जो अगुवा … ट्राफिक पुलिसलाइ हेल्मेट लगाउनु पर्दैन?

निम्न फोटोमा देखिएकी महिला ट्राफिक प्रहरीले हेल्मेट नै नलगाई स्कुटर दौडाइ रहेकी छिन | सर्बसाधारणलाइ हेल्मेट नलगाएकोमा कारबाही गर्ने अधिकार प्राप्त यी सरकारी कर्मचारी आफैले चाहिँ हेल्मेट नलगाउदा कस्तो संदेश जाला?

नियम कानून भनेको सबैमा बराबर लागु हुनु पर्ने होइन र? यीनलाई कसले कारबाही गर्छ होला?

traffic_police_no_helmet

Photo by Anamolmani Paudel

फूटपाथमा पार्किंग

पुल्चोकमा पैदलयात्रीहरु हिड्ने फूटपाथमा निस्फिक्री पार्किङ गरीएका यी दुईवटा सरकारी सबारी साधनहरु र एक कुट्नीतिक नियोगको मोटरसाईकलले गर्दा पैदलयात्रीहरु मोटर बाटोमा हिंड्न वाध्य भएका थिए।

parked_on_footpath

माथिको फोटोका फोटो ग्राफर  प्रशान्त खनालले यो फोटोमा देखिने सबारी साधनहरुलाइ ट्राफिक प्रहरीले कारबाही गरोस भनेर सामाजिक संजाल फेसबुकमा पोस्ट गरेका हुन । बा १ झ ५९४५ को टाटा कार, बा १ झ नम्बरको टोयोटा भ्यान र ५ सी.डी. ४ को मोटरसाइकलले यसरी ट्राफिक नियम उलंघन गरेको  प्रमाणको आधारमा ट्राफिक प्रहरीले कारबाही गरेर सो को जानकारी दिन्छ होला भन्ने आशा गरौँ ।

 Continue reading

जो चोर उसको ठूलो स्वर – नेतालाइ नियम लाग्दैन रे !

एमालेको युवा संघका घोराही नगर सदस्य गणेश नेपाली र एमाले विद्यार्थी संगठन अखिलका केन्द्रीय सदस्य विवेक श्रेष्ठले हेल्मेट नलागाइ मोटरसाइकल चलाउदा दाङका ट्राफिक प्रहरीले समातेर गरेको "गल्ती" को बिरुद्ध चक्का जाम गरेर माफी माग्न लगाएका छन् ।

दुई जना ट्राफिक हवल्दार र एक जना असईले नेतालाइ नचिनेको भएर पक्राउ गर्ने गल्ती गरेको भन्नेर माफी मागे पछि मात्र चक्का जाम फुकुवा भएको थियो ।

यसरी इमान्दारीता पूर्वक आफ्नो जिम्मेबारी अनुरुपको काम इमान्दारीता पूर्बक गर्दा गर्दै पनि दोषीसंग माफि माग्न लगाएको घटनाको बिरुद्ध जिल्ला ट्राफिक प्रहरी कार्यालय दाङमा कार्यरत प्रहरी निरीक्षक सहित १३ जना प्रहरीले राजीनामा दिने चेतावनी दिएका छन् । तलको फोटोमा यसरी चेतावनी सहित बर्दी फुकालेर बिरोध गर्दै गरेका ट्रफिक प्रहरीहरु देखिन्छन (फोटोः रीता लामा, दाङ, सौर्य मार्फत)

राजिनामाको घोषणा गर्नेहरुमा प्रहरी निरीक्षक पूर्णबहादुर भण्डारी, सई बालबन्धु बस्नेत, असई धनबहादुर बोहोरा, हवल्दार पदमबहादुर रावल, हवल्दार सन्तोष शाह, र प्रहरी जवानहरु राजकुमार कार्की, माधबप्रसाद पोख्रेल, रमेश दत्त भट्ट, डिकेन्द्र बहादुर बिष्ट, दयाराम चौधरी, चन्द्री चन्द, लालबहादुर देउवा र किरण ज्ञवाली रहेका छन् ।

dang_traffic_protest_political_interfare

यसरी, राजनीतिक पार्टीका कार्यकर्ता भए पछि नियम कानूनको पालना गर्न आबश्यक हुदैन भन्ने खालको संदेश दिने कार्यको सबैले बिरोध गर्नु पर्छ ।

यस बिषयमा सरकारले स्वतन्त्र अनुसन्धान गरी दोषीलाई कारबाही गर्ने तत्परता देखाउनु आबश्यक हुन्छ ।

क्षमता भन्दा बढी विद्यार्थी बोक्ने विद्यालयलाई कारबाही

सिट क्षमताभन्दा बढी बिध्यार्थी बोकेको आरोपमा महानगरीय ट्राफिक प्रहरीले उपत्यकाका मात्रै २०१ वटा विध्यालयलाई एकै चोटी कारबाही गरेको छ । फाल्गुण १ गते उपत्यकाका तीनवटै जिल्लाका स्कुल बसहरुको जाँच गर्दा २०१ स्कुलका २१२ स्कुल बस हरुले सिट क्षमता भन्दा बढी बिध्यार्थीहरु बोकेको फेला परेका थिए ।

उपत्यकाका बिभिन्न २२ ठाउँमा गरिएको सो चेकजाँचमा कारबाहीमा परेका स्कुलहरुमा इपिएस, ग्यालेक्सी पब्लिक स्कुल,   केमएसी स्कुल, केन्द्रीय बहिरा उमावि, नाङ्गेल आवासीय मावि आदि परेका छन् । कारबाहीमा परेका स्कुलहरुलाई रु. २,००० जरिवाना गराइएको बताइएको छ ।

यसरी एकै दिन मात्र गरिएको चेक जाँचमा यती धेरै स्कुलहरुले हेल्चेक्र्याई गरेर स्कुलबस चलाइरहेको फेला पर्छ भने बिध्यार्थीको सुरक्षाको बिषयमा कुनै पनि स्कुल सम्बेदनशील छैनन कि भन्ने शंका गर्नु पर्ने हुन्छ ।

आशा गरौँ आगामी दिनहरुमा ट्राफिक प्रहरीले यसै गरि अनुगमन गरि रहने छ र स्कुलहरु पनि पैसा कामाउनु भण्दा पनि आफ्ना बिध्यार्थीको पढाई र सुरक्षामा ध्यान दिने छन् ।

नेपालमा हुने गरेको बढ्दो दुर्धटना र हताहतीमा कमी ल्याउन पनि ट्राफिक प्रहरीले यस्ता खालका कारबाही हरु नियमित रुपम गर्नु आबश्यक देखिन आउछ ।

 Continue reading