नक्कलि प्रचण्डलाइ सक्कलि प्रचण्डले राहत दिने

लोकप्रिय हाँस्य टेलिश्रृखंला ‘मेरि बास्सै’मा नक्कलि प्रचण्डको भुमिका गर्ने कलाकार  घनश्याम गौतम भुकम्पपिडित भए पछि उनलाइ सक्कलि प्रचण्ड, पुष्पकमल दाहालले भेटेर सहयोगको आश्वासन दिएका छन्। भुकम्पले घर संगै छोरि पनि गुमाएका गौतमलाइ नेकपा एमाओवादिका अध्यक्ष पुष्पकमल दाहाल प्रचण्डले सान्तवना दिनुको साथै राहतको आश्वासन दिएका हुन।

real prachanda meets fake prachanda2

प्रचण्ड यहि सोमबारको बेलुका संगितकार चेतन सापकोटासँग गौतमको निवास कटुन्जे पुगेका थिए।

भुकम्पले गौतमको हात भाँचिएको छ भने उनकि पत्नि पनि घाइते भएकि छिन्। सेतोपाटि अनलाइन पत्रिकाका अनुसार प्रचण्डले कटुन्जेका अरु स्थानियहरुलाइ राहत सामाग्रि पनि बाँडेका थिए।

 Continue reading

अलबिदा प्रचण्ड पुत्री ज्ञानु केसी दाहाल

स्तन क्यान्सरसंग लड्न नसकेर एनेकपा माओवादीका अध्यक्ष पुष्पकमल दाहालकी जेठी छोरी ज्ञानु केसीको यही बिहीबार बिहान निधन भयो । देशनै हल्लाउन सक्ने पार्टीका शिर्ष नेताले लामो समयसम्म  मुम्बई, दिल्ली र अमेरिकामा उपचार गराउँदा पनि आफ्नी ४० वर्षीय छोरीको ज्यान बचाउन सक्नु भएन ।

gyanu kc - last rituals 1

२१ वर्ष पहिले अर्जुन केसीसँग बिवाह गरेर दुई छोरीकी आमा बनेकीज्ञानु केसीको जेठी छोरीको बिवाह भइ सकेको छ ।

 Continue reading

प्रचण्डमाथि चियापान कार्यक्रममा हातपात

एकीकृत नेकपा माओवादीले आयोजना गरेको चियापान कार्यक्रममा आफ्नै कार्यकर्ताले माओवादी अध्यक्ष पुष्पकमल दाहाल (प्रचण्ड) माथि हातपात गरेको खबर आएको छ। भृकुटीमण्डपमा भइरहेको चियापान कार्यक्रमामा प्रचण्डलाई नजिकै गएर शुभकामना दिने क्रममा ती कार्यकर्ताले थप्पड हानेका थिए।

माओवादी कार्यकर्ताको थप्पडले प्रचण्डको चश्मा भूईँमा खसेर  फुटेको बताइएको छ । थप्पड काण्ड पछि भृकुटी मण्डपको सुरक्षा स्थिति अझै मजबुत पारिएको खबर छ ।

कान्तिपुरअनलाइनका अनुसार थप्पड हान्ने कार्यकर्तालाई प्रहरीले नियन्त्रणमा लिएको छ । साथै आक्रोसित अन्य कार्यकर्ताहरुले थप्पड हान्ने व्यक्तिमाथि हातपात गरेका पनि बताइएको छ ।

maoist_tea_party_invitation_card

एकीकृत नेकपा (माओवादी) ले नेपाल राष्ट्रिय संवत् ११३३ को अवसर पारेर मंसिर १ गते काठमाडौंको भृकुटीमण्डपमा शुभकामना आदानप्रदमान तथा चियापान कार्यक्रम आयोजना गरेको थियो । यस कार्यक्रममा संचारकर्मी एवम् अन्य महानुभावहरुलाई निमन्त्रणा गरिएको थियो ।

सोसल मिडियाका प्रतिक्रिया

आजकल पत्रकारले चलाउने मिडिया भन्दा सोसल मिडिया अझ बढी शसक्त र छिटो छरितो भएको हुनाले इन्टरनेटको यो जमानामा सोसल मिडियामा आउने प्रतिक्रियाले पनि ठूलो भूमिका खेल्छ । यो थप्पड काण्डमा आएका केही प्रतिक्रियाहरु तल दिइएको छ :

  • यस अघि नेकपा एमालेका कार्यकर्ताको थप्पड खाएपछि झलनाथ खनाल प्रधानमन्त्री बनेका थिए, अहिले उस्तै परिस्थितीमा प्रचण्डले खाएको थप्पडले उनको प्रम हुने पालो आएको हो कि भनेर ठट्टा गर्न थालिएको छ ।
  • प्रचण्डले चड्कन खाएकोमा रेखा थापाको प्रतिक्रिया कसैले लिएनन के भन्थिन कुन्नी … ? (समन लुइँटेल)
  • ऊ बेला रूख हल्लाएर आकाशको तारा झार्ने सपना देखायौ कामरेड…अब कार्यकर्ताले दिउसै तारा देखाईदिने भए..:) #झापड #प्रचण्ड (रबिन्द्र अधिकारी)
  • यो सबै योजनामा छ ! कसको अहिले नभनौ.! मलाई दुनियाले गाली गरुन पिटन मारुन मतलब छैन तर आज सारै दुखि र निरिह छु ! केहि गर्न सक्ने अवस्थामा नि छैन ! यो योजनाको भण्डाफोर हुनेनै छ चाडै ! याद राखौ ! ए माओबादीलाइ सल्बलाएका छौ ! तिम्रो निद हराम हुने छ !…. यो कुनै राम्रो संस्कार होइन ! हामी कोहीपनि दल वा नेपाली यसमा दीपावली गर्न जरुरी छैन! हामी नागरिक यो संस्कार बनाएर सबै नेपालको बदनाम गरेका छौ ! धिक्कार र पुरी घ्रिनागत छ ! कुन दलसंग सम्बंधित कुकुरको त्यसको मुखिया कुकुरलाई घोक्रे ठ्याक नलागायेसम्म यो क्रम रोकीन्न ! जय होस !!! (प्रकाश दाहाल, प्रचण्डपुत्र)
  • नेकपा एमालेका नेता झलनाथ खनालले चड्कन खांदा त्यतिबेला एकीकृत माओवादी अध्यक्ष प्रचण्डले संसदमा, त्यो नेताहरुले प्रतिबद्धता पुरा गर्न नसकेको स्थितिप्रति जनताको आक्रोशको अभिव्यक्ति हो र सहमति हुन नसके जनताले अझ जुत्ता पनि हान्न सक्छन् भनेका थिए। अहिले प्रचण्ड स्वयंले चड्कन खांदा चाहिं त्यो कसरी “प्रतिगामी, अराजक, देशी-विदेशी शक्तिहरुको सुनुयोजित षडयन्त्र भयो?” (बीबीसी नेपाली सेवामा एकीकृत माओवादीका प्रवक्ता अग्नी सापकोटासंग लिएको अन्तर्वार्ता, रबिन्द्र मिश्र मार्फत)
  • प्रचण्ड झापड काण्डमा को/कोले के के लेखे भनेर जान्न दुई घन्टा जति फेसबुक र टि्वटरमा अल्झिएपछि एउटा खतरा कुरा पत्ता लगाएँ मैले, ‘यी फेसबुके र टि्वटेले सक्नेभए आउने चुनावमा राष्ट्रपतिमा पदम कुँवर (प्रचण्डलाई पड्काउने), प्रधानमन्त्रीमा देवीप्रसाद रेग्मी (झलनाथलाई झापड हान्ने ), गृहमन्त्रीमा प्रवेश बस्नेत (सुशीललाई ताक्ने) र बिना विभागीय मन्त्री भए पनि प्रेमराज देवकोटा (झक्कुलाई झपडाउने) लाई जिताउने थिए। धन्न यी फेसबुके र टि्वटेहरुले यहाँ मात्र हल्ला गर्छन्, भोट हाल्नमा ध्यान दिन्नन् र पो नत्र त ठूला नेताको बिजोकै हुने रैछ। (दीपक भट्टराइ, पत्रकार)
  • माओवादीले आयोजना गरेको चियापानस्थलम भृकुटीमण्डपमा एकजना सन्काहा केटाले माओवादी शिर्ष नेताहरुतिर के हात उचालेको थियो, केही मिडियाका लागि त्यो प्रचण्डमाथि थप्पड हानेको रुपमा भारतीय बजारको चटपटेजस्तै विकाउ माल बन्न पुग्यो । विचरा त्यो सन्काहा केटालाई कसले कसरी पठाएको थियो, त्यो त खुल्दै जाला । थप्पड हानेको दावी गर्ने र असान्दर्भिक दृश्य प्रसारण गरेर इन्डियन चटपटे च्यानलकै सिको गर्नेहरु कसैले थप्पड हानेको दृश्य देखाउन सक्ला ? जब कि सबै टेलिभिजनका क्यामेरा चियापान सुरुभएदेखि समापनसम्म प्रचण्डतिर नै सोझिएका थिए । (सुबास शंकर कंडेल)
  • प्रचण्डले चड्कन खाए पछिका प्रतिक्रिया
  • – म त्यो ठाउंमा भएको भए म गोली हान्थे (कालिका एफएममा बोल्दै चितवनका सर्वसाधारण)
    – असभ्य नेता माथि भएको सभ्य कार्यवाही
    – जनताको धर्यको बांध फुट्यो
    – बल्ल खायो मंगले आफ्नै ढंगले
    – राजनितीक बिकृतिको चरम परिणाम
    – ठोक्नै पर्ने थियो ठिक गरयो
    – नेपाली जनताको सन्देश प्रचण्डले पाए
    – प्रचण्ड निदाएका थिए अव बिउझिन्छन्
    – थप झपटको प्रतिक्षा गर्नु
    – चियापानमा झापड खाएको प्रचण्ड चिया देखे तर्सिन्छ
    – पदम कुवंर हिरो हुन्

    (यी प्रतिक्रिया फेसबुक तथा अन्य संचारमाध्यममा आएका हुन) (चिरण शर्मा मार्फत)

prachanda_slapped

प्रचण्डलाई झापड हानेपछि माओबादी कार्यकर्ताको कुटाइ खाएर रगताम्य भएका बाग्लुंगका पदमकुमार कुँवर

प्रकाश दाहालको बाबु भेटन पाउन माग

सगरमाथा आरोहण गर्दाको सहयात्री बीना मगरसंग लिएर बेपत्ता भएका प्रचण्ड पुत्र प्रकाशले आफुले आफ्नो बाबुलाइ भेट्न पाउनु पर्ने माग गरेका छन् । आफ्नी दोश्री श्रीमती र छोरा छोडेर आर्काकी श्रीमतीलिएर भागेका प्रकाशलाइ आफ्नै पार्टीले निस्काशन गरेको थियो ।

आफ्नो छोरा छोरीले जे जस्तो गरेनी बाबु आमाको अगी सधै सानो नै हुन्छन. एउटा छोरा छोरीले बाबु आमालाई भेट्न नपाउने यो कस्तो दुनिया! कस्तो बिडम्बना ! राजनीति भन्ने बितिकै परिवार भन्ने हुदैन र? माया भन्ने चिज हुन्न?? यो संस्कार कसले बनायो?

prakash_dahal_fb_statement

“यथार्थ कुरो चाँही के हो? ” भनेर सोधिएका कमेन्टको उत्तरमा प्रकाश दाहालले, “अरुको परिवार माथि खेलेर सम्पति कमाउने सुरमा हो?” भनेर प्रतिप्रश्न गरेका छन् ।  साथै उनले यो बिषयमा बोल्न इन्कार गर्दै यो घटना उनको निजी जीवन भएको बताएका छन् । प्रकाश थप्छन, “सबैको आफ्नो जीवन आफ्नै हिसाबले हेर्ने, मिलाउने र समय परे आफैले हेर्ने अधिकार छ”।

प्रकाशले सम्पूर्ण नेपाली हरुलाई आरोप लगाउदै भनेका छन् : “नेपाली अरुको परिवार अरुको निजी जीवनमा खेलेर हास्ने र तेसबाट फाइदा उठाउन जानेका छन्।”

prakash_dahal_fb_statement_2

प्रकाशका बाबु प्रचण्ड अध्यक्ष रहेको पार्टी नेकपा माओबादीले यस अघि बहु-बिबाह गरेको आरोपमा बिभिन्न मानिसहरुलाई अपहरण र हत्या गर्ने गरेको थियो । अहिले कार्यकर्ताहरु प्रकाशलाई पनि कारबाही गर्नु पर्छ भन्न थालेका छन् । तर, आफ्नो व्यक्तिगत जीवन भएको तर्क कतिले मान्ने हुन हेर्न बाँकी छ ।

यस बिषयमा आफ्नो बिचार कमेन्टमा व्यक्त गर्न अनुरोध गरिन्छ !

अपडेट – प्रकाशले अहिले सो कमेन्ट आफ्नो फेसबुकबाट हटाइसकेका छन् । हटाईनु अघि सम्म कुनै पनि कमेन्ट सकारात्मक थिएनन र सायद तेसैले उनले सो पोस्ट मेटाएका होलान।

प्रचण्डपुत्र प्रकाश दाहाल र बिना मगर, सम्बन्धको पृष्ठभूमि

पाँच दिन देखि सगरमाथा आरोहण गर्दाको सहयात्री युवतीलाइ लिएर बेपत्ता भएका भनिएका प्रचण्डपुत्र प्रकाश दाहाललाइ नेकपा माओवादी पार्टीले अनुशासनको उल्लंघन भएको भन्दै निलम्बन गरेको छ ।

prakash_dahal_with_son

प्रकाशले पहिलो बिबाह माओवादीका सचिव पोष्टवहादुर बोगटीकी छोरी प्रभासंग गरेका थिए । सो जनवादी विवाह धेरै टिक्न नसके पछि केहि समयमा नै "आपसी समझदारी"मा सम्वन्ध विच्छेद गरेका हुन प्रकाशले। त्यस पछि करीब ४ वर्षअघि मात्र पोखराकी श्रृजना त्रिपाठीसँग विवाह गरेर एक छोराका बाउ भइसकेका प्रकाशले अर्की युबतिलाई लिएर भागेको खबरलाई सुखद मान्न सकिदैन ।

एक समाचार अनुसार प्रकाश हाल भारतको पटनामा नेपालमा अखिल क्रान्तिकारीकी केन्द्रीय सदस्य विना मगरका साथ छन् । सगरमाथा आरोहणको समयमा नै बिना र प्रकाशको बीचको सम्वन्धको बारेमा चर्चा चले पनि यति छिटै भाग्लान भनेर कसैले पनि सोचेका थिएनन । सगरमाथा आरोहणको समयमा दुइजना संगै बसेर खिचेको निम्न फोटो हामीले त्यो बेला नै पोस्ट गरेका थियौं:

हिजो दिउँसो बसेको माओवादी पोलिटब्युरो वैठकमा प्रचण्डले आफ्नो छोराले केटी लिएर भागेको स्वीकार्दै उसलाई कारवाही गर्नुपर्ने प्रस्ताव पनि गरेका थिए । सोही प्रस्ताब अनुरुप प्रकाशलाई पार्टी अनुशासनको गम्भीर उल्लंघन भएको भन्दै निलम्बन पनि गरेको छ ।

अखिल क्रान्तिकारीकी केन्द्रीय सदस्य र सरस्वती क्याम्पसकी स्वबियु सभापति बिना मगर माओवादी कार्यकर्ता शंकर अधिकारीकी पत्नी हुन । हालै फुटेको पार्टीमा बिना संस्थापन पक्षमा थिइन् भने उनका पति शंकर भने बैद्य नेतृत्वको नेकपा- माओवादीका लागेका छन् । (अंग्रेजीमा)

यस अघि पत्रिकाहरुमा सगरमाथा आरोहणको क्रममा प्रकाश र बिना बीचको सम्बन्धको बारेमा छापिएको समाचारहरुका केहि अंश:

पुगेको एक सातामै नाम्चे बजारको लजमै प्रकाश र बिना यति व्यस्त भए कि यी दुईले आरोहण दलका अन्य सहकर्मीलाई उति समय दिनै भ्याएनन् । आरोहण दलका एक सदस्यले बताएअनुसार आधारशिविर नपुग्दै दिङबोचेमा यिनीहरुले देखाएको चर्तिकला हेर्न नसकेर नदेखेझैँ गर्नुपरेको थियो । जब उनीहरु अन्य सहकर्मीसँगै चौथो शिविर पुगे झनै अचाक्ली भयो । युद्धकालदेखि केही समयअघिसम्म मात्रै प्रचण्डको बडिगार्डका रुपमा खटिएका शरद्ले जब प्रकाश र बिनालाई चौथो शिविरको टेन्टभित्र आफैँले अप्ठ्यारो अवस्थामा भेट्टाए त्यहीबेला उनले चेतावनी पनि दिए । तर त्यो घनिष्टता कुनै चेतावनीका सामु झुक्ने कुरै थिएन । अति भएपछि शरद कृष्ण केसी र जनमुक्ति सेनाका बि्रगेड कमान्डर सरल सहयात्रीले प्रकाशलाई सम्झाए । तर त्यो सम्झाइको पनि कुनै काम लागेन ।

दोस्रो शिविर उक्लिनुअघिको रात बिना बिरामीको निहुमा बाटो देखाउन गएका सहयोगी शेर्पासँगै पालमा पसिन् । त्यो बसाइ भने कुनै अनुचित प्रकारको नभएर महिला र पुरुष हार्दिकतासाथ पुरुष-पुरुष वा महिला-महिला कम्युनमा बसेजस्तो बस्न सक्छन् भन्ने सन्देश दिनेखालको थियो । तर चौथो शिविर उक्लिएपछि ती शेर्पा बिनाको साथबाट हटाइए । बिनासँगै गएकी ईशु भट्ट स्वास्थ्यले साथ नदिएका कारण तीन-चार रात बिनासँगै बिताएर फर्किइन् । अनि खाली भएको बिनाको टेन्टमा प्रकाशलाई निम्त्याउन सुरु भयो । कहिले बिनाकहाँ कहिले प्रकाशकहाँ यी दुईको आवत-जावत बढी नै हुन थालेपछि शरद् सरल र कृष्णले दुवैलाई राखेर ठाउँको ठाउँमै ‘वार्निङ’ दिए । तर, दुवैले ‘हैन-हैन कहाँ त्यस्तो हुनु’ भन्दै कुरा टारे । यसबारे वास्तविकता बुझ्न आरोहण दलका सदस्य शिव डाँगीलाई जनआस्थाले फोन गर्दा उनले सुरुमा ‘एकछिनपछि भन्छु’ भने । तर त्यसपछिका फोन उठाएनन् । बरु प्रकाशलाई रिपोर्टिङ गरिभ्याएछन् र प्रकाशले फोन गरेर भने, ‘दाइ शिव डाँगीलाई केही सोध्नुभएको थियो रे ! त्यस्तो केही पनि होइन दाइ; नछापिदिनुस् है !’ युद्धकालमा भए सफायादेखि कारबाही घटुवा आलोचनासम्मका कारबाही हुने सांस्कृतिक अपचलनरुपी यस्तो गतिविधि माओवादीभित्र त्यसै सामसुम पारिएको छ । (जनआस्था)

तेस्तै अर्को खबरमा:

आरोहण टोलीमा संलग्न एक महिला सदस्यसँग प्रचण्डपुत्र प्रकाशले अघि बढएको ‘अन्तरंग सम्बन्ध’ ले सीमा नाघ्न थालेपछि अन्य सहयात्रीहरूले सम्झाउने कोसिस गरे। तर यो सम्बन्धलाई प्रकाशले विशेष सम्बन्धसँग तुलना गर्दै डिस्टर्भ नगर्न चेतावनी दिएपछि सबै चुप भए। ‘कुनै ब्लू फिल्मको सुटिङ गर्न आएका हौं कि सगरमाथा चढ्न? हेक्का राख्नुपर्योई कमरेड’ टोलीका एक सदस्यले दिएको यो सुझावलाई प्रकाशले सहन नसकेपछि झन्डै हात हालाहालको स्थिति भयो।

दारु खाएपछि एक्कासि बौलाउने प्रकाशको चरित्रले कुनै पनि बेला दुर्घटना हुनसक्ने भयले आक्रान्त टोली नेता कृष्ण केसीले प्रचण्डलाई त्यहीँबाट टेलिफोन गरी वस्तुस्थिति अवगत गराएको बुझिएको छ। तर प्रचण्डले कुनै वास्ता गरेनन्। त्यसपछि अर्का सदस्यले आमा सीता दाहाललाई टेलिफोन गर्दै पुत्र प्रकाशको रोमान्स पारिवारिक विघटनको अवस्थासम्म पुग्न लागेको जानकारी गराउँदै थिए। ज्ञानेन्द्रको दिमागमा पारस चढे जस्तै प्रचण्डको दिमागमा प्रकाश राम्रैसँग चढिसकेका रहेछन् भन्ने बुझेपछि टोलीका सदस्यहरू तैं चुप मै चुप भए। आरोहण टोलीमा बिना मगर, कृष्ण केसी, शिव डाँगी, महेश्वर फुयाँल, मदन चुँडाल, युवराज दुलाल, शरद पौडेललगायत थिए। लाहुरेकी क्रान्तिकारी छोरी बिना मगरको शंकर अधिकारीसँग बिहे भइसकेको छ। बिना प्रचण्ड पक्षमा लागेकी छन् भने शंकर मोहन वैद्य पक्षमा खुलेर लबिङ गरिरहेका छन्। बिना आरोहण दलकी एक्ली महिला हुन्। (विक्लीनेपाल)

bina_magar_sagarmatha

प्रकाश दाहालले २ करोड फिर्ता गरे रे

आफ्नै पार्टी लगाएत सबै तिरबाट विरोध हुन थाले पछि ए.नेकपा माओवादीका अध्यक्ष पुष्पकमल दाहाल का छोरा प्रकाश दाहाललेले सगरमाथा चढ्न भनेर नेपाल सरकारबाट लिएको लिएको  रु. २ करोड फिर्ता गर्ने घोषणा गरेका छन्। फेसबुकमा पोस्ट गरेको मेसेज अनुसार "आरोही दलको पत्रकार सम्मेलन २ बजे पार्टी कार्यालयमा" हुने छ ।

press_meet_prakash_dahal

नागरिकन्युजका अनुसार प्रकाशले, ‘सरकारले दिएको २ करोड फिर्ता गर्ने निर्णय गरेको छु र यस विषयमा २ बजे पेरिस डाँडामा पत्रकार सम्मेलन गरी आफ्ना कुरा राख्नेछु।’  भनेका छन् ।

शान्ति र संविधानका लागि सगरमाथा चढ्न लागेको भनेर नेपाल सरकारसँग रु ३ करोड रुपैयाँ माग गरेकोमा सरकारले रु २ करोड मात्रै दिने निर्णय गरेको थियो । शुरुमा सो रकम कम भएको भनेर प्रत्रिक्रिया दिएअक प्रकाश अन्त्यमा सर्बत्र निन्दा हुन थाले पछि पछि हटेन बाध्य भएका हुन ।

माओबादी टिमको सगरमाथा आरोहणको घटनाक्रम:

prakash_preparing_everest ascent

पत्रकार सम्मेलन अपडेट

प्रकाश दाहालले पत्रकार सम्मेलनमा आफ्नो बाबु-छोरालाई नै सगरमाथा आरोहन संग जोडेर बदनाम गराउन खोजिएको बताएका छन्। ब्यापक बिरोध भए पछि सरकारी सहयोग नलिने घोषणा गर्न आयोजित सो समारोहमा सगरमाथा यात्राका संयोजक केसीले जनता संग एक एक रुपैयाँ जम्मा गरेर भए पनि सगरमाथा आरोहण नरोकिने बताएका थिए ।

प्रचण्ड तनाव र माउन्टेन फ्लाइटको बिज्ञापन

माओवादी अध्यक्षले राजनीतिक तनाव कम गर्न भनेर हिजो हिमालहरुको बीच उडाइने ‘माउन्टेन फ्लाइट’ को सयर गर्नुभएको छ । आफ्नो परिवार र उनी निकट नेता र उनका परिवारको साथमा गरिएको यो खबर पत्रिकाहरुमा छापिएका थिए ।

prachand_mountain_flight

प्रचण्डका साथ हिमाल सयरमा निस्कने नेताहरुमा कृष्णबहादुर महरा, जनादर्शन शर्मा प्रभाकर, पर्यटन तथा नागरिक उड्डयनमन्त्री लोकेन्द्र विष्ट मगर र तीनैजना नेताका परिवार थिए । साथै प्रचण्डका भतिजा समीर दाहाल र पुत्र प्रकाश पनि सोमबार बिहान ६ बजेर १५ मिनेटदेखि ७ बजेसम्मको माउन्टेन फ्लाइटमा संगै थिए । पहिले पहिले राजनीतिक तनाव भएको बेलामा धुलिखेल रिसोर्ट जाने गरेका प्रचण्ड अब तनाब कम गर्ने नयाँ नयाँ उपय हरु पत्ता लगाउन थालेको भान हुन्छ ।

प्रचण्डलाइ तनाव हुनु र माउन्टेन फ्लाइटमा जानु कुनै बिरोध गर्नु पर्ने बिषय त होइन तर, मानिसहरुले उनको प्रचण्ड तनावलाई हिमाली हावाले शितलता प्रदान गर्नको लागि जम्बो टिम नै किन जानु परेको होला भन्ने जिज्ञासा गरिरहेका छन् ।

यो सयरले एक हिसाबले माउन्टेन फ्लाइट र यती यरलाइन्सको बिज्ञापन पनि गरिरहेको बुझ्न सकिन्छ । (फोटो क्रेडिट – प्रकाश दाहाल)

१७ औं जनयुद्ध दिबस मनाइदै

माओवादीले सशस्त्र युद्ध सुरु गरेको दिन २०५२ फागुन १ को सम्झनामा मनाइने जनयुद्ध दिबसको उपलक्षमा काठमाण्डौंको खुल्ला मन्चमा भएको एक सभामा माओवादी अध्यक्ष पुष्पकमल दाहालले सम्बोधन गरेका छन् ।

उक्त सम्बोधनमा प्रचण्डले भने:

सर्वोच्च अदालतले ६ महिनामा संविधान लेख भन्यो। हामीलाई त्यो अदालतको मतलव छैन। हामी जनताको अदालतले भनेको मान्छौं।

prachanda_speaking_in_khullamanch

मोहन वैद्यलेले  भने, "माओवादी त अलिअलि बिग्रेकै हो। अलिअलि बिग्रियौं, पूरा बिग्रन दिन्नौं।" भन्दै, माओवादी पार्टी फुट्ला भनेर आशा गर्नेहरुलाई पार्टी नफुटने बताए ।

अर्का नेता बर्षमान पुनले पार्टी एकताका लागि पद त्याग्नु परे पनि तयार भएको बताए । (फोटो क्रेडिट – प्रकाश दहाल)

प्रचण्ड निवास घरधनी सुमार्गीकी जेठीसासु? बहाल दिदा डेढ करोड घाटा?

प्रचण्ड हालै बसोबास गरिरहेको र मासिक एक लाख तीन हजार भाडा तिरिरहेको घरको घरमुली को हो भन्नेमा अन्योल हुनु आफैमा अचम्मको कुरो छ । प्रचण्डले एक पेज लामो बक्तब्य निकाल्न लगाएर यो बिषयलाई झन रहस्यमय बनाएका थिए  । गिरीजाप्रसाद कोइरालाले समेत "नयाँ र फराकिलो घर खोज्न अनुरोध" गरेको उल्लेख गरिएको सो बक्तब्यमा घरधनी र सो घरमा भएको सुविधाको बारेमा केही पनि उल्लेख गरिएको छैन ।

हालै नागरिक दैनिकले "पार्टी उपाध्यक्ष मोहन वैद्य निकट एक केन्द्रीय सदस्य"को हवाला दिदै सो घरकी घर धनी शिशु आर्याल प्रचण्ड निकट व्यापारी अजय सुमार्गीकी श्रीमती अस्मिताकी दिदी भएको पत्ता लागेको बताएको छ।  रिपोर्ट अनुसार, अहिले अमेरिका बसिरहेकी शिशु आर्याल वा उनको परिवारको त्यति महंगो घर किन्न सक्ने हैसियत पनि नभएको बताइएको छ ।

आफूहरू सामान्य घरमा बस्ने अनि १ लाख ३ हजार रुपैयाँ भाडामा लगाउन कसैले पनि करोडौं लगानी गर्दैन

केही महिना अघिमात्र शिशु अर्यालको नाममा पास गरिएको सो भबनको बास्तबिक घरधनी प्रचण्डनै भए पनि देखाउनको लागि मात्र  शिशु अर्याल नाममा पास गरिएको हल्ला छ । प्रचण्डले मासिक एक लाख तीन हजार भाडा तिर्ने कुरा गरे पनि सो भाडाको आय श्रोत नखुलाउनु आफैमा बिबादास्पद छ ।

prachanda_house_lazimpat

मालपोत कार्यालय को रेकर्ड अनुसार ५ करोड २० लाख रुपैयाँमा पास गरिएको भए पनि स्थानीय मानिसहरु चल्तीको भाउअनुसार सो घरको मूल्य  १५ करोड सम्म पर्न सक्ने अनुमान गर्छन ।

साधारण ब्यापारिक हिसाब 

ब्यपारी नभए पनि पैसा ब्यांकमा राख्यो भने ब्याज आउछ भन्ने त सबैलाई थाहा हुन्छ। मलाइ प्रचण्डले काठमांडू बीचको तीनरोपनी जग्गामा बनेको घरलाई रु. १,०३,००० तिरेर बसेको भन्ने कुरा आफैमा हास्यास्पद लागेको थियो  । तेसैले, त्यो घरधनीले घर किन्ने पैसा ब्यांकमा राखेको भए कति आम्दानी हुने थियो भन्ने हिसाब गर्न मनलाग्यो:

मालपोत कार्यालय को रेकर्ड न्यूनतम् र तिरिएको भन्दा धेरै नै कम हो भन्ने थाहा पाउदा पाउदै पनि यदी घरको मूल्य ५ करोड २० लाख नै भएको भए पनि:

शिशु अर्यालले सो रकम (रु. ५,२०,००,०००) नेपालका कुनै पनि ब्यांकमा (नेपाल ब्यांक वा एभरेष्ट ब्यांक, वा कुमारी ब्यांक वा लुम्बिनी ब्यांक ) मा फिक्स डिपोजिटमा राखेको भए उनले पाउने ब्याज मात्र १०%को दरले रु ५२,००,००० हुने थियो । त्यस हिसाबले, उनले मासिक रु. ४ लाख ३३ हजार चानचुन कमाइ गर्ने थिइन ।

प्रचण्डलाई भाडामा दिनुले एक बर्षको घाटा – रु. ३९ लाख ६४ हजार।

नेपाल इन्भेस्टमेन्ट ब्यांकमा राखेको भए उनले अझ बढी ब्याजदर (प्राइम रेट १०.५%) पाउने थिइन भने बाणिज्य ब्यांक र  बंगलादेश ब्यांकमा अझै बढी ११% पाउने थिइन ।

११% ब्याज आउने ब्यांकमा राखेको भए उनलाई भएको बार्षिक घाटा – रु  ४४ लाख ८४ हजार

उनका ब्यापारी साथीका नातेदारले झन्डै ४५लाख घाटामा प्रचण्डलाई घर भाडामा दिन किन त्यो घर किने त?

स्थानीय मानिसहरुले भनेको चल्तीको भाउलाइ साँचो मान्ने हो भने त शिशु अर्यालको बार्षिक घाटा मात्रै डेढ करोड भन्दा बढी हुन्छ । (१५ करोडको ११%का दरले ब्याज मात्रै मासिक १३ लाख ५० हजार हुन आउछ)

प्रश्न उठ्छ:

  • बास्तबिक घरधनी को हो ? (प्रचण्डको बक्तब्यमा यस बारेमा केही उल्लेख छैन)
  • घरमुलीले ४५ लाख देखि डेढ करोड सम्म घाटा खाएर प्रचण्डलाई किन भाडामा राखिन ? (ब्यांकमा नराखेर लगानी गरेमा अझै बढी प्रतिफल आउन सक्छ)
  • मासिक १ लाख ३ हजार भाडा तिर्ने र साथसाथै सोही अनुरुपको जीवनयापन गर्नको लागि चाहिने रकमको लागि प्रचण्डको आय श्रोत के हो?
  • नेताले जनता प्रति उत्तरदायी भएर पहिले नै बक्तब्य निकाल्नु पर्नेमा देशी तथा बिदेशी मिडियामा हल्ला खाल्ला भए पछि मात्र बक्तब्य निकाल्नु गैर जिम्मेबारीपन भएन ?

प्रचण्डको नयाँ घरमा स्वीमिङपुल छैन रे

स्वीमिङपुलको कुरा पनि भएको थियो र?

इन्डियन एक्सप्रेसले लेखे अनुसार "टेबल टेनिस हल" चाहिं छ रे!  (फेरी रे कै कुरा – किनकी लामो प्रेस बिज्ञप्तिमा जति हल्ला भएको भए पनि टेबल टेनिसहलको कुरा उल्लेख छैन )

prachanda_residence_lazimpat

एकीकृत नेकपा(माओवादी)का अध्यक्ष पुष्पकमल दाहाल ‘प्रचण्ड’ ले ढिलै भए पनि आफ्ना निजी सचिवमार्फत् प्रेस विज्ञप्ति जारी गर्न आबश्यक  ठान्नु सकारात्मक कुरा नै मान्न सकिन्छ । माघ २१ गते शनिबार जारी गरिएको प्रेस विज्ञप्तिमा "सम्पूर्ण करसहितमासिक १ लाख ३ हजारको भाडादरमा" लिइएको बताइए पनि पार्किंङको सुविधा बाहेक अन्यके कस्तो सुबिधा छ र सो घरको धनीको बारेमा केही पनि बताइएको छैन ।

प्रचण्डको नयाँ निवासको बारेमा लेखिएका कुरा हरुलाई "गोयवल्स शैलीको प्रचार" भनेर  "सत्य तथ्य नवुझी अन्दाज र नियतको आधारमा त्यस्ता भ्रमपूर्ण समाचार प्रचार–प्रसार" नगर्न अनुरोध गरिएको यस विज्ञप्ति भित्र कति तथ्य लुकेका छन् पाठकहरुलाइ नै छोडी दिउं । प्रेस विज्ञप्तिको पूर्ण पाठ :

 

मितिः २०६८/१०/२१
प्रेस विज्ञप्ति

महान् जनयुद्ध, जनआन्दोलन र शान्ति—प्रक्रियाको नेतृत्व गर्दै आउनुभएका एकीकृत नेकपा(माओवादी)का अध्यक्ष क.प्रचण्डको निजी निवास नयाँबजारबाट लाजिम्पाट सरेपछि विभिन्न राष्ट्रिय तथा अन्तर्राष्ट्रिय मिडियाहरुमा सर्वसाधारणलाई भ्रम पर्ने गरी आएका समाचारप्रति हाम्रो ध्यानाकर्षण भएको छ ।

सर्वप्रथम हाम्रो पार्टीका श्रद्धेय अध्यक्ष पुष्पकमल दाहाल ‘प्रचण्ड’ शान्ति प्रक्रियामा आएदेखि नै काठमाडौंका विभिन्न र पछिल्लो समयमा नयाँबजारस्थित एक घरमा भाडामा बस्दै आउनुभएको कुरा सबैलाई जानकारी भइसकेको विषय हो । उक्त घर सुरक्षा संवेदनशीलताका दृष्टिले उपयुक्त नभएको, विदेशी कुटनीतिक नियोग र विशिष्ट अतिथिहरु आउँदा समेत सडकमै गाडी पार्कीङ गरी हिंडेर जानुपर्ने तथा जनतालाई पर्ने असुविधाले गर्दा तत्काल अन्यत्र राम्रो स्थान र घरमा सर्न विभिन्न पक्ष, र शुभचिन्तकहरुबाट बारम्बार सुझाव आइरहेको थियो । यस सम्बन्धी तात्कालीन प्रधानमन्त्री तथा नेपाली कांग्रेसका नेता गिरीजाप्रसाद कोइरालाले सुरक्षा संवेदनशीलताका कारण नयाँ र फराकिलो घर खोज्न अनुरोध गरेको कुरा स्मरणीय छ। त्यसपछि करिब दुई वर्ष निरन्तर त्यस्तो घरको खोजी भईरहेको अवस्थामा पार्टी, शुभचिन्तक र सचिवालय समेतको पहलमा लाजिम्पाटमा घर भेटिएपछि उक्त घर उपयुक्त हुने ठानी सरिएको कुरा पनि जानकारी गराउन चाहन्छौं ।

अहिले उक्त घर किनेको तथा निवासमा संभ्रान्तवर्गले उपयोग गर्ने विभिन्न सुविधा र स्वीमिङपुलसमेत भएको भनी प्रचारित विषय गम्भीर भएको हामीले ठानेका छौं । सम्पूर्ण करसहितमासिक १ लाख ३ हजारको भाडादरमा लिइएको हालको निवासमा तुलनात्मक रुपमा सुरक्षा, पार्किंङको सुविधाभएको स्पष्ट पार्न चाहन्छौं । तर संभ्रान्तको जस्तो स्वीमीङ पुललगायतका सुविधा भएको भनी गरिएको गोयवल्स शैलीको प्रचारमा गम्भीर षड्यन्त्रको गन्ध हामीले पाइरहेका छौं । यसलाई क.प्रचण्डलाई कुनै न कुनै रुपमा असुरक्षित राख्ने तथा आम कार्यकर्ता र जनपंक्तिमा भ्रम श्रृजना गर्ने षड्यन्त्रको कडीको रुपमा हामीले लिएका छौं ।

श्रद्धेय अध्यक्ष र परिवारको बारेमा जसरी प्रचार गरिएको छ त्यो निराधार, कपोलकल्पीत र पुर्वाग्रहपूर्ण छ । क. प्रचण्ड निरन्तर जनताकै बीचमा रहेर क्रान्तिको नेतृत्व गर्नुभएको र अहिले पनि जनताकै निम्ति संघर्षरत रहनुभएको तथ्य स्पष्ट पार्न चाहन्छौं । तसर्थ त्यस्ता कुप्रचारबाट भ्रमित नहुन आम पार्टी कार्यकर्ता र सर्वसाधारणमा अपील गर्दछौं । साथै सत्य तथ्य नवुझी अन्दाज र नियतको आधारमा त्यस्ता भ्रमपूर्ण समाचार प्रचार–प्रसार र प्रकाशन नगरिदिनुहुन र सत्य तथ्यलाई उजागर गर्न सहयोग पुर्‍याउन पनि सम्पूर्ण मिडियाकर्मी साथीहरुमा अनुरोध गर्दछौं ।

नेपाल अहिले इतिहासको अत्यन्तै संगीनपूर्ण संक्रमणमा भएको बेला गरिने यस्ता प्रचारहरु अत्यन्तै संवेदनशील हुने भएकाले यस संवेदनशीलतालाई ख्याल गर्न पनि हामी सबैमा अनुरोध गर्दछौं ।

समिर दाहाल
निजी सचिव
अध्यक्ष, एनेकपा (माओवादी)
लाजिम्पाट, काठमाडौं।