पुनर्जन्म फागुन २२बाट हेर्न पाइने

यही फागुन २२ गतेबाट रिलिज हुन लागेको नेपाली फिल्म “पुनर्जन्म” को टोलीले मंगलबार राजधानीमा एउटा पत्रकार सम्मेलन गरेर सो फिल्मको ट्रेलर र एउटा गीत पनि सार्वजनिक गरेको छ ।

सो कार्यक्रममा बोल्दै फिल्मका अभिनेताहरू गजित विष्ट र आर्यन सिग्देलले आफ्नो भूमिकाको बारेमा प्रष्ट पारे । यो फिल्म द्वन्द्वकालको बेलामा सैनिकको परिवारमा घटेको सत्य घटनालाई लिएर बनाइएको हो । आर्यन सिग्देलका अनुसार यो फिल्मलाई व्यावसायिकतालाई भन्दा पनि सत्यपरक विषयलाई बढी जोड दिएर निर्माण गरिएको छ । सो कार्यक्रममा बोल्दै अभिनेत्री केकी अधिकारीले सैनिक अधिकृतको जीवनमा आउने उतारचढाव का कारणले उसको वैवाहिक जीवनमा पार्ने प्रभावलाई फिल्ममा प्रस्तुत गरिएको बताईन् ।

punarjanma press meet

“पुनर्जन्म”लाई निर्माता मोहनकृष्ण श्रेष्ठ निर्माण गरेका हुन । फिल्मका निर्देशक तथा सम्पादन सजन श्रेष्ठका अनुसार यो फिल्मलाई शुरुमा छोटो फिल्म बनाउने भनेर शुरु गरिएको भए पनि पछि कथालाई नयाँ प्रकारले प्रस्तुत गरेर फिचर फिल्मनै बनाइएको हो ।

 Continue reading

ज्ञानेन्द्र १७ साल फर्काउने आशामा

पुर्व राजा ज्ञानेन्द्रले भैरहवामा एक पत्रकार सम्मेलन गरि राजसंस्था शक्तिको साथ उदाउने बताएका छन् ।  ज्ञानेन्द्रले भने, "जनताकै चाहनाअनुसार राजसंस्था हटेको हो, जनताले चाहे भने फेरि राजसंस्था पुर्नस्थापित हुनसक्छ, तर म राजनीतिमा भने संलग्न हुन्न"। हालको राजनीतिक संकटका कारण जनता नयाँ शक्तिको खोजीमा रहेको बुझेका ज्ञानेन्द्रले जनताले चाहेमा आफू त्यो "नयाँ शक्ति"को नेतृत्व गर्न तयार रहेको पनि बताएका छन् ।

२००७ सालमा आएको प्रजातन्त्र संस्थागत हुन नसक्नुको कारणलाई प्रयोग गर्दै तत्कालिन राजा महेन्द्रले पंचायती व्यवस्थाको सुत्रपात गरेको जस्तै उनका छोरा ज्ञानेन्द्रको यो पत्रकार भेटघाटलाइ धेरैले धमिलो पानीमा माछा मार्ने प्रयासको रुपमा बुझेका छन् ।

ज्ञानेन्द्रले आज पहिलो पटक माओवादी र ७ राजनीतिक दलबीच १२ बुँदे सहमति भएकोबेलामा राजसंस्थासँग पनि एक लिखित सहमति भएको दावी गरेका छन् । उनले आबश्यकता महशुस भएको बेलामा सो सहमति सार्बजनिक गर्न पनि आफू तयार रहेको बताउने ज्ञानेन्द्रले अहिले सम्म सो सहमतिको बारेमा जनतालाई नबताउनु र अहिलेनै सो बारेमा बोल्नु पर्नुको परेको कारण भने बताएनन । जनताको राजनीतिप्रति देखिएको वितृष्णाको बारेमा चर्चा गर्दै ज्ञानेन्द्रले जनतालाई निराश हुन नदिने पनि बताएका छन् ।

यस अघि राजा निकट समाचार माध्यमहरुले बुटवलमा पूर्वराजा ज्ञानेन्द्रको स्वागत गर्न राप्रपा लगायत  नेपाली काङ्रेस, नेकपा एमाले,  नेकपा माओवादी र मधेशवादी दलहरुका कार्यकर्ताहरुको समेत ब्यापक सहभागिता रहेको बताएका थिए ।

gyanendra_in_crowd_butwal_rupendehi