पुजारि प्रबचन, यो बाटो काँ पुग्छ ?

आज धेरै समय पछि रमाइलो तर धेरै जसो सेन्सर गर्नु पर्ने ट्विट गर्ने साथि पुजारिको प्रोफाइलमा पुग्दा त्यहाँ पनि ह्रस्व दिर्घ कै कुरो हुँदै रहेछ :

poojari tweet

उनको उत्तरले कुनै तार्किक निस्कर्ष ननिस्केको हुनाले ह्रस्व लेख्दा के फरक पर्ला त भनेर सोच्दै थिए, झट्ट यिनका रमाइला लेखहरुको सम्झना आयो । ब्लग सन् २०१२ देखि अपडेट नगरे पनि लेखहरु चांहि धन्न मेटाइ सकेका रहेनछन । एउटा छोटो र मिठो लेखलाइ कपि पेस्ट गरेर दिर्घ जति सबैलाई ह्रस्व बनाइ दिएको छु । अनर्थ भयो भने भन्नु होला है !

यो बाटो काँ पुग्छ ?

यो बाटो काँ पुग्छ भनेर सोध्नि गाँठे !  अब, काँ पुग्छ भन्ने यो बाटो, आफु जाने ठाँउ पो सोध्नु पर्छ त ।

सातदोबाटो चोकबाट चक्रपथ नबिराइकन लगभग २७ किलोमिटर जति हिँड्ने हो भने यो बाटो जहाँको त्यहिँ पुग्छ ।

हैन भने, एसो छ्याङ खान्छु भन्ने हो भने च्यासल पुग्छ, अलि पर डाँडातिर गएर कोदोको हान्छु भन्ने हो भने नगरकोट पनि पुग्छ यो बाटो । बिहानमा दुध लिन लैनचौर पुग्छ भने साँझमा दारु दिन धोबिचौर पनि पुग्छ ।

यदि बिहे गरेका छौ भने तिम्रो ससुरालि पनि पुग्छ, बिहे गरेका छैनौ भने हुनेवाला ससुरालि जति पनि पुग्छ यो बाटो । हैन, भारत तिर जान्छु अनि २-३ बर्ष पछि “क्यानाम” भन्दै फर्कन्छु भन्ने हो भने नारायणघाट, हेटौँडा, बिरगंज हुँदै भारत पनि पुग्छ यो बाटो । हेटौँडा पुग्दै गर्दा “हैन, संविधान नबनेसम्म नेपालमै बस्छु” भन्ने हो भने पथलैयामा झरेर बर्दिबासको गाडी समाएर बिपि राजामार्ग भएर धुलिखेल, बनेपा हुँदै फेरि काठमाण्डु नि आउँछ यो बाटो ।

हैन, एतैबाट धरान गएर कालो बंगुर हसुरेर आउँछु भन्ने हो भने धरान पनि पुग्छ यो बाटो । तेतैबाट भोजपुर गएर एउटा काइदाको खुकुरि किनेर कालापानि गएर अलि परैबाट दक्षिण तिरको दादालाइ खुकुरी देखाएर बेपत्ता भागेर राष्ट्रभक्ति देखाउँछु भन्ने हो भने त्यहाँ पनि पुग्छ यो बाटो ।

अझै काँ पुराम मैले लौ भन ! एति भन्दा-भन्दै पनि फेरी “यो बाटो काँ पुग्छ” भनेर सोध्छौ भने “यो बाटो सिधै पशुपति आर्यघाटमा पुग्छ” ।

!! आत्माले शान्ति पाओस!!

 Continue reading

Incoming search terms:

  • नेपालि
  • नेपाली सेक्शी भिडियो
  • नेपाली चुट्किला
  • नेपाली छाडा जोक
  • https://xnepali net/np/tag/चुट्किला

गूगल र फेसबुकका रेस्टुरेन्ट, मात्र नेपालमा

कहिँ नभएका अचम्मका चीजबिज नेपालमा पाइन्छ । हुँदा हुँदा फेसबुक र गुगलले पनि रेस्टुरेन्ट खोलेर सेबा प्रदान गर्न थालिसकेछन । नपत्याए तलको फोटो हेर्नुहोस :

pepsi sponsored _google_fast_food

"गुगलले पनि कहिँ फास्ट फुड रेस्टुरेन्ट खोलेर बस्छ" भनेर बिस्वास लागेन भने पेप्सीलाइ सोध्नुस । पेप्सीले चानचुनेलाइ स्पोन्सर गर्छ ?

pepsi sponsored _google_fast_food_paknajol

फेसबुक पनि के कम फेसबुक थकाली रेस्टुरेन्ट भनेर खोलेको रहेछ जमलमा । गुगललाइ पेप्सीले स्पोन्सर गरे पछि फेसबुकलाइ कोकाकोला बाहेक अरु कसैले सपोंसर गर्लान त ? ल हेर्नुस, सबै तीन्टा वोर्ड स्पोन्सर गर्न नसके पनि माथिको एउटा रातो वोर्डमा कोकाकोलाले स्पोन्सर गरेर यो पनि आधिकारीक फेसबुकको रेस्टुरेन्ट हो भनेर प्रमाणित गरिदिएको रहेछ । 

facebook_thakali_resturant

फोटो – बिश्व गुरुङ

अपडेट: मित्र निलाम्बरले कमेन्टमा ट्विटरले खोलेको नेपाली स्कुलको फोटो पोस्ट गरेका  रहेछन । गुगल र फेसबुकका रेस्टुरेन्टका फोटो राख्ने ट्विटरको स्कुलको फोटो नराख्नु पक्षपात हुने हुनाले यहाँ पोस्ट (कपी पोस्ट) गरिएको छ:

twitter_school

ट्विटरको स्कुलमा के कुराको पढाई हुन्छ होला भन्ने कुरा सस्पेन्स नै राखिएको छ 🙂

ट्वीटर को छैठौं जन्मदिन

twitter_birthday_6फेसबुकको बारेमा सबैले सुनेको भए पनि ट्वीटर भने नेपाली इन्टरनेट प्रयोगकर्ता बीच त्यति प्रचलित छैन । मार्च २१, २००६ मा पहिलो ट्वीट गरेर शुरु भएको ट्वीटर ६ बर्षको हुँदा सम्म १४० मिलियन (१४ करोड) नियमित प्रयोगकर्ताहरु बीच लोकप्रिय भएको छ । एकै दिनमा ३४० मिलियन (३४ करोड) ट्वीट सम्प्रेषण हुने यस सोसल मिडियाले छोटो समयमा ठूलो फड्को मारेको बिश्वास गरिन्छ ।  पहिलो ट्वीट "Just setting up my twttr," भनेर यसका संस्थापक ज्याक डोरसेले सम्प्रेषण गरेर रचिएको ट्विटरको इतिहास भविष्यमा अझ बढी लोकप्रिय होस् भन्ने एक्स-नेपालीको तर्फबाट शुभकामना ।

बेफुर्सदिला मानिसहरुलाई १४० अक्षर नबढाई कुराकानी गर्न भनेर बनाइएको माइक्रोब्लगिंग प्लेटफर्म पत्रकार, कम्प्युटर चलाउने प्रोग्रामर का साथसाथै केही अन्य व्यवसायका व्यक्तिहरु बीच पनि उत्तिकै पपुलर छ । मुख्यत सेलिब्रेटीहरुले आफ्नो बारेमा जानकारी दिने र उनीहरुलाई पछ्याउने कार्यमा यसको बढी उपयोग गरिने गरिन्छ । पहिले पहिले प्रेस रिलिज गरेर जानकारी दिनु पर्ने कुरा अब ट्वीटरमा पोस्ट गर्ने बित्तिकै एकैचोटी संसारभरि फैलिन्छ। पत्रकारहरुले पनि ट्वीटरलाइ समाचारको एउटा भरपर्दो मध्यम को रुपमा हेर्न थालेका छन्  । ट्वीटरमा पछ्याउने मानिसहरुको आधारमा कुन मानिस कति लोकप्रिय छ भन्ने पनि सजिलै पत्ता लगाउन सकिने भएको छ । अमेरिकी गायिका लेडी गागाका  २ करोड १३ लाख पछ्याउने मानिसहरु छन् भने क्यानेडियन गायक जस्टिन बिबरलाइ झन्डै १ करोड २० लाख मानिसले पछ्याएका छन् । यसरी यिनीहरुले लेखेको पोस्ट एकै चोटी करोडौं मानिसले हेर्ने हुनाले प्रचार प्रसारमा ट्वीटरले ठूलो भूमिका खेलेको छ ।

ट्वीटर प्रयोग गर्ने नेपाली हरुको यकिन तथ्यांक नभए पनि, कुनै पनि समयमा नेपालीहरु पनि हजारौंको संख्यामा ट्वीटर प्रयोग गरिरहेका भेटिन्छन ।  यस लेखका लेखकको ट्विटर एकाउन्टलाइ झन्डै १७०० (प्राय: सबैजसो नेपाली) ले पछ्याउनु भएको छ ।

यस प्रकारको चोरीलाइ ‘प्राबिधिक त्रुटी’ भनिन्छ

हालै कान्तिपुर दैनिकमा लामो समय देखि न्युयोर्क टाइम्स लगाएतका लेखहरु नेपालीमा उल्था गरेर आफैले लेखेको भनेर छापिदै आएको कुरा सार्बजनिक भएको थियो । नाम चलेका युवा पत्रकार आशिस लुइँटेलले आफ्नो सो गल्ति स्वीकार गरी ट्वीटरमा माफी पनि मागेका थिए  ।

Really SORRY for d mistake I did! It was unintentionally/with positive aspect though!Realized that I was wrong!My readers are awesome <3 <3  (ट्विटर)

I do appreciate d thoughts of valuable readers!Apologized!It’ll be clearly addressed in the upcoming issue of @helloshukrabar too!Thank you (ट्वीटर)

ट्विटर प्रयोगकर्ताहरुको चासोको जवाफ दिदै कान्तिपुरका सम्पादक सुधिर शर्माले पनि सो कुराको स्पटीकरण दिइने बताएका थिए

Hello Sukrabar को उक्त सामगृीबारे त्यही सप्लिमेन्टको आउंदो अॅकमा स्पष्ट पारिनेछ। धन्यवाद । (ट्विटर)

त्यसको तीनदिन पछि शुक्रबारको अंकमा सो बिषय "प्राबिधिक कारणले" भएको त्रुटी भन्ने  स्पटीकरण छापियो :

kantipur_response

यस्तो सम्पादकको प्रतिउत्तर गैरजिम्मेबार पूर्ण र निराशाजनक भएको गुनासो चल्दै गर्दा सुधिर शर्माले अर्को ट्वीटमा पत्रकार आशिस लुइँटेललाइ उनको जिम्मेबारीबाट मुक्त गरेर अनुसन्धान शुरु गरेको बताए (ट्विटर लिंक) । तर, यो बारेमा कान्तिपुर पब्लिकेसनको औपचारिक धारणा अहिले सम्म सार्बजनिक भएको  छैन ।

के भएको थियो?

 Continue reading