा गरेर फिल्मको प्रमोसन नै नगर्नु कतिको जायज होला?

नम्रताको अबको नयाँ फिल्म ‘छड्के’

राम्रो अभिनय गर्न सक्ने भनेर ख्याती कमाएकी नेपाली नायिका नम्रता श्रेष्ठ केही समय सुस्ताए पनि अबका दिनहरुमा फेरी सक्रिय हुन् थालेको आभास हुन्छ । अहिले सम्म जम्मा दुइवटा मात्र चलचित्र रिलिज भएकोमा दुवै ‘सानो संसार’ र ‘मेरो एउटा साथी छ’ लाइ दर्शकले मन पराएका थिए ।  ‘मेरो एउटा साथी छ’ को रिलिजको को लगत्तै सार्बजनिक भएको उनको यौन भिडियो काण्ड पछि नम्रता केही समय त सार्बजनिक हुन नै चाहिनन । सो घटनाको करिब एक बर्ष पछि लागु पदार्थ दुर्व्यसनी एकता महतको बारेमा भन्ने फिल्ममा खेल्ने कुरा चले पनि सो फिल्मको हल्ला हल्लामा मात्रै सिमित रह्यो र त्यसको एक बर्ष पछि उनले अर्को चलचित्र, "मिस यु" साइन गरिन ।

namrata Shrestha

एक पटकमा एउटा भन्दा बढी फिल्म नखेल्ने र स्क्रिप्ट मन नपारी फिल्म साइन नै नगर्ने नम्रताले दुइ बर्ष  अघाडी नै खेल्ने भनेको फिल्म "मिस यु" यहि भ्यालेन्टाइनको समय पारेर रिलिज हुदै छ । यस बीचमा उनले एउटा अंग्रेजी नाटक ‘ओलियना’ पनि खेलेकी थिईन जसमा उनको काम प्रशंसनीय नै रहेको बताएइएको थियो।

चलचित्र ‘मिस यु’ को रिलिजको संघारमा जति धेरै मिडियामा समाचार बन्यो त्यति नै फिल्मको सित्तैमा प्रचार हुने र साथै नयाँ काम पनि शुरु गर्ने समय भएको हुनाले पनि नम्रताको बारेमा आजकाल बढी सुनिन थालेको हुन् सक्छ। यसै बीच नम्रताले अभिनय गर्ने चौथो सिनेमा ‘छड्के’ हुने खबर आएको छ। यही चैतबाट सुटिङ हुने लगभग पक्का भएको यस फिल्मलाई निगम श्रेष्ठले निर्देशन गर्ने छन् ।

एक्सन कथाबस्तुमा बन्न लागेको ‘छड्के’ को तयारीको लागि नम्रताले मार्सल आर्टको तालिम पनि लिने भएकी छिन । ‘छड्के’ मा नम्रताका साथ साथै अहिले चर्चामा रहेको चलचित्र ‘लुट’का कलाकार सौगात मल्ल र दयाह्याङ राई पनि खेल्ने भएका छन् ।